|
حسبي الله ونعم الوكيل بتوفيق للهلال |
ياحبيبي شكلهم بيطلعون نظام تدخل المباره مفصخ< اسف ع الكلمه وكل الاحترام لكم> لاكن معامله جافه جدا جدا ياخي فرق بينا وبين دول الخليج ناس تسوي دورات جذب جمهور وذلي شكلهم ملوا من الجمهور معاملتهم لكي لايحضر الجمهور يالله تصبرنا عليهم |
كلااااام سليم لكن المشكله انا بتصير ضجه على هـ الموضوع لكن بتشوف بعدين راح يرجع الوضع زي اول وارداء نبي لجنه بشكل دايم ملينااااااا كل مباره ظلم كل مباره شكل اخر ... |
كلام سليم انا ماكد حظرت مبارات بالرياض بس حظرت ببريده تدخل الي تبي شال ماء عصير سجاده كل شيء بس انا سمعت انه ممنوع انك تدخل بكل الي ذكرتهن بالرياض اتمنى من الاداره الهلاليه انه تضع حد لمثل هذه القرارات لانه راح تحبط الكثير وقد يكون فيه ناس لاتحظر بسبب هذه الامور يعني لو كنت عطشان من الدقيقه 10 وش راح اسوي احتري الشوط يخلص!! قرارات عجيبه |
والله شي غريب وعجيب بصراحة انا حضرت مباريات بالاستاذ وبالملز وكلهم نفس الشي لازم تنزل تحت يعني مافيه ماء ولاعصير اذا بغيت تشرب او تأكل لازم تكون برى طيب ابي اشرب عصير و انا اتابع المباراة ..... وش اسوووي ؟؟ ويقلووون (( دوري محترفين )) <<<< طير ياعم عندنا بحائل مافيه زي كذا والشرقية حضرت فيها مباراة والجو هناك على كيف كيفك لكن ان شاء الله راح يكون فيه ملعب خاص للهلال ونسوي فيه اللي نبي ملعبنا وبكيفنا |
كلامك صح حسبي الله عليهم اتمنى من الاداره ان تغير اسمي الى ابوو كلبشه |
انا فتشوني انا واولادي تفتيش شخصي اعظم من تفتيش في المطار ووجدو في جيب ابني بخاخ فنتولين حق الربو ومنعوه وبعد حب الخشوم والواسطات واخراج بطاقتي:alzaeem: الهلاليه سمحو له اخيرا والله حاله |
طيب وش رايك ترسل المشكله للايميل حق الاداره عشان توصلهم مشكلتك لانو كتابتها هنا ما منها فايده الا انها تخلي الجمهور يجلس بالبيت |
د.أبو عبد الرحمن أول مره تحضر مباراة في الرياض ؟ أنا مستغرب العصبيه والزعل الي حاصل وكأنه شيء غير عادي الي حصل ؟ جمهور الرياض كله يعرف ذا الشيء (( ممنوع كلّ شي غير الشال المخطط ومفاتيح السيارة والمحفظه وبكت الدخان عشان يخيسونك )) وأي شيء ثاني ممنوع قطعاً . إذا دخلت المدرج ممنوع تطلع الا بين الشوطين أو بعد نهاية المباراة وكذلك ممنوع تشرب أو تروح دورة مياه هذا شي طبيعي جداً. ولا أستغرب غداً أن يفرض على جمهور الهلال في الرياض لبس الزي السعودي الرسمي أو يمنعون من الدخول !! على فكرة ما أستغرب أبداً ان استاد الملك فهد ما يمتلئ والأسباب كثيرة .. منها مثلاً ان المدرج يبعد عن المستطيل الأخضر أكثر من 30 متر يعني اذا الهجمة في المرمى الآخر انسى تشوف الكورة بالعربي نص المباراة ما تشوفها فتخيل المعاملة السيئة والترهيب من الحضور + سوء الرؤية يعني مالك الا الواجهه ولعلمكم الواجهه تمتلئ مبكراً يعني يا تجي قبل المباراة بثلاث ساعات وأكثر والا انسى تلاقي مكان !! يا عمي الله يعينا يا جمهور الرياض ، والله نعاني ومن زمان نعاني بس مافيه احد حاس. |
كلامك سليييييييييييم والله قهههههههههههههر بس مع ذالك بنحضر |
الى يومك وانا اسال نفسي ليه عصير الربيع ممنوع في ملاعبنا ؟ تصدق اني بعض الاحيان اضحك على نفسي لما اشوف قطر تشحذ الجمهور شحاذه وهي عندها هالملاعب العالميه فعلا .. بينما حنا جمهورنا كبير جدا .. وعلى مستوى جميع الانديه ونلقى التطفيش والسخافه من " العسكر " |
خله يمنع كل شيء بس الدخان والولاعة << يخسي مايآآآآآآخذهن ههههههههههههههههههه نبغى نمخمخ بلعب الزعيم ^_^ |
ما عليك اخوك اهم شي استانست واخذنا الثلاث نقاط |
أقسم لكم بالله هناك الكثيرمن جماهير الهلال لايحضورن للفريق بالسعودية ويحضرون المواجهات الهلالييه خارج اللمملكة. |
هناك مسولين لدينا يحتاجون الى شيول يشلهم من الجذور حتى تتطور الرياضه لدينا وبصراحه مسولي الاستاد والملز الرياضه في وادي وهم في وادي |
| الوقت المعتمد في المنتدى بتوقيت جرينتش +3.
الوقت الان » 06:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd