السلام عليكم ورحمة الله وبركاته

بدون مقدمات ادخل في الموضوع

استغربت من بعض الكتاب ومن الجماهير اللي تؤيدهم في موضوع جلب مهاجم بعد نهاية الموسم والمشكلة انهم

يقولون يكون بديل للاعب الكوري المبدع لي يونغ واللي اعتبره من اكثر اللاعبين اللي ترتكز عليهم تشكيلة الفريق

وفي بعض النقاط احاول ارد على المطالبين بتغيير اللاعب /

* اللاعب الوحيد اللي شارك في كل مباريات الدوري مو بس في الهلال في كل فرق الدوري

* لاعب تاريخه يشهد على مستواه ويكفي انه ماتعرض للطرد في كل مسيرته سواء مع المنتخب او الاندية اللي

احترف فيها في اكثر من دولة اوروبية وحاليا مع الهلال

* نشوف الفرق الكبير بين مستوى ويلهامسون الموسم هذا والموسم اللي فات بوجود الكوري ارتاح ويلي وصار

يتقدم للامام وهو مرتاح والموسم اللي فات مايحتاج الكل شاف

* المباراة الوحيدة اللي انتقل فيها للظهير اليسار في مباراة الوحدة في الدور الثاني صارت جهة اليمين الهلالية شارع

للقديوي مع احترامي لشخص محمد نامي بس مباراة واحدة كشفت المستور

* الدفاع القوي اساس للفريق الجيد ولو كان الدفاع ضعيف الفريق مايقدر يهاجم ويسجل ومهما سجلت يتسجل فيك

* لي يونغ حل معضلة الظهير اليمين من بعد انتقال الدوخي والفريق يعاني في هالمركز من العنقري لنامي مرورا

بمسفر القحطاني وعبدالعزيز العبد السلام ولم ينجح احد

* البعض يقول اللاعب سلبي في الهجوم الظهير مهمته الاساسية الدفاع والهجوم شي ثانوي ومع ذلك لي يونغ

يشارك هجوميا ويصنع بعض الاهداف ويساعد لاعبين الوسط على التقدم

خاتمة / اتمنى اشوف ردود من اللي يطالب بتغيير اللاعب ويحاول يقنعنا باسباب التغيير ولكم جزيل الشكر