إقتباس ذات مساء ممطر .. مغبر مفعم بالحيوية بالانتعاش... كنت قاعد لحالي آكل فش فاش واقحن شاهي من ابريقي الأثري.. وارجع بالذاكرة الى العصر الحجري وكنت ( طاقّن الهوجاس ).. مع أخذ الحذر ضد الكهرب والإلتماس لاشيء يعلو على صوت المكيف في خيمة العز والشرف.. والشيطان عني قد ( ذلف ) وانحرف بملعقة الذكاء والعباطة.. اقلّب افكاري المطاطة

الا .. صخ صخ
وزنك كم الحين ..؟ من الكليجا .. للشاهي ..؟

للمطزوز .. والجريش .. وآخرتها .. كبسة لحيمات

والله انك مخطي .. الشيطان ما ذلف .. فاعدن عند باب الخيمة يحتريك ..

تشغل التلفزيون ومنها لأن وكأن وليت ولعل ..>>> داخل درس عربي الأخ

الا الذكاء .. قايلي انه متبري منك واعلن هذا بجريدة الراضية الأقتصادية .. السياسية ..!

إقتباس ابحث عن سبب واضح وصريح... لتفسير هروب الخادمات بهذا الوضع المريح ؟؟ يخرب بيت الخادمة لا هجّت بكل عنفوان.. وانت يالكفيل رح قشر بصل وهش الذبان زرفت لها طقمين ذهب وخمس الاف ريـال.. وحطت رجلها ملعونة الخيّر بلا جدال هي تفتح الباب وتفرك بكل أريحيه.. وانت رح ( ألطم ) وقل شققيني يالرياح العارضيه

ههههههههههههههههـ ياحليلك .. طقمين ذهب وخمس الاف بس ..!

الا يجي من وراها .. اكثر اسأل مجرب ولا تسأل طبيب ..!

لا بعد من زود الوقاحة تاخذ .. لها كيسين اندومي تحسبا للحالات الطارئة

إقتباس تروح تبلغ عنها في قسم الشرطه.. يقول لك ( سقها ) والله يعينك على هالورطه تشد الرحال بإتجاه مكتب إيواء الخادمات.. يقول لك ليه تزعّلها ولا تندم على ما فات تبهذلها وتكرفها وتلعن جدفها بالشغل والتمسيح.. واذا نفذت بجلدها تجينا تشتكي وتصيح تقعد تحلف له انها عايشه مثل الأميره .. ما غير تبلع اندومي والسندويشات عندها ( تصبيره ) وخذ يا بطايق سوا وموبايلي وزين.. تكلم اهلها الصبح والعصر وبين العشاوين وكل يوم والثاني تبي كريم نيفيا وشامبو.. وتمسك معها على العشاء شاورما جامبو وتاليتها بنت اللي منيب قايل تقضب الباب... وتتركنا نقول ( يادي النيله.. يادي الهباب ) يقول لك : خلاص لاتكثر البربره والكلام ... رح وراجعنا بعد اسبوعين باحترام تجيه بعد اسبوعين مثل ماطلب.. يقول لك : ( ياكثرك ) وخذ اسبوعين ثانية بكل أدب وراح شهر وشهرين وثلاثة شهور.. وانت على حالتك قافله معك ومقهور

ياخي ,, اذكر انه .. هجت شغالتنا ..

القديمة سيلانية ..!

الموهيم .. انه رحنا للشرطة .. قالو وش هي مواصفاتها ..

ابو قال سيارة هي .. ولا وش ..

قالو والله ما جانا .. شي رح انت وحنا ندق .. عليك .. طبعا كنا بديرت اهلي القصيم _ المذنب كانكم تعرفونها

ابوي ما اقتنع بكلامهم دق على واحد من اخوياه .. وقاله .. قال تعال فيه ثلاث شغالات.. كانو يبون يودونهم .. ونجي الا والله هذي كلبتنا اعزكم الله

والقى بوكي معها .. وجوالي .. والأخت تورطت ما تعرف الرمز

ويا رجال هونها وتهون وخلها على ربك ..

والنيفا وش تخلي وش تاخذ والبطايق .. كل يوم بطاقة ..

نعن ابو هالبشرة الي تقول بشرة اروى ولا نانسي هالحين

وجه .. من شافه قال اعوذ بالله من الشيطان الرجيم ..

حتى الشيطان يصد ويقول يا ولد اذا شافها ..

كم مره اسمعه يقولها

إقتباس بعد فترة لقوها في بيت دعارة بالبطحاء مع بنغالي.. وانت ياغافل لك الله تقول الله يعلم بحالي يدقّون عليك : بكرى تحضّر عندنا ... من صباح الله اترك كل شي وتعال لمّنا تجيهم وتلقى الشرطي ومندوب الأمارة.. كل واحد فيهم رازّن خشته وطاق الزقارة تدخل عليهم وانت كلك رومانسية وطيبه .. تقول عطوني قريشاتي وذهيبات زوجتي الحبيبه يكشّر بوجهك حق الأمارة وتجحظ عيونه.. ويقول لك تستهبل وتستخف دمك يالدرة المكنونه قم دام النفس عليك طيبه وجب لنا تذكرتها.. علشان نسفّرها لأهلها لا تزعل حكومتها وانت ( طس بقريح ) ولاعاد تشغلنا.. لابوووك لابووو ( قرد ) يامواطن بلدنا ياجماعة الخير وين العدل والانصاف .. وش هالظلم ؟؟ وش هالإجحاف ؟؟ ندفع للدولة ألفين وللمكتب ست ألاف وزيادة.. وننتظر ثلاث او اربع شهور معتادة ولما تجي طويلة العمر وتوصل بالسلامة.. نرجع وندفع لهم من حلالنا علشان الإقامة ثم تسرق وتنهب وتفتح الباب وتهج.. وانت ( انتظر ام العوف على قرونها تحج )

والدعارة حدث ولا حرج ..

ما غير هالبنقالية .. مسكينهم وخذ يا بلاوي ..
حتى يقولون يحطون خدمات خاصة >>> وش دراك عنهم

ولا اذا لقوها .. دقو عليك .. بنفس خايسة ..

ويالله .. ما عندنا لك شي ..

وسفرها .. وكل هذا عشان ما تزعل دولتها ..

وترجع بعد كمن شهر .. وتيتي يا تيتي زي ما رحتي جيتي ..

وهكذا ..!

الموال

إقتباس مدفن دارنا مثل العروس.. وكـلـنـــا خـطـابـــهـا من يبي شمس الشموس.. من يحب ترابها مهرها بذل النفوس.. وستـرها وحجـابـها كلمة الله والحسام.. ومن مع الله ما يظام

مدفون ولا مندي

والله من ابياتك واضح انك مخطط للعرس وبراسك هالعرس

حياة سعيدة وعروسه .. سعيده

وان كانك متزوج ..

عادي بشرنا .. بالثانية ..

وبعدها الثالثة ..

وبعدها الرابعة .. >>>> ياحبك للشر

..

والله موضوع خورافي صخ صخ

والأسلوب شاعري جدا وهذا احسن شي عجبني ..

والله صدقت الخادمات بهذلن حالنآآ ندفع فيهم ونخسر تأشيرات ورواتب وأذآ جتهم كلمه
أو بس كذآ دلع خذوا اللي يبون من البيت وهجٌوآآ وبعدين انت بتخسر بعد >>> حالمهـ أن خدامتهم هآجٌه ههههههه الله لآيقولهآ

هلا مشرفنا موضوع في الصميم
يؤؤؤ لقينها في بيت دعارة أكيدماتسوي شيء بس بعد ماسرقتك قاعدة تغني (ابو صالح سرى ليلة هل الدمع من عينه <<<<<<تراك زودتيها برا
باالنسبة لي مجربه ههههههه عند خوالي شغاله تدلعهم دلع كلهم بالعينها ببتسامه عريضة الا انا أحذرهم بحسي الاستخباراتي أقول أنتبهوا الحية جلدها ناعم يقولون روحي يابنت الأتحادي......مسوية فاهمة حرام عليك يازينها وأخرتها ماابقي احد من حريم خوالي وخالاتي الا أخذت من بيوتهم ذهب وبعدها ذهب ولم يعد ويجي دوري شفتوا قلت لكم <<<<<<ياحبها لشماته
المهم موضوع الخادمات موضوع مااظنه بينتهي ابد
واذااحد تلسع بالشربة من الحريم ماينفخون في الزبادي بالعكس يقولون لك أصابعك مو سوا فيه بنت حلال وفيه بنت حرام
عوافي ياعمدة جويسر اقصد يابو صالح

إقتباس دارنا مثل العروس.. وكـلـنـــا خـطـابـــهـا من يبي شمس الشموس.. من يحب ترابها مهرها بذل النفوس.. وستـرها وحجـابـها كلمة الله والحسام.. ومن مع الله ما يظام

هلا ..ورا........ مدري ليش حسيت ان فيه تنكس مع هالقصيده

؛؛؛؛؛؛؛؛؛؛؛؛؛؛؛؛

يامن يتحدث عنك صخ صخ ...لا تتبكبك ..ولا تنافخ

هذي دنياك ..اتحمل ماجاك

ديرتك دار السلام....امش فيها يد ورى ويد قدام

ولعيون بنات اندونيسا والسيلان...لازم نكون صم وبكم وعميـان

الله يكون بعونك ... وذهب زوجتك يعود في حضفضك وصونك

تحياتي

برايفت لصخره

عدلت كلامي شفه بالاحمر بالعريض وانا عارفه انه موب انت الي صايرلك الموضوع بس انت الي كتبته فلازم اوجه لك الكلام

و الله مشكلة هروب الخدم مشكلة أزليــة
و للأسف زي ما قلت هي المستفيدة و الكفيل هو المضروب على راسـه
و كل شي هو يتحمــله قسم بالله غبنــة

//

المشكلة حنــا اللي نساعدهم على المنحاش لو مالقولهم احد يشغلهم
ما انحاشوا و إذا طبقوا عليهم عقوبات حتى لو بعد حين
يعني مفروض الخادمـة المنحاشة يحطون اسمها في البلاك ليست و ماتسافر لين
يعرف كفيلها و يأخذ حقه منها
و المفروض المكاتب سواء اللي في ديرة الخدم و اللي هنــا تضمن
للكفيل الغلبان حقه في زي هالحالات
و لا بس هم يتشرطون علينــا و حنا نفذ بس

//

الله يكفينــا شرهـم و يبعد عنـا آذاهم

الصخرة رائع كالعادة

بعض الناس فاهمين غلط

هالسالفة اللي فوق ماصارت لي ومالي فيها أي علاقة

قلنا لكم في بداية الموضوع ( هواجيس ) لا اكثر... ام متعب هدّي السرعة شوي واربطي حزام الامان

اهلا بالشيخ صخ صخ
بصراحه العنوان لحاله والموضوع لحاله ماتدري هل هي ابيات شعريه ناتجه عن فضاوه فائضه من زود الرومانسيه الي فيك طلعت هالابيات ولا تتكلم عن مشكله ازليه ,, لكن عمووما مالقوها بنو بنغال يجونهم الشغالات الهاجات بالبطحاء وهم مريحين ,,>> احلا شي يوم يقفطونهم 99

اشــكــركــ ومبروك الـ 7 آلاف مشاركه مقدما هع

السلام عليكم ورحمة الله وبركاته

موضوعك يتكرار في حياتنا اليومية
ومع ذلك لم تجد الدولة له حل
اخوي بعض مكاتب الاستقدام وبااتفاق مع مكاتب اخري
يبعووون الشغااااالة الواحدة بالسنة عدة مراااااااات
وكلها خدااااااااااع للمواطن
فيه مكاااااااتب تنهبل من سرعة استقدام الخادمة
وبالاخير ماااااا تقعد عندك الا شهر وتهرب

يا سلامي عليكم يالسعودية
يا ديار الشيم يا دار اللأبطال

يالسعودي نحيي روحك الحيه
نشهد أنك أصيل وطيب الفال

للخدم في بيوتك مخلص النيه
وسط كل المخافر صيتكم عالي

شايل اقامتها و رافع ايديه
واحمد الله كريم وبيحقق أمالي

السكك والشوارع منك مطوية
والريال يرفرف في السما عالي

يحرقون قليبك باتعاب نارية
ويحرجون العساكر في كل الأحوالي


يا سلامي عليكم يالسعودية
يا ديار الشيم يا دار اللأبطال

على فكرة يا صخ صخ
تراك مشرف بالجمهووووورررررر
ولا عاااااااد تجي بهذا
اخاااااااااف تسحب منك الصلاحيااااااااااات
وكله بسبب انتماااااائك التاااااااام للمجلس العام

على العموم يا صخ صخ
بعض الاحيان احس ان الانظمة في هذة الحالات
تصف مع الاجانب
والا كيف تسفر وهي مخالفة لنظام الاقامة وبعد سارقه
وممسوكة بشقة دعااااارة
تسجين لين تعفن وبعدين تسفر


تحياتي لك ياااااا صخ صخ
الله يحفظك ويسعدك

**************

اومــــا مع العنوان من جداشتهيت التنكس
اذا شبعوا الناس من الرقص في الزواجات اختموها بيادار لاهنتي
ماادري وش الوطنيه اللي تهبط فجأةعليهم مع الفجر

**********
على طاري قصص الخدم اللي شكلي بألف مذكرة عن سواياهم معنا
أجل وحدة من شغالاتنا ليتها هجت وبس
العمه تجيب اخوياها لبيتنا وحنا ياغافلين لكم الله
اذافرغ لها البيت بالصباح وكلن راح دوامه
سووا حفلة فالبيت بغيابنا
مرة يجون لها ومرة تروح معهم
ماعرفناعنها الابخبر من سواقنا لبى قلبه
قفشها وهي تنزل من سيارتهم
استغفرالله واتوب اليه اللهم لاشماته.........!!
****
و احذروا تجيبون شغالة وسواق ازواج
يتعاونون مع بعض على اهل البيت
زوجته العم توردله من بيتنا كل مايعجبهم
ويجمَعون بجناحهم واخرتها ضفوا كل العفش وطاروا
لاسواق ولاشغالة ونص اغراضنا مسروقة
ومالهم اربع شهور جايين

جيبوا كل واحد من جنسيه
ويحقدون على بعض وكل واحد يعلم على الثاني سواياه

احلى شي خادمة فلبينية وسواق هندي
والله يتمم عليهم

***********
انالواسترسلت بتحول مكتب استقدام
عالعموم مشكور صخرة باشا مواضيعك دايم عالوتر

تقبل مروري

بسم اللـــه..
مبروك الأشراف دربك أخضر..


احس الشعب السعودي اكثر شعب حااااااقد على الشغالات ..

مالومهم صراحة

انت لخصت واوجزت حالنا مع الخدم هاليومين اللي طالت ايديهم وارجلهم اللي يبي لها قص.



تقبل مروري
شكرا لك ياهذا

هلا أبو صالح ..
والله يازينك إنت ومواضيعك << طبعا مع الفارق ..ههههههه

شف وأنا أخوك الأنظمة عندنا المتعلقة بالخدم ضعيفة شوي ويحملون الكفيل كل شيئ لو ماتت بسكتة جروك على وجهك وبالأخير إنت الغلطان ..!! << مبالغة مبالغة بس تلميييييييييييح..

المسألة أكبر من أن تحل بيوم وليلة ..

- أبو شادن : أغنية راشد الماجد طلعت أحلى كذا ..ههههه

- الشيهانة : والله مدري ليش قعدت أضحك يوم تقولين جيبوا شغالة فلبينية وسواق هندي كل واحد يعلم على سوايا الثاني ..ههههه وش هالحركات المعلوماتية الاستخباراتية يالشيهانة ..؟!! الفكرة حلوة مرة بس تحتاج متابعة دقيقة من أهل البيت ..علشان مايخربونها اثنينهم..

لأنه وأنا أخوك لو حدثت الفاجعة ولقيتوهم مع بعض في غرفة وحدة من الغلطان هو وإلا هي..؟!! ترى أعرف سالفة صارت زي كذا الشغالة اندونيسية والسواق هندي ..لقوهم ينامون مع بعض من 7 شهور..أقسم بالله في بيت جارنا ..<< الله لابيلانا يارب ويحمينا من كل شر..

تحياتي للكل..
..عبدالعزيز..