هوساوي حللني تراني انا اللي صكيتك بعين..!^_^ - نادي الهلال السعودي - شبكة الزعيم

سلطان ولد الهلال · #1 11/03/2010, 02:46 PM

السلام عليكم ورحمة الله وبركاته وبعد
اولا نبارك للزعماء تحقيق الفوز المستحق على مس كرمان الايراني ولله الحمد والمنه

وبأذن الله لن تتوقف الانتصارات حتى نأتي برأس غليص

اللي هو كأس آسيا بأذن الله

ثانيا" ترى كلامي اللي بقوله تحت من باب المداعبه لا غير ..!لأن فيه بعض الحبايب فديتهم يجون مطفين النووووور ومكيمين وينطلون ثم يرد رد مال اومه داعي

^^ماتلاحظون ياجماعه ان الدعيع اذا كشخ بالفنيله ينخفض مستواه؟؟

مادري وشوله التميلح ياابوعبدالعزيز باللبس؟؟

ياااااااااااملحك وانت لابس الفنيله الرماديه ولو يحصل تكتب عليها (لا للمخدرات) كان اطلق شي

عشان ترجع أيام الصبا يوم كنت مع الطائي

ماادري ليش صار عندي تشاؤم كبير اذا غير ابو عبدالعزيز فنيلته؟؟

طبعا" انا راضي فيك يابعد حيي لو تلبس فنيلة الدفه وسروال الاصيل

يمكن أخواننا اللي لهم بالامور النفسيه يربطون بين هالاشياء

والله ياابوعبدالعزيز اني ابتسم مع كل كوره تتلخبط فيها أمس

بس الظاهر اني ابتسمت اربع واربعين مره

وش نوحك يابعد حيي؟؟
أحد مضايقكك؟؟

انا احس انه الزوري اللي مضايقك مادري ليش انا ماارتحت له زيك ياابو دعيع؟؟

^^الاخوان اللي ينتقدون الدعيع ارجو ان لا يكون حكمكم عليه بسبب مباراة الامس فقط..!
لأن كل لاعب معرض لانخفاض مستواه وهذا هو الحال لابوعبدالعزيز

فكم من مره افرحنا وملأ قلوبنا بالبهجه وصلاح الدين بصير

قصدي بالبهجه والسرور

بس تكفى ياابوعزوز دايم البس الفنيله الرماديه

^^حبيب قلبي ابو كلبشه

ماشاء الله تبارك الله ..عيني عليك بارده<<وش عقبه

كنا نطالع بالامس المباراة انا ومجموعه من الشباب بالاستراحه
وتحديتهم قبل المباراة ..!
اذا اخطأ اسامه هوساوي اكثر من خطأ واحد بالمباراة بعشيكم ذبيحه

>>امس نازله الرواتب وطلع الكرم الحاتمي

وصاروا عيال اللذينا يدعون ان اسامه يخطئ عشان العشى

وانا قلبي يقرقع ويآصل باب الاستراحه ويرجع من الخوف

وكل شوي استهتر فيهم واقولهم روحو طلعو جبن كرافت من الثلاجه بس

ترى عشاكم نواشف اليوم

ثم حللللللت الكارثه
ألبي
ألبي
ألبي
أنا حاسس اني حموت

دي سوبعميتة ريال مش سهله قيمة التيس

الا وهوساوي فديته مادري وش سوى واخطأ

الموهم عيال الايه مع انهم كلهم هلالين متعصبين الا انهم تناقزوا من الفرح

سلمت أمري لله وجبت التيس وانا اقول الله يسامحك ياابو كلبشه

لكن انا متأكد انه بيرسلي ع الخاص اذا شاف موضوعي ويقولي عطني رقم حسابك بحول لك قيمة التيس بس لايجيك جلطه يالقعيطي

قفله اخيره

ياناس ورب البيت ورب البيت اني مفتقد شبيه الريح

لبى قلبه عساه يرجع لنا سالم غانم بأذن الله,,

آسف للأطاله ولكن خلاصة كلامي هوعتب محب بطريقة 4-4-2

اخوكم
سلطان

سلطان نجــــد · #2 11/03/2010, 03:12 PM

هههههههههههههههههههههههههههههههههههه

لعاد تراهنهم على تيس ,,, خلك على حبة مظبي هع هع هع هع هع

اما اسامه .... في قمة ابداعه ,,,, لله درك يا كبير

يعطيك العافيه

تحياتي

؛!!"البلياتشو"!!؛ · #3 11/03/2010, 03:16 PM

بالعكس الدعيع امس مافصر وان كان له هفوات لاكن يصححها في نفس الوقت

وبعدين ودخل الفنينه في الدعيع ؟؟؟؟؟؟

ونفس الحال ينطبق ع هوساوي

شبل حربي · #4 11/03/2010, 03:22 PM

خخخخخخخخخخخخخخخخخخخخخخخخخخخخخخخخ
موضوع رآئع ..
و لآ عآ د تسوي علومـ قبآيل ..
و لا ترى التيوس بتنقرض منك ..
امزح معآكـ ..
لكن تبغى الصدق تمنيت اني صآحبك امس ..
خلنآ نتعشى ..
خخخخخخخخخخخخخخخخخخخخخخخ
امزح معآكـ ..
مودتي لكـ ..

طـلـق الـمـحـيـا 16 · #5 11/03/2010, 03:26 PM

هههههههههههههههههههههههههههههههههههه
هونها وتهون يالغالي

يوفينتوس · #6 11/03/2010, 03:34 PM

اي والله ابو دعيع منخفض مستواه شوي

بس ما الومه

بس لي عليه ملاحظة بسيطة وهي انه يصد الكورة ولا يمسكها

اتمنى انه يعدل هالملاحظة

مشكور يا صاحب الموضوع على الموضوع الحلووو

تقبل تحياتي

وبالتوفيق للزعيم في المباريات الجاية

يمكن عشقتك..!! · #7 11/03/2010, 03:48 PM

والله انا من قومك امس

كل ماجبت كوره للدعيع قلت للي جنبي موب منه من الفانيله اللي لابس

ياملح فنيلته الرماديه حقت ايام 86

وهو بالاصل ماعنده الا فنيلتين بالدولاب الرماديه والسوداء

السوداء انرقعنا قدام المانيا 8 - صفر

يعني خلنا على الرماديه وانا اخوك

ههههههههههههههههههههههههههه

مشكور يابعدي

بالتوفيق للزعيم