|
فضيحة "صالة" الموتر للسيارات (مخرج 10) السلام عليكم ورحمة الله وبركاته اخواني والله ما ادري وش اقول الفساد في هالبلد انتشر بشكل مو طبيعي والوضع صار لا يطاق الغش التجاري في كل مكان والله ذبحونا التجار والقهر ان ماعندك احد لا وزارة التجارة ولا مكافحه غش يالربع انا بقولكم ايش صار معاي وانتم احكمو قبل كم شهر كنت ابحث عن سيارة امريكي مستعمله ونضيفه فقلت يا ولد روح للمعارض الي في الدائري الشرقي اغلب السيارات امريكي استخدام حشمه اكيد المهم راحت ولفيت المعارض ولقيت عند معرض الموتر للسيارات الي بين مخرج 10 و 11 سياره نوع اكاديا موديل 2007 نظيفه وممشاها 24 الف ميل وصراحه خشت مخي السياره من الخارج زي اللوز يعني مافيها اي شيء وتعتبر مو ماشيه بالنسبه لسنة الصنع 2007 توكلت على الله واشتريت السيارة طبعا شامل ضمان المعرض من صيانه وخلافه بعد ما شريت السياره سمعت ان فيه مواقع متخصصه لعرض تقارير تخص السيارات الي جايه من امريكا بموجب رقم الشاسي المهم اشتركت بموقع معروف بمبلغ وعرض علي تقرير السيارة السيارة الحمد لله مافيها اي شيء لكن الغريبه اخر تسجيل للعداد وهي خارجه من الميناء متجهه للسعوديه 85 الف ميل وانا مسجل العداد انه 24 الف ميل ايش معناته هذا ((اكيد تم تغيير العداد لرفع قيمه السيارة)) اشتركت في موقع ثاني بمبلغ وكمان عطاني نفس التقرير .. السيارة ماشيه 85 الف ميل كتبت خطاب جدا مؤدب ومهذب لصاحب معرض الموتر وعنوانه ((استفسار وتوضيح)) وذكرت له في الخطاب ان العداد يختلف عن ماهو مسجل في بلد المنشاء انتظرت يوم يومين اسبوع ...مارد علي وارسل له خطاب ثاني بعنوان ((استفسار وتوضيح للمره الثانيه )) دق علي بعدها السوداني الي يشتغل عنده قالي / صاحب المعرض يقول انت وش تبي بالضبط قلتله ياخوي انا مو راعي مشاكل ولا ابي الا حقي فرق السعر انتم عدلتو في العداد لرفع سعر السياره وانا ابي حقي يا اخوان الفرق قرابه ال 61 الف ميل قالي انا راح ابلغ صاحب المعرض المهم انتظرت فتره على امل القى تجاوب منهم لكن ماعندك احد (( من امن العقوبه اساء الادب)) ارسلت له الخطاب الاخير عسى الله يهديه وسلمته للصحب المعرض عصب وقال بالحرف الواحد (( اذا مو عاجبتك السيارة ردها للمعرض )) بكذا انا قلت مالي الا امشي بالاجراءات الرسميه واكتب شكواي لادارة مكافحه الغش التجاري في موقع الوزارة بعد ما لقيت اجراءات صارمه اتجاه الغش التجاري وادخلو وتاكدو والله ماكملت نصف ساعه الا متصلين علي من الشرقيه يستفسرون عن الموضوع اكدت لهم الموضوع وقالو طيب راجع الوزاره قلت طيب شكواي في الموقع ماتنفع قالو لازم تراجع الوزارة (( انا مادري ليه حاطين قسم للشكاوي اذا لازم نراجع الوزاره )) المهم كتبت الشكوى وراجعت الوزارة امام مبنى الاحوال المدنيه في الرياض وقدمت الشكوى للقسم وصلحت لها رقم وارد وقالو اطلع فوق سلمها الادارة قلت ابشرو بس كذا !! سلمتها عند احد المسؤولين طالع في الشكوى قالي ماراح تستفيد حاجه قلت نعم ياخوي قال اقولك ما راح تستفيد حاجه قلتله ليه ياخوي هذا يعتبر غش تجاري اذا هذا مو غش ايش الغش بالله قال حنا سحبو الصلاحيات منا والان الاوراق تحال الى هيئة التحقيق والادعاء العام والهيئه (( على كلامه )) مليانه شكاوي زي كذا وانتظر لين يجيك الفرج قلت انتم طيب ايش دوركم طالع بموظف عنده وتبسم عرفت ان ماعندهم سالف قالي او تطالبه بالمحكمه قلت ياخوي انا مو فاضي مطارده وراح الرجال بالمحاكم على ثلاث شهور و سته شهور قلت ليه ما تطلع من عندكم لجنه وتتاكد من كلامي لان الشخص هذا زي ما غير في عداد السيارة راح يغير في عداد السيارات كلها ويغش الناس كلها وبعدين انا جيتكم بموجب البنود الي في موقع وزارة التجارة والبند مذكور فيه ان اي غش يتم اكتشافه يتم تغريم الشخص من 100 الى 500 مع السجن سنتين طيب وين الكلام هذا قال يا رجال لا تصدق كل الي تقراه وقال انا اقولك الكلام هذا وانا والله ماعرفك لكن عشان اختصر عليك التعب قسم بالله حطمني لو احنا في اوروبا او امريكا كان من زمان ماخذ حقي ..هذا اذا تجرء يغش من اساسه يالربع انا كل اوراقي موجودة والاثباتات موجود ولو تبون صور والله لاحطها الان على النت عشان تصدقون انا ابي حاجتين من موضوعي هذا 1- رايكم وش اسوي 2- التحذير من المعرض حسبي الله ونعم الوكيل ------------------------------------------- صورة تثبت بان العداد لدى معرض الموتر 24 الف ميل http://www4.0zz0.com/2010/02/23/05/370340681.jpg صورة تثبت ان العداد داخل الولايات المتحدة 58 الف ميل عن طريق موقع معروف وتم الاشتراك لعرض كامل التقرير http://www4.0zz0.com/2010/02/23/05/795064226.jpg http://www4.0zz0.com/2010/02/23/05/321074530.jpg http://www4.0zz0.com/2010/02/23/05/734276810.jpg احدى الخطابات الموجهه لمعرض الموتر للسيارات http://www4.0zz0.com/2010/02/23/05/735964212.jpg الملصق وعليه رقم الشاسيه http://www4.0zz0.com/2010/02/23/05/819388297.jpg الخطاب الموجهه للوزارة ولم يتم الاستفادة منه http://www2.0zz0.com/2010/02/23/05/359600529.jpg غرامه وبنود الغش التجاري كما هو في موقع الوزارة http://www4.0zz0.com/2010/02/23/05/702924364.jpg http://www4.0zz0.com/2010/02/23/05/548219459.jpg انتهى ------------------------------------------------------------------ منقول بوجهه نظري اخواني بانه يجب كل متلاعب من التجار ومن يتساهل في موضوع الغش التجاري فعلا من امن العقوبه اساء الأدب |
الله يعينك وحسبي الله ونعم الوكيل اخوي لا تسكت عن حقك هذا استغفال ولو مره مافي فايده رجع السياره بس اهم شي لا تقولهم انك رحت واشتكيت لان لو قلتلهم وماصا شي بيقولون ماعده سالفه ويستقعدون اذا ات عاجبتك السياره ونظيفه رح لراعي المعرض وتفاهم معه يمكن توصلون لحل |
الحين كل هذي القصة مو لك ؟! وناقلها ؟ وبغيت اصيح عشانك وفي الاخير طلع منقول :D الله يهديك بس |
من جد الآن هذا الشيء حصل لك أنت أخ برشاوي&مانشستراوي..؟؟ لأني والله سبق وسمعت عن حصول هذا تغيير للعدادات من واحد في المعارض في جدة وما صدقته..!! |
الصدق انقهرت من الموضوع لكن اكتب رد لصاحب المشكله واقول الله يعينك ولازم تطالب بحقك ونصيحه للجميع اي واحد يبغى يشتري سياره امريكي يدخل مواقع فحص السيارات الاميركيه وفيه مواقع كثير اللي يبحث على قوقل يلقاها عشان مايطيح في نفس المشكله |
هههههههههههـ وانا متحمس لك واقول والله الغش ومدري ايش ..! وطلعت ناقله الصيد الصيد ..! ض1 وتعليقي من امن العقوبة اساء الأدب.. |
..&..&..&..&..& متوقع على كثر القرق إنه منقول :d :) , , , |
ياخوي كل شي وارد في السعوديه ولا تقدر تاخذ حقك الا في الاخره ان شاء الله |
إذا فاضي حس مريرهم وخذ حقك وحق غيرك وتكسب أجر وتلقنهم درس ..يمكن الذي جرأئم طيبتنا ..و عدم مطالبتنا بحقوقنا ... لعلك تكون القدوة للباقين لا يتركون حقهم .. |
الله يعينكـ, أخوووي شوف زميلي في العمل اشترى سيارة وكان فيها مشاكل لكنه من النوع اللّي يطلع حقه ,, اشتكاهم على الشرطة وفي النهاية عرضت عليه الشركة يعطونه سيارة ببلاش وكذلك هدية ترضية من الشركة وهو يقوم بسحب الشكوى ’,, صحيح إن في إختلاف بين قصته وقصتكـ, لكن الله يعينكـ, ومثل ما ربي يسر ورجع حق زميلي بإذن الله يرجع حقكـ, |
إقتباس:
الله يعينك ياصاحب الموضوع :D بس ودي بموقع الاجنبي اللي يطلع لك كم ماشيه السياره اذا تعرفونه كلموني :( |
والله ياخوي فعلا السيارات المستوردة مشكلة حتى هنا بعضهم يغير عداد السيارة واسهل منها مافيه للأسف بعدين كان رجعها واسترجع فلوسها وغير كذا اكاديا حول 100 الف من امريكا ياخي ادفع هالمبلغ كاش وطلع لك يوكون بالتقسيط والمبلغ اللي بيدفعه على اكاديا الكورية الصنع يدفع مقدم حلو وال4 سنوات الباقية مرتاح في السداد وانا اذكر قبل فترة قال لي واحد من هالكلام من اللي يشتغلون في البيان او البيان الجديد ان قبل تشتري السيارة تدخل على مواقع تتفحص السيارة زي الفحص المذكور سواء ممشى او غيره وعندنا للأسف الشديد الروتين الزايد اللي ماله سنع خلاص ياخي ثبت غشه يوقف وينال جزائه مو شكاوى وبعدين تحال ومحاكم والا خلك صاحب نفس طويل وراكض ورى المحاكم انا مثلا عندي واحد اطلبه حول 40 الف مستاجر والي ورطني اخوه قال ابدفعها واستغلها عشان يهرب اللي حشرته لأنه داخل الشقة اما الدوريات وللاسف العسكري قال مشينا القسم وكان فيه واحد من كبار مسؤولي شرطة الرياض قال له سلمه الشقة ومدير القسم كان واقف معنا وكاتب محضر خفر واحضار للمستاجر |
لا حول ولا قوه الا بالله اتمنى نشر الموضوع بجميع المنتديات ليستفيد معضم الناس |
يقـٌوٍلوٍن مكـٌآنه آلصيـٌد .. وٍآللـٌه آعـٌلم ,,:d |
الله يعينه ويصبره..المبلغ مو بسيط..وغبنه ينضحك عليك عيني عينك |
| الوقت المعتمد في المنتدى بتوقيت جرينتش +3.
الوقت الان » 09:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd