|
يا أخ: ممنوع تدخل بالشال لأن لونه أزرق بسم الله الرحمن الرحيم ممنوع تدخل بالموية ممنوع تدخل بعصير ممنوع تدخل بسجادة ممنوع انك ترفع صوتك وانت تشجع ممنوع إنك توقف مع الهجمة ممنوع إنك تحضر أصلاً في الملعب ممنوع ممنوع ممنوع *** آسف على الاسلوب بس أكتب منقهر .. فدولة مثل قطر تشحذ الجماهير شحاذة للحضور بعمل المهرجانات ووسائل الجذب .. حتى إنها في فترة اضطرت إلى استقدام مشجعين .. بينما بعض المتعصبين هنا يحاولون تطفيش المشجع الهلالي خصوصا من الحضور .. بكل أسف أقولها .. إني أنا الآن لن احضر أي مباراة للهلال في المملكة وإذا غلبني الشوق كعادتي فلن احضر على الأقل في الرياض .. كثير من جماهير الهلال في المناطق الأخرى تعاتب بسبب أو بغير سبب جماهير الهلال في الرياض .. وأنا أجزم أنهم لو كانوا يتعرضون لما نتعرض له لرأينا مدرجات خاوية قوانين عجيبة وأنظمة غريبة لايحكمها تشريع بل على الهوى وبالهوى تسير .. لن اتكلم على الأسلوب السئ لبعض رجال الامن ولكن أتكلم عن أسلوب التطفيش الذي مازلنا نتعرض له .. فاليوم منعت الشالات الهلالية المقدمة من موبايلي لأن عليها شعار موبايلي !! استغربت من الاسلوب السخيف .. لأنها سمحت في مباريات سابقة كثيرة .. المهم كان ردي .. طقم الهلال الذي ألبسه هل تمنعونني من الدخول به لأن عليه شعار موبايلي .. بالنسبة لي طفشت من المعاملة السخيفة التي نتلقاها لدى البوابات والأنظمة الغبية .. وكأننا داخلون إلى معتقل كبير وليس إلى مدرجات ملعب .. سأجلس أمام الشاشة لأتابع لابسا الشعار الذي أريد وشارباً للماء عندما أعطش وبدون أن اضطر إلى أن أتعامل مع أشخاص يبحثون عن إثارة المشاكل .. همسة : يجب على الإدارة الهلالية مخاطبة الجهات المعنية لتوضيح ماهو مسموح وماهو ممنوع ولتوضيح الأنظمة والقوانين لدخول الملعب وحضور المباريات بشكل واضح .. وأن تشكل لجنة للمتابعة بيحث يكون هناك أفراد من هذه اللجنة أمام البوابات لرصد الظلم ومحاولة رفعه بالطرق القانونية .. وستسعد الجماهير الهلالية بأن تتحمل مصاريف هذه اللجنة عن طريق زيادة بسيطة في سعر التذاكر .. شاكر لكم |
ملعب الشرقيه يحلفون اني داخل بـ (( بليله )) وجالس امخمخ عليها وانا اشووف المباراه وملاعب الرياض حدث ولا حرررج .. تحس انك تستأذن من الوكيل حق المدرسه لأجل يطلعك تشرب موويه او لأي غرض ثاني !! |
لا يهم فالقلب اولريدي أزرق I'm Blue da ba de da ba da |
الى يومك وانا اسال نفسي ليه عصير الربيع ممنوع في ملاعبنا ؟ تصدق اني بعض الاحيان اضحك على نفسي لما اشوف قطر تشحذ الجمهور شحاذه وهي عندها هالملاعب العالميه فعلا .. بينما حنا جمهورنا كبير جدا .. وعلى مستوى جميع الانديه ونلقى التطفيش والسخافه من " العسكر " |
الله واكبـــر علييييهم ,, حسبي الله عليييهم :cry: كل ذاا تطفيـــش ورااااااهم ؟ والله عنــدنا بالشرقيـــه اشتر اللي تبي والبس اللي تبي محــد حووولك غريبين والله ! |
يا رجــآآل الشكو لله انا يوم اقبلت عليهم وكنت لابس فنيلة الهلال فوق الثوب طبوا علي كن معي سلاح نووي ممنوع وما تدخل يالله شيل الفنيله ... ما ادري للحين وش السبب وحتى اللبس بدوا يتحكمون فيـنـآآ ... ياليت الي عندهـ خلفيه عن سبب منع الشـآلات والفنايل الهلاليه الي فوق الثوب يخبرنـآآ ... تقبلوا تحياتي وشكرآآ .. |
ما عليك اخوك اهم شي استانست واخذنا الثلاث نقاط |
كرهت الملاعب بسبب سوء معاملة (أغلب) رجال الامن تخيل تبي تروح للحمام يقول اذا بتطلع ماراح تدخل إلا مع نهاية الشوط .!!! موية ممنوعة شال ممنوع مابقى غير اني ادخل بدون ملابس :) اتمنى من الادارة الهلالية انها تحط بعض موظفي العلاقات العامة بنادي الهلال على ابواب مدرجات الواجهة بالتحديد والتأكد من سلاسة دخول الجماهير وعدم تعرضهم لضغوط والاعتداءات والاعتقالات بدون مبرر اذا ما سوت الادارة هالشيء لا تطالب الجماهير بالحضور |
حسبي الله ونعم الوكيل ولا حول ولا قوة الا بالله |
والله كلامك صحيح .... اليوم منع جميع انواع الشالات ماعدا المخططة اليوم كان معي ابني الصغير في المعلب وقبل نهاية الشوط الاول بعشر دقائق الولد يبي يروح دورة المياة تصدق العسكري مقفل الباب ويقول مافية خروج الا بين الشوطين .... والا اذا تبى تطلع ماترجع الا بين الشوطين كانهم يعاملون سجناء مجرمين .... والله ماراح نتطور ... على هالحالة ..... ولا ننسنى المعناة بعد الخروج من استاد الملك فهد كل الطرق الى توصل لوسط البلدمقفله ... ويحولونك الى شوارع وحفريات ولفة طويلة.. الي مايعرف المنطقة يروح فيها ....مثلي والقهر الشوارع الى توصل للبلد مقفلة بدوريات والغريب انها فاضية مافيها ولا حتى سيكل..... ..... خطط مدروسة لتطفيش جماهير الهلال ...... لاكن قاعدين على قلوبهم وبنحضر وبنفوز ان شاء الله ... ومشكور على الموضوع |
بفعل مايحدث من رجال الامن شي غريب ويتكرر كثير جماهير ابدت انزعجها اتمنى من ادراة الهلال تشوف لنا حل المفروض يكون هناك انسيابيه في دخول الجماهير لن الهلال يمثل الوطن خارجين ماقول غير حسبي الله ونعم الوكيل بتوفيق للهلال |
هههههههههههههههههههههههههههههههه وشفيكم اليوم على الامن لهدرجه تشديد الله يعين يسلموووووووو |
حسبي آلله ونعم الوكيل اتمنى يوصل الموضوع لشبيه آلريح |
مشكلة الأمن في الملاعب في الرياض ما يفرقون بين ملعب ونقطة تفتيش .. وسوء الضن يغلب على تفكيرهم .. سبق وحضرت مباراة في ملعب الشرائع في مكه .. لو تجيب ذبيحه ما قالوا لك شي . يعني المشكلة عندنا هنا في ملعب الملز واستاد الملك فهد .. لكن الله يحلل أمن الاستاد عن ملعب الملز الود ودهم يجيبون (سكانر ) حق المطارات عشان يمسكون عليك شي . الله يوفق الزعيم ..وحاضرين مبارياته مهما صار .. يعطيك العافيه .. |
كلامك سليييييييييييم والله قهههههههههههههر بس مع ذالك بنحضر |
| الوقت المعتمد في المنتدى بتوقيت جرينتش +3.
الوقت الان » 04:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd