|
:cry:ايه مافيها شي وليه مستكثر علينا ألا..نحب الزين ولا نبي ألا وسيم ومفتول العضلات بعد وشخصية قوية نتشرط عشان بعدين مانندم وخبرك البنت مافيه مجال للتعويض يعني تركز بالاختيار لأنه فرصة وحده ومو انتم ان ماعجبتك تقدر تعدد وتنقي على رواق:ranting: وبعدين عني خدها كلمه مني (تراي من نجد بس حرف الدال عندي خربان):d البنت لما تزوج ويتحب ويوفقها الله وتحبه مستحيل تطالع غيره لأنها وفيه للي تحب ماهو زيكم ماشالله قلوبكم مجمعات تجارية:ranting: عشان كدا (نفس الكلام اللي فوق) كانها وحده تحب الزين لاتنازل عن هالشرط عشان ماتتعب نفسها بعدين (((على فكرة تراي اتكلم بجد؟؟؟ وأن كان وسيم بس اخلاقه زفت حاله حال الشيون مايقوم ولا يقعد زينه يعني مستحيل اتغاضى عن اخلاقه عشانه وسيم:nono: الناس تختلف قناعاتهم يعني شرط الدين اساسي لكن ماهمني راتبه او مركزه الاجتماعي انشالله نعيش بعشه اهم شي يكون وسيم وتراي موب مراهقه تراي عجوز:d |
الله يعطيك العافيييييييييييييييييييييييييية |
انا بنت وبجاااااااااااوبك تخيل اتزوج واحد مزيييييييييون وهو رخمــــــــــــــــه الله لاتبلاني معقووووووووول بس في ثقه بعالينا اغلبهم ماشاءلله مزيون بذات عندنا بنجد رجاااااااال عن الف |
اخوي عاشق هلا وغلا ومراااحب بعد في موضوعك الحلو هذا بالنسبة للسؤال الاول عزيزي ما اعتقد انه تفكيرها عقيم نظرا انه الزواجات عندنا في مجتمعنا تبداء عن طريق الاهل وتعرف ما احد يجيك الا وتعرفه واذا ما تعرفه راح تتعرف عليه لانه نعيش في محيط كلنا عيال قرية وكلن يعرف اخيه ونظرا انها تعرف ايش مضمونه من حقك تعرفه شكله البنت كما الشاب له الحق في معرفه البنت وقصة انه ابي فقط صاحبه دين وخلق هذا شي مفروغ منه وكذلك الشكل مهم جدا جدا نظرا انه راح تكون تعيش عمرها كله مع واحد وسيم او مملوح على الاقل مو شيفه الله اما عافنا :s2: السؤال الثاني احنا في زمان اسمه شختك بختك ممكن يكون رجل امام اعين الرجال ولكن وبعيد عن تلك الاعين تكون احدى اخواته ارجل منه ولذلك تاخذ وسيم ممكن يطلع رجل وتكلم حياتها بس لا تاخذ بشع ويطلع الموضوع جحيم ما اعتقد عزيزي انه المسلسلات انه سبب في توجيه نظرات البنات نحو الوسامه والجمال تجاه الشاب نظرا انه الكائن بطبعه يبحث انه يمتلك على كل شي جميل وهذا من ايام جدي وجدك كانو البنات ذيك الايام يخوقن مع راعي الشياكة صحيح لك عليها من الفقر بس عاد في اشياء تدعم اذا قالو( حمر عطر يا الله من فضلك) ولا (راعي الجدايل) ولا ما عمرك شفت جدتك تحط اصبعها تحت عينها وتسحبه على خدها جعلها الجنه وتقول وش زينه ولذلك ما اعتقد انه المسلسلات سبب البحث عن الجمال لانه كثير من بنات هذا الوقت يمقتون اشكال من يظهرون بالمسلسلات ولكن مصابين في مرض اسمه حب المشهورين وليس الجمال |
AORO مستشار الهلال ™¤¦ Demooo ¦¤™¨¨ الدنيا بلوووو مشكورين على طلتكم الحلوة ... ووجهة نظركم |
أخالفك الرأي أخي .. الطبيعة البشرية تبحث عن الجمال وترتاح إليه لكن عموماً الجمال نسبي ويختلف من شخص لآخر ولكل إنسان ذوقه الخاص وبحث الفتاة عن الشاب الوسيم أمر طبيعي جداً كما هو لدى الشاب وإن كان الشاب أكثر وأوضح في هذا الموضوع .. جاء عن عمر رضي الله عنه : " لا تزوجوا بناتكم الدميمين فإنهن يحبون ما تحبون " .. وقال صلى الله عليه وسلم : " تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك " وهو أيضاً من قال : " إذا خطب أحدكم امرأة فقدر أن يرى منها ما يدعوه إلى نكاحها فليفعل " إذن نفهم أن الجمال معتبر ومطلوب ، ولكي يدوم الزواج ويبقى مستقر فلا بد من الرضى على الأقل للشكل الخارجي وإن لم يكن هو أهم شيء ولكن ينبغي أيضاً أن لا نكون سطحيين في نظرتنا فنكتفي بالشكل فقط .. ونرى أنه كل شيء ، وهذا الأمر ملاحظ لدى الشباب أكثر من الفتيات :) عموماً ديننا هو دين وسط والتوسط في كل الأمور مخرج لكل منا .. فلا يطغى جانب على جانب وكل شخص يعرف نفسه ويعرف ما هو في مصلحته وأدوم لزواجه لأنها علاقة تستمر العمر |
إقتباس:
........................................ |
ما هو من عاداتنا ولا سلومنا ان البنت تشرط ان المعرس يكون مزيون !! الرجال ما يعيبه شيء واهم شيء يكون محافظ على الصلاة يخاف ربه ويعاملها معاملة حسنة .. وهي الدعوة كلها قسمة ونصيب .. البنات الجيل هذا متأثرات بالمسلسلات التركية الله يقطع شوفها |
^ وشفيك معصب وانا اختك ؟ :razz: |
| الوقت المعتمد في المنتدى بتوقيت جرينتش +3.
الوقت الان » 12:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd