قادمون لـ التأهل ولاغيره
تسجيل دخول مبدئي ولي عودة مع كثير من الهياط
~~
باك
نجيب تي شيرت التعاونيه ولا مليتو منه ؟
لاني اخطيت الحادث ذاك اليوم في الاولدترافورد
..
ميلان & مانيو
مبدئيا الامور صعبه لكن كرة القدم مافيها مستحيل خصوصا اذا كان ميلان
في دوري الابطال الـ DNA بيشتغل
حريقة كالعاده مباراة صعب تتوقع فيها شي حتى التشكيله مهيب واضحه للحين
من بيغيب من بيلعب ؟ ليو بيلعب بـ 4-3-3 سواء رجع باتو او لا مالنا غير الهجوم
الوسط اممم امبرو , بيرلو , سيدورف < صرح انه جاهز من البدايه يارب نشوفه
جاتوزو + بيكهام مابي اشوفهم ابد ريحوا في الدكه وفكونا المان برضو عنده غيابات
لازم نستغلها خاصة غياب كاريك دفاعنا لازم يكون مركز 200% لان اي هدف
علينا بنقعد نغني بودعك والهجوم يفكونا من استهبالهم يكفي قدام روما وش جلسوا
يستهبلون سيناريو الفوز الميلان يسجل في الـ ثلث ساعه الاولى وازهلوها بعدها ميلان يقدر يسويها !
الله يعطيكم العافيـة ..
إبداع ما شاء الله تبارك الله
" مقتبس من ردي في رآبطة الريال "
صورة مع التحية لـ الأخ الغالي "جهاد"
صرآحه الواحد "يستحي" أنه يعقب على الكتآب الكبآر هنا
خصوصاً إذا كان بـ إمكانياتي المتواضعة بالتحليل < يقآله متواضع
عشآن كذآ رآح "أتجنب" أي منآقرة مع أي عضو هنآ
لأنهم رآح يحشروني حتى لو معي الحق
مباراة الأعصاب !
لن أسهب بالحديث عن التشكيلة المناسبة ولا الأوراق الرابحة أو أو ....الخ
لأن الشباب هنا من دون ذكر أسماء معينة ما شاء الله محللين محترفين
وماناقصهم إلا مقدّم تلفزيوني بإمكانيات وليد الفرّاج
لذلك حبيت أتكلم عن المآتش بـ صيغة النقاط المبسطة :
* مباراة ليون "تخوف" نفسياً .. بحكم الأسباب اللي انتم عارفينها ، عقدة
الـ16 + الخسارة الـ"أليمة" في مباراة الذهاب .. مع مستوى سيء جداً!
* صدقوني ليون كـ فريق كـ مستوى فني عآدي جداً
اشبيلية أقوى وأفضل من ليون ! ومع ذلك آمتلكنا الرتم كاملاً في السكند هاف !
ولو نحطه في مقارنة مع الفرق اللي طلعتنا من الأبطال قبل :
أكيد بيطلع أضعفهم ! على الأقل كـ أسماء وتآريخ وجماهيرية !
وعلى صعيد المستوى في أرض الميدان الأقل .. بشكل مؤكد !
* كل نحتاجه ، هي روح الميرنغي التي ظهرت في منتصف الشوط الثآني
في مباراة الأندلسيين ! وأضمن لكم الفوز بأكثر من 3 !!
* الحذر وكل الحذر ! من هدف فرنسي سريع في الشوط الأول !
كفيل بـ تكسير ما بقي من الروح الملكية ! وربما الخسارة بنتيجة للتاريخ !
* قرب أذنك يا مانو :
" نبي محورين "مامادو-لاس+ قداهم صآنع ألعاب"غوتي" + الهجوم حط اللي تبيه ! "
* أتمنى عدم الإستعجال في مفاجأة الليون بهدف سريع ..! الفرنسيون سريعون
جداّ بالإرتداد ..! مع إني أتمنى حدوث ذلك ! ولكن الخوف من هدف مباغت
قد ينهي المباراة مبكراً ! مؤكداً لعقدة أزلية لا حل لها !
* المخاطرة غير مطلوبة ! والمجازفة بـ غرانيرو "هابط المستوى" سـ تكون
كارثية .. لاعب مهزوز في المباريات الأخيرة ، هبوط حاد في المباريات الـ4
الأخيرة .. قد يدفع به كـ حل أخير في الشوط الثاني خصوصاً -لاسمح الله- في
حالة استمرار النتيجة 0-0!
* فيه كم نقطة تركتها نتكلم عنها بعدين .. < ما خلصنا ؟
نشوفكم قبل المباراة بـ سويعات قليلة !!
والقلب سـ يستمر بالنبض المتسارع !!
غياب روني ال الان مدري ايش وضعه بالظبط بكل امانه
ان كان يبي يغيب عن المباراه ذي مصيبه لأن وبكل أسف
مانقدر نعلق أمالنا على برباتوف لوحده لكن ان شاء الله ان روني يبي يلعب
وبالنسبه لدفاعنا متى ماكان بيومه راح اضمن المباراه لأن مباراة الذهاب الشوط الاول
دفاعانا كان فيه ارتباك واضح ولكن السير عدل الوضع والكل شاف فيرغي يوم انه يخانق ايفانز
مباراه كبيره وانا ضد اللي يقول تأهل ميلان صعب لاصعب ولا اي حاقه
لاشي مستحيل ماتدرون لو اللي يتأهل ميلان ليون << وجه يناظر سليم
مع اني اتمنى ميلان يفوز ويتأهل بس المباراة شكلها استراحة لروني وخوياه اتوقعها تعادل 1-1 مع حشر للميلان في ملعبه وضياع عشرات الفرص للعيبة المانشستر هذا سيناريو قريب لاحداث المباراة
المباراة تعتمد على تسجيل الفرص اللي بتتاح لجيلاردينو ولعيبة الفيولا الفرص بتجي للفيولا بالمباراة وبكثرة بس هل بيسجل جيلاردينو ! ؟
وبالنهاية لو تأهل البايرن بيكون تاهله غير مستحق
بالتوفيق للفيولا
مباراة الهدف الوحيد ليون متوقع انه يخطف هدف بأول الدقايق وبيصعب رجوع الريال ويمكن يرجع الريال مثل مباراة اشبيلية بصراحة اتمنى يفوز ليون نبي نشوف بطل جديد للبطولة ونجوم جدد
وضع المباراة نفس مباراة الريال وليون دائما مباريات الذهاب والياب تكون المباراة الثانية صعبة على صاحب الارض لانه يصعب التعويض المباراة صعب توقع وش بيصير فيها فينجر ماعنده الا لاعب يعول فابرجاس متى مكان بفورمته بنشوف الارسنال بدور الثمانية هذا شئ اكيد
يعطيكم العافية وبالتوفيق للممثلي ايطاليا ميلان والفيولا
اللهم اغفر لى ولوالديا وللمسلمين والمسلمات والمؤمنين والمؤمنات الاحياء منهم والاموات
استغفر الله العظيم الذى لا اله الا هو الحى القيوم واتوب اليه عدد خلقه ورضا نفسه وزنة عرشه ومداد كلماته
بالتوفيـق لريآل مدريد .. قوه ضاربه في الهجوم وسط خيال بقيادة الاطخم جوتي .. بس الدفآع ينقصه انسجام وحامي العرين الاسد كاسياس .. اتمنى اللقب هـ السنه للمدريد وان شاء الله يتحقق هـ الامنيه .. يعطيكم الف عافيه ع التقديم الكاوآآآي .. سيآآآ..
عضو استشاري بمنتدى الرياضة العالمية مشرف سابق بمنتدى الرياضة العربيه والعالميه
تاريخ التسجيل: 15/09/2001
المكان: الـــــــــريـــــــــاض
مشاركات: 2,408
مباراه جت في وقتها .. نشوه الانتصار و انتزاع الصداره الليغا هذي عوامل نفسيه
ايجابيه تصب في مصلحه الريال .. كل خوفي ان الريال يستعجل الفوز و يبالغ في الهجوم
وقتها ما تضمن هجمه مرتده منضمه من ليون و شباكنا تهتز .. عااد الهدف حسابه عسير
بـ النسبه لـ الغيابات .. الونسو غيابه مؤثر جدا و له تقله بـ الفريق بـ حكم انه هو
همزه الوصل بين خطوط الفريق .. بيلي اتوقع منه البدء بـ جوتي و لاسانا
و فارت راح يكون على الدكه ..
مارسيليو .. غيابه غير مؤثر لان البديل جاهز .. الريال حتى مع اصابه بيبي و عدم
جلب مدافع في الميركاتو الشتوي الا ان بيلي عنده خيارات متعدده في الخط الخلفي
للفريق و هذا اللي خلى غياب مارسيليو غير مؤثر بـ النسبه لي
بن زيما .. غيابه مؤثر على الفريق بحكم انه يعتبر بديل ممتاز و غيابه راح يقلل
من الخيارات الهجوميه لدى بيلي .. ما راح يكون عنده الا راؤول في الدكه و هنا
يكمن تأثير غياب البنز
الريال داخل هـ اللقاء بقصد ضرب عصفورين بـ حجر واحد .. هزيمه ليون لاول مره
و فك عقده الدور المشؤوم الــ 16 .. و الريال قدها ان شاء الله
مباراه القمه و النهائي المبكر
لو نتكلم بـ المنطق .. نقول المان مأمن نفسه في الذهاب .. لكن الكوره علمتنا ان كلمه
المنطق غير معترف بها في قاموسها المجنون .. فما بالك اذا كان الطرف الاخر هو الميلان
ما اتوقع ان المانيو راح يدخل اللقاء و هو مقفل .. لانه هذي مو من عوايد الشايب
حتى لو اني فايز بـ الذهاب .. لازم انهي كل شيء و ما اخلي لـ المنافس فرصه انه
يفرض اسلوب لعبه علي
الشيء السيء اللي راح نفتقده و هو غياب ابرز لاعبين في الفريقين و هما باتو و روني
مشرف منتدى الرياضة العربية والعالمية عضو باللجنة الاعلامية للرياضة العالمية نائب رئيس رابطة عشاق الكالتشيو
تاريخ التسجيل: 13/01/2009
المكان: Riyadh
مشاركات: 6,892
السلام عليكم عليكم ورحمة الله وبركـــاتــه ,,,
فيوريتيــنا الفريق الجريح هذه الفترهـ
هل يحقق براينـديـلي المفـاجآة؟
في نــظري من الصـعب جـدا ولكـن في كرة القدم كل شـيء أتوقـعة.
فيـورتيـنا يفقتر للرصيـد البشـري وهذه نقـطـة سلبية للفريق طيلة مشـواره هذا الموسم.
مبـاراة الذهـاب إنظـلم أبنــاء الفيـولا وهدف البايرين الثـاني التسلل!
أتمــنى أن يحقق الفيـوريتينـا التسجـيل في النصف ســـاعة الأولـــى من الشـوط الأول والمهم أن لا يسـجل البـايرين.
كل التوفيـق لأبنــاء براينـديلي في فلورنســا..
إعـداد : MANU10 - Lover Royal تصـميم : BADER ~ } تنسيق : Madridi
لبى قلوبكم ياشيخ على هالتقديم الروعه تعجز الكلمات عن شكركم صراحه
--
تقريباً نقدر نقول القرعه ظلمت الفريقين لأن الجمهور إلي يشاهد دوري أبطال اوروبا راح يفقد واحد من الأنديه إلي تمتعنا في دوري الأبطال وخصوصاً هالفريقين لكن هذي القرعه وعمايلها .. بالنسبه للمباراه أنا أشوف صعب التكهن فيها لأن المانيو صعب على أرضه وقوي من ناحيه الأسماء الموجوده أما الميلان فـ يمكن حالياً مستواه حليو يعني آخر 7 مباريات تقريباً بدون خساره شي كويس ويعطيك ثقه في فريقك إنك تقدم أكثر مما قدمته .. فيه خبر فرحني كثير وهو جاهزيه باتو للمباراه إلا إني ماكنت متوقع جاهزيته في هالمده القصيره لكن يبقى السؤال [ هل سيشارك اساسي أم كـ بديل ؟! ] ومن خلال مشاهدتي للقائمه المستدعاه للميلان يمكن كلهم لاعبين خبره بإستنثاء باتو وهونتي وسيلفا فقط ! وأذكر إن هالشي راح يسوي فارق في المباراه لكن إلي يخليني اتوقع خروج الميلان هو [ الدوري ] يعني الحين الميلان له مده ماأخذ الدوري وفي بدايه هالموسم كانت المهمه شبه مستحيله عندما شفنا تخبط الميلان في المباريات لكن الآن تقريباً وخصوصاً إن الفارق هو 4 نقاط فقط عن المتصدر وفرق 3 نقاط عن روما صاحب المركز الثالث .. نجي للمانيو إلي قدر يثبت نفسه هالموسم حتى مع خروج رونالدو إلي أكد الجميع على ظُعف الفريق بعد خروجه لكن السير ولاعبينه أثبتوا عكس كذا .. المان زي ماقلت صعب على أرضه لكن مافيه حاجه مستحيله وأيضاً لو نجي للغيابات نلقى نفس الحكايه وهي الشكوك حول مشاركه روني لكن وقت المباراه راح يبان كل شي .. وبالتوفيق لميلان
--
أعتقد لو فاز الريال في الذهاب كان مابتابعها لأني متيقن من فوزه في الإياب لكن خسارته في الذهاب أعتقد راح تكون مباراه الإياب في قمه الاثاره والمتعه .. ريال مدريد حالياً يمر بفتره مميزه وإلي ميزها هو مباراته الماضيه وقلب النتيجه وأيضاً شفنا فرحه اللاعبين كيف كان شكلها لكن 7 مباريات بدون هزيمه ولاتعادل يُحسب لـ بيلغريني صراحه وهالشي راح يدفعهم لتقديم أكثر وأكثر .. لكن أؤوكد بأن ليون فريق مش سهل سواء على ارضه أو خارج أرضه < مجرب لالا صدق والله ليون فريق صعب ويملك توليفه حلوه ومدرب عنده خُبث كروي رهيب .. وأتوقع تأهل الريال لعل وعسى تنكسر العُقده
--
مباراه ماتتفوت صراحه الفيولا إذا مافاز في هالمباراه وتأهل وإلا راح تتحول جميع الإتهامات على حكم مباراه الذهاب بسبب الأشياء إلي حصلت بالذهاب .. المهم ماعندي كلام كثير عن المباراه إلي إني أنصح الجميع بـ متابعتها .. وفورزا فيولا لعيون مجودي
--
أول ما شفت هالتصميم إلي فوق طروا في بالي إثنين [ فابيانسكي + كامبل ] لكن الكل يتحدث عن غياب فابريجاس وتأثيره على خط الوسط وعلى الفريق لكن أتوقع إن فينجر بإمكانه تدراك الموقف وإيجاد الحلول والبدائل يعني يمكن نشوف ديابي أو نصري لكن أنا واثق في بقيه الفريق وإلي يخليني أثق زياده هو [ ملعب الإمارات ] بالتوفيق لكم ولجميع الأنديه الإنجليزي في دوري الأبطال
إعـداد : MANU10 - Lover Royal تصـميم : BADER ~ } تنسيق : Madridi
عوآفي يابطلين
إنسجمت وانا اقرآ التقديم , أئطعتوا حتّه حتّه
يا عسىآ الأمور تتسهل ونتأهل , ما نبي الأخلآق تخرب < قآإْمطُ
بسم الله نبدأ قرقره حول المبآرآه الأبرز هالأسبوع في دوري الأبطآل
فوز المآنيو في الذهآب , ما يعني التأهل , لكن بدون شك فوزنا بـ3-2 يصعب الأمور على الميلآن بما إنهآ على ملعبهم الهزيمه , ولكن ما تعني خروجهم , الميلآن غير في اللقآءآت الكبيره لكن ان شآء الله يكون فيدتش & فيردنآند مصحصحين وبالميعآد .. إذا توآجدوا هالسنآتر , ومن ورآهم بو سآره , نحس برآحة وثقه
من نآحية الغيابات فالفريقين يعآنون من غيآبآت مأثره , ولو إني أشوف غيآبآت المآنيو مأثره بشكل أكبر .. خصوصآ كآريك وجيجز , غيآبهم يضعف خط الوسط وننتظر حنكة السير وتوليفته لخط الوسط , واذا سكولز & فليتشر فورمه بالمباراه فوسطنآ بيفرض كلمته هجوميآ ودفآعيآ .. لو نظرنا للمباراة الذهآب , نشوف الشوط الثآني بعد ما صحصحوآ المحآور , شفنآ السيطرة على نص الملعب وشفنآ فآعلية سكولز وحرث فليتشر , عمومآ .. اذا شفنا هالأسمآء ( فيدتش , ريو , ايفرا , فليتشر , سكولز , روني , فآلنسيآ ) بالفورمه فمارآح نحس بغيآب كآريك وجيجز , فالأسمآء هذي هي دآيم مقسمه ما بين الأمان الدفآعي والهبآل الهجومي في اللقآءآت القويه .
بالجهه المقآبله , ميلآن .. الغيابات اللي عنده , مثلآ بآتو.. رآح يكون لغيآبه تأثير وآضح وكبير لأن مآفيه لآعب بكفآءته بالميلآن ويقدر يغطي مكآنه , كذلك سيدورف اذا بيغيب فـ ليونآردو رآح يظطر يسد خآنته بـ بيكهآم أو جآتوزو وهو أفضل من الأثنين
الفريقين أوضآعهم بالغيابات صعبه جدأ
/
حظوظ المآنيو اللي أِشوفهآ ..:
مثل ما قلت , اذا روني جآهز ومعه فآلنسيآ وأحد الأثنين بالفورمه معه ( بآرك & نآني ) فالهجوم رآح يكون من أحلىآ مآ يكون , واذا سكولز وفليتشر وريو وفيدآ فورمه فرآح نأمن على الخط الخلفي بوجود بو سآره ورآهم
اللي يهمني مآنلقم هدف قبل ما نلقمهم , لو صآرت النتيجة 1-0 لهم , بيرتبك فريقنآ ككل وبظغط الميلآن رآح يكونون قآدرين على تلقيمنآ الثآني , هالشي يوضح للي مأمن على التأهل صعوبة مبآرآتنا
لكن لو بدينآ بالتسجيل , فرآح ينخفض رتم المبآرآه من المآنيو بيكون كتعطيل فني , ومن الميلآن رآح يكون مثل اليأس والإحبآط
عمومآ , أتوقعها و الله العآلم انهآ 2-1 لنآ بإذن الله , وما نتفآجئ بأي شي منهم < مآزآلت القمطه
/
أنقهر لآشفت فريق كبير متوهق ومهدد بالخروج من فريق نقول أقل منه
اللي متسآهل مهمة الريآل أحس انه غلطآن , ليون قدر يتفوق بالذهآب وريّح شوي وصعّبهآ شوي على الريآل , هذي مبارآة تأهل لدور الـ8 يعني كلن بيقآتل على الحسم للتأهل , خصوصآ ان الريآل دآيم يخبّص ببعض المبآريآت خصوصآ دفآعيآ , هجوميآ وضعه حلو بهبآل رونآلدو ومستويآت هيجوين الحلوه ودعم ألونسو من ورآهم , بس بنفس الوقت يستقبل أهدآف , والريآل يلزمه يفوز بفآرق هدفين وهذا مكمن الصعوبه تقريبآ في مشوآرهم للتأهل
عمومآ رغم شرحي لصعوبة تأهلهم الآ إني أتوقع انهآ رآح تتسهل عليهم وبيلقمون ليون 4-1
/
نفس الحآله , فريق كبير وله جمهوره , يتوهق ويتهدد من فريق أقل منه
أرسنآل اذا يبون التأهل , فالأهم انهم مآيستقبلون أي هدف , وعندهم لآعبين قآدرين على التسجيل رغم غيآب ابرز ثنين , فآبري & بيرسي .. وآلكوت مقدم مستوى حلو بالمباراه الأخيره , ويبي يلعب بكأس العآلم فملزوم يقدم كل شي عنده , نصري أتوقع بيلعب مكآن فآبري وأنا أشوف انه رآح يسد الثغره , بنتدر ملزوم بإستغلآل الفرص وما يتفنن بالاضآعه , عنده من يصنع اللعب بس هو يسسسسجل وبس
بالمقآبل , بورتو بثرين جدأ , عندهم لآعبين على المستوى الهجومي قلق بمعنى الكلمه
الله يعينكم يا جمآهير الجنرز على الأعصآب
/
بالأخير وبعد الإطآله ,,
اذا بغيت المتعه , فأتمنى كل الأندية الكبيره تتأهل , حتى الميلآن أبيه يتأهل معنى اذا ممكن , وتشلسي والإنتر يتأهلون سوآ بعد
لكن اذا ميولي وحرصي على البطوله تغلب على المتعه , فـ عمر الكبآر ما تأهلوا معنا
![|[ CL16 | الارسنال يخوّف بخماسية و مع البايرن يصل لربع النهائي | شياطين انجلترا باربعة تكسب شياطين ايطاليا .. و ليون يواصل العقدة وحلم الريال يتبخر ]|](iconimages/t873070_rtl.gif)
!
< قآإْمطُ 
الوضع العادي
