صديق المصلحة وبعدين معك !! - نادي الهلال السعودي - شبكة الزعيم

سع ـود · #1 11/03/2010, 02:59 PM

بسم الله الرحمن الرحيم

السلام عليكم ورحمة الله وبركاته

مدخل
الصاحب اللي مايجي من صحبته غير العذاب
نذر علي إن ماهجرني ولا أنا اللي بهجره

يوووووه والله يالمقدمات صعبه

ندخل بالموضوع على طول

واحد من اخوياي جاني في يوم قال سعود تكفى معك سلف ميتين واول ما تنزل الرواتب ترجع لك
قلت ابشر والله بعزك انت اليوم محتاج اعونك وبكره انا احتاج اكيد بتعاوني >> والله ما ظنيت

عطيت الرجل اللي يبيه واول يوم من نزول الرواتب جاني وعطاني حقي
الشهر اللي بعده قال ابي ثلاث ميه قلت من عيوني وفعلا ردها لي اول ما نزل راتبه
جاء الشهر الثالث دق على قال ابي سلف خمس مية

قلت في نفسي تراك فليتها ما صارت عاد
حس اني محتار اعطيه او لا
قال شفت امي اغلى ما عندي في هالدنيا ما بجيبي ولا ريال البنك سحب كل الراتب لاني اخذ قرض وسحبوا المبلغ كله قلت دامها وصلت لامك تستاهل مو عشانك عشان امك

ونزلت الرواتب ولا رد لي المبلغ وانا ما قلت له شيء بس لزوم التلميح وهو طق ام الحوله

الشهر اللي فات جاني قال والله محتاج خمس مية واول ما تنزل الرواتب برد لك مبلغك كامل
قلت ابشر
الزبدة ان راتبه نازله لها 11 يوم ولا رد لي المبلغ

وعلى طاري صديق المصلحه
يا كثرهكم بالجامعه
كثر التراب خاصة وقت الاختبارات

يعني يجيك وياخذ رقم جوالك ويرسل لك قبل الاختبارات رسايل ويسولف معك ومن تنتهي الاختبارات ما عاد تشوف رقمه >> من كثره

الحين وش تقترحون علي يصير موقفي مع صديقي الاول ؟
هل تؤمن بوجود الصديق الحقيقي في هذا الزمن ؟
مواقفكم مع صديق المصلحة

مخرج
الصاحب اللي صحبته يس يومين مغير يقضي بك لزومه وينساك
تفعل جميل وهو يجازيك بالشين طول الدهر دايم يحسب خطاياك

اول موضوع لي بالمجلس أعذروني على القصور

منزن · #2 11/03/2010, 03:08 PM

اول شي اهنيك على الموضوع المميز ..

الحين وش تقترحون علي يصير موقفي مع صديقي الاول ؟
سامحه لوجه الله .. وذا جاك مره ثاانيه اسحب عليه

هل تؤمن بوجود الصديق الحقيقي في هذا الزمن ؟
نادر تلقى الصديق الحقيقي

ومن المواقف لي زي ما قلت انت في الاختبارات انوااع المصلحه << اذا كنت دافور طبعاً وبعدها كأنهم ما شافوك ولا يعرفونك

وبالتوفيق للجميع ..

|~ ولـد عنـيزة ~| · #3 11/03/2010, 03:13 PM

الحين وش تقترحون علي يصير موقفي مع صديقي الاول ؟
رحله وقل الله لايهينك الدراهم ( مصري )
هل تؤمن بوجود الصديق الحقيقي في هذا الزمن ؟
فيه عندي بالاستراحه الصراحه قمه الرجوله

ابو ايمن العمري · #4 11/03/2010, 03:22 PM

وش تقترحون علي يصير موقفي مع صديقي الاول ؟
الاشكال هاذي ماينفع معها الطيب وره العين الحمرا
هل تؤمن بوجود الصديق الحقيقي في هذا الزمن ؟
فيه لاكن ينعدون على الاصابع

ḾŎĤǍṀẠḊ · #5 11/03/2010, 03:23 PM

حياكــ سع ــود

والله مدري وش اقولك
بســ شف زبد لهـ بينك وبينهـ

يعني لايكون معكم احد وانت تكلمهـ

وقلهـ كل الي بخاطرك

هذا طبعا ان كان خويك وتعزهـ

اما سالفت صديق بهالزمن

ما اقول مستحيل بســ صعب جدا

اما عن خوي المصالح

امس يوم رجعت من الملعب رحت بيت جدي الله يرحمهـ عشان خالتي متجمعين هناك يوم وقفت موتري الا وذاك الرنج الاسود الي يوقف عند البيت

قلت وش عندهـ خالي طخ طخ

يوم شوي الا ولد خالتي البزر ينزل منهـ

خير يابو وش السالفه

يوم راح طلع مشبك واحد معهـ بالفصل عشان يحضرون الملعب
طبعا عرف من يشبك دخله المنصه

وانا مسيكين هالعاق مخليني في ابو 20

وسالته هذا صديقك قال لا بســ وش تسوي هذا الزمن ما في الا مصالح

تبون الصدق تحطمت هذا وهو صغير
,, ,, ,,

سعود مشاء الله هذا وهو اول موضوع

لايوقف

شوووكرا لك

سيناتور هلالي · #6 11/03/2010, 03:37 PM

اهلا بسعود..

شكلك كاش وأنا أخوك ..عندك سلف 25 ريال وبردها لك بعد المغرب..<< واحد مايعرف يصدق خبر..ههههه

والله شف وأنا أخوك يجب أولا أن نؤمن أننا نعيش في زمن تغلفه المصالح ..!! والناس فيه تتواصى على كذلك..!!

ولكن يجب علينا أن نعطي هؤلاء الناس مساحة للحديث حتى نعرفهم جيدا ولانخلط أوراقنا وبعد ذاك نتخذ موقفا حازما معهم - بأسلوب بسيط وراقي - ..فيمكن لنا أن نؤدب من نتعامل معهم بأسلوب راقي ..

أهم شيئ اعرف أنهم أصدقاء مصالح..حينها عاملهم كأنهم أدوية..تتناولها بحذر..

ولاتخش من قول ( لا ) لهم ..ولكن قلها بشكل أنيق تعبيرا عن ذوقك وقوة شخصيتك..

تحياتي..

..عبدالعزيز..

اموره تلعب كوره · #7 11/03/2010, 03:46 PM

اخ سعود يعطيك العافيه على الطرح المميز ..

الحين وش تقترحون علي يصير موقفي مع صديقي الاول ؟

اذا على صديقك اللي تقول تسلف منك 500 ريال ولاراجعه اكيييييد عنده ظروفه لاتسبق الأحداث يمكن عنده احد غيرك متسلف منه وبعدين خلااص مارجعها كيفها لايرجعها كلها 500 صحيح الحركه تقهر بس انت لاتقول له شي اكيييد هو بنفسه وبيوم من الأيام راح يرجعها صدقني ..

هل تؤمن بوجود الصديق الحقيقي في هذا الزمن ؟

اكيييد أومن لانه مو كل الناس سوء <اقصد اذا صار صديق قديم لك ..اما الحين لالا يمكن صعب الحين كل واحد ماهمه اله نفسه ..

مواقفكم مع صديق المصلحة..؟

الحمد الله مافي لي مواقف لانه ماراح اعطي اي احد وجه اذا قصده مصلحه ..
بس اذا صار لي مواقف مع ناس مصلحجيه صدقني راح اعملهم نفس مايسون عشان يعرفون وشلون المصالح ..

تحياتي لك..

هلاليــ دوت كوم ـــه · #8 11/03/2010, 05:01 PM

الحين وش تقترحون علي يصير موقفي مع صديقي الاول ؟
أصبـــــر عليـه أنت ماتـــدري وش ظـروفــه .. وإذا اتأخر عليك رح له وقوله بـ أسلـــوب حلـــو ..

هل تؤمن بوجود الصديق الحقيقيفي هذا الزمن ؟
متى ماكنت أنت حلو وطيّب بتلقى اللي مثلك ويبادلكـ الصداقه الحقيقيّه ~
مواقفكم مع صديق المصلحة
المواقف مثل ماذكرت تتوقف على الجامعه ووقت البحث عن المحاضرات
تلقى ماشاءالله يجي السلآم والتقرّب <~ تقول في نفسك غريبه متعنيّه تسلّم !!!
بالنهـايــة تعرف إنها جايّه تبحـث عن محاضره ناقصتهـــــا ~
.
.
.
~}

عــشــق الــكــتــابـه · #9 11/03/2010, 05:47 PM

ماشاء الله عليك

هذا اول موضوع فالمنتدى ومرتب ترتيب حلو ومتناسق

فيه ناس الله يهديهم يكتبون مواضيع من ايام الفرعون توت عنخ أمون

ولايرتبون مواضيعهم مثلك

<< ترا مايقصد احد

الحين وش تقترحون علي يصير موقفي مع صديقي الاول ؟

شوف يالغالي . كل واحد وتمر عليه ظروف عصيبه . نصيحتي لك لاتسلفه مره ثانيه واذا تحتاج فلوسك ضروري اطلب منه سلف بقيمة فلوسك وهو بيفهمها . لاتروح وتحرجه وتقول له رجع فلوسي . رح وقول له مثل ماقلت لك .

هل تؤمن بوجود الصديق الحقيقي في هذا الزمن ؟

اكيد موجود . دام نيتك طيبه مع الناس وتعاملهم بأخلاق فأكيد بيكون عندك اصدقاء طيبين مثلك ويوقفون معك وقت الشده .

مواقفكم مع صديق المصلحة .

مواقف كثيره صراحه لكن اكثرها ايام الثانويه لما اشتريت سياره جديده وقتها كثير من الشباب ماكانت عندهم سيارات او كانت عندهم سيارات قديمه فتشوف كثير من الشباب اللي كانت علاقتي فيهم عاديه جداً بدو يتقربون مني . طبعاً تفكير ايام اول سيارات ودجه

لكن الان الحمد لله ما امشي الا مع الناس اللي واثق فيهم وينحطون على الجرح يبرى

وفيه جمله قديمه متداوله دايماً

خويك ماتعرفه الا بالسفر

لك تحياتي

وهذي ورده مني لك

بطلة · #10 11/03/2010, 09:22 PM

مساء الخير سعود

,,
وربي أول ماقرأت العنوان عرفت إنك بالجامعة خخخخخخخ

الحين وش تقترحون علي يصير موقفي مع صديقي الاول ؟
* شوف أخوي صاحبك وإنت أدرى فيه يعني :
(هو من النوع المصلحجي الاستغلالي ؟ + ضروفه المادية كيف؟)
إنت أدرى منا وعلى هالأساس إنت تقدر تحكم إذا قاصد مايرجع المبلغ أو لا فهمت علي ,,
* بس اللي بقول لك لاتحرجه وتضغط عليه يمكن من جد ضروفه ماتسمح له اصبر عليه وشوف اش بيصير ,,

هل تؤمن بوجود الصديق الحقيقي في هذا الزمن ؟
موجود دايم نحاول نفكر بـ شكل إيجابي ومانخلي الناس التعبانة تغير نضرتنا لـ اللي حولنا

مثل مافي ناس سيئة ومصلحجية ووو ,, في ناس راقية تتمنى لك الخير وتفرح لك ,,

الله يعطيك العافية سعود رد سريع مضطرة اخرج

شكر لك
بطلة

هـــــــلالـــــــية · #11 11/03/2010, 11:50 PM

والله ع بالي حركه الاختبارات عندنا يالبنات طلعتوا مثلنا

اقول ما لك الا تروح له وتقوله وتعرف وش سالفته ....

اوما بالنسبه للاصدقاء في الزمن هذا فنااااااااادر جدا .. الا اذا كان عندك اصدقاء منذ زمن ..

موضوع راااائع ..

سع ـود · #12 12/03/2010, 02:40 PM

إقتباس

الرسالة الأصلية كتبت بواسطة منزن


	اول شي اهنيك على الموضوع المميز .. الحين وش تقترحون علي يصير موقفي مع صديقي الاول ؟ سامحه لوجه الله .. وذا جاك مره ثاانيه اسحب عليه هل تؤمن بوجود الصديق الحقيقي في هذا الزمن ؟ نادر تلقى الصديق الحقيقي ومن المواقف لي زي ما قلت انت في الاختبارات انوااع المصلحه << اذا كنت دافور طبعاً وبعدها كأنهم ما شافوك ولا يعرفونك وبالتوفيق للجميع ..

الله يسلمك
منور الموضوع بمرورك

إقتباس

الرسالة الأصلية كتبت بواسطة SnIpEr-787


	الحين وش تقترحون علي يصير موقفي مع صديقي الاول ؟ رحله وقل الله لايهينك الدراهم ( مصري ) هل تؤمن بوجود الصديق الحقيقي في هذا الزمن ؟ فيه عندي بالاستراحه الصراحه قمه الرجوله

اخاف يسحب علي

ما شاء الله الله يكثرهم

إقتباس

الرسالة الأصلية كتبت بواسطة الزعيم"48


	وش تقترحون علي يصير موقفي مع صديقي الاول ؟ الاشكال هاذي ماينفع معها الطيب وره العين الحمرا هل تؤمن بوجود الصديق الحقيقي في هذا الزمن ؟ فيه لاكن ينعدون على الاصابع

الف شكر لك الزعيم ع المرور

سع ـود · #13 12/03/2010, 03:00 PM

إقتباس

الرسالة الأصلية كتبت بواسطة شكسبـal.zaeemـــير


	حياكــ سع ــود والله مدري وش اقولك بســ شف زبد لهـ بينك وبينهـ يعني لايكون معكم احد وانت تكلمهـ وقلهـ كل الي بخاطرك هذا طبعا ان كان خويك وتعزهـ اما سالفت صديق بهالزمن ما اقول مستحيل بســ صعب جدا اما عن خوي المصالح امس يوم رجعت من الملعب رحت بيت جدي الله يرحمهـ عشان خالتي متجمعين هناك يوم وقفت موتري الا وذاك الرنج الاسود الي يوقف عند البيت قلت وش عندهـ خالي طخ طخ يوم شوي الا ولد خالتي البزر ينزل منهـ خير يابو وش السالفه يوم راح طلع مشبك واحد معهـ بالفصل عشان يحضرون الملعب طبعا عرف من يشبك دخله المنصه وانا مسيكين هالعاق مخليني في ابو 20 وسالته هذا صديقك قال لا بســ وش تسوي هذا الزمن ما في الا مصالح تبون الصدق تحطمت هذا وهو صغير ,, ,, ,, سعود مشاء الله هذا وهو اول موضوع لايوقف شوووكرا لك

هلا وغلا بشكسبير الغالي

لا والله ما اعزه بس انحرجت منه
وبيني وبينك ولد خالك هو اللي عارف لها بها الزمن
بس مهما كان صديق المصلحه ما يدوم معك

إقتباس

الرسالة الأصلية كتبت بواسطة سيناتور هلالي


	اهلا بسعود.. شكلك كاش وأنا أخوك ..عندك سلف 25 ريال وبردها لك بعد المغرب..<< واحد مايعرف يصدق خبر..ههههه والله شف وأنا أخوك يجب أولا أن نؤمن أننا نعيش في زمن تغلفه المصالح ..!! والناس فيه تتواصى على كذلك..!! ولكن يجب علينا أن نعطي هؤلاء الناس مساحة للحديث حتى نعرفهم جيدا ولانخلط أوراقنا وبعد ذاك نتخذ موقفا حازما معهم - بأسلوب بسيط وراقي - ..فيمكن لنا أن نؤدب من نتعامل معهم بأسلوب راقي .. أهم شيئ اعرف أنهم أصدقاء مصالح..حينها عاملهم كأنهم أدوية..تتناولها بحذر.. ولاتخش من قول ( لا ) لهم ..ولكن قلها بشكل أنيق تعبيرا عن ذوقك وقوة شخصيتك.. تحياتي.. ..عبدالعزيز..

هلا ومية غلا بعزوز

كاش مين والناس نايمين كلها الف وخمس وبعدها اعلنت افلاسي

وربي انك حكيم
يظهر لي انك ساكن بحينا

إقتباس

الرسالة الأصلية كتبت بواسطة اموره تلعب كوره


	اخ سعود يعطيك العافيه على الطرح المميز .. الحين وش تقترحون علي يصير موقفي مع صديقي الاول ؟ اذا على صديقك اللي تقول تسلف منك 500 ريال ولاراجعه اكيييييد عنده ظروفه لاتسبق الأحداث يمكن عنده احد غيرك متسلف منه وبعدين خلااص مارجعها كيفها لايرجعها كلها 500 صحيح الحركه تقهر بس انت لاتقول له شي اكيييد هو بنفسه وبيوم من الأيام راح يرجعها صدقني .. هل تؤمن بوجود الصديق الحقيقي في هذا الزمن ؟ اكيييد أومن لانه مو كل الناس سوء <اقصد اذا صار صديق قديم لك ..اما الحين لالا يمكن صعب الحين كل واحد ماهمه اله نفسه .. مواقفكم مع صديق المصلحة..؟ الحمد الله مافي لي مواقف لانه ماراح اعطي اي احد وجه اذا قصده مصلحه .. بس اذا صار لي مواقف مع ناس مصلحجيه صدقني راح اعملهم نفس مايسون عشان يعرفون وشلون المصالح .. تحياتي لك..

هلا وغلا بامورتنا

يكفي انتس من ديرتنا

ما ننحرم من طلتس

المحترف التميمي · #14 12/03/2010, 09:51 PM

صديق المصلحه الله يصلحه

والله عيال الحلال واجدين بس مامنهم نفع مجرد انك تطلع معه ما عاد فيه واحد وفي

leader ksa · #15 12/03/2010, 10:09 PM

الحين وش تقترحون علي يصير موقفي مع صديقي الاول ؟

بالنسبة لي عطه فقشة بينك وبينه بان مثلا تبغى تغير جوالك ومحتاج لمبلغ مقارب لمبلغ من المبلغ اللي عطيته
هذا افضل حل اشوفه لاني صراحة ماعرف ازبد وان ماقدرت اتركه لاعاد تكلمه واسحب عليه وخل المبلغ يروح

هل تؤمن بوجود الصديق الحقيقي في هذا الزمن ؟

لا عادي موجود وكل شي بالعكس وربي فالجامعة ان كل اللي تعرفت عليهم بالجامعة
ان ما بالغت افضل مني بكثير من الاشياء

وأما سالفة الاختبارات والشعب اللي يتعرفون عليك في هالوقت لا عادي مايسمى صديق مصلحة من الاساس
هذا نوع من التعاون بينك وبين زميلك طبعا ماقدر مر علي نظام الرسايل من الاساس
على طول هات رقم جوالك ووين احصلك وعطني الملخص وبس

تحياتي لك