السلام عليكم ورحمـه الله وبركاته..!

قبل لاتقرأ الموضوع ..اذا عندك أستعداد ترد..ولا لاتقراها على انها سالفه..وتمشي..!

مـن جد أبي حـل..!

بدايه السالفه..!


في عام 1427 هجري..كنت وقتهـا..في اولى ثانوي..!

كأي طالب..في اي عالم جديد عليه..يبحث عن..شله محترمه..وتوسـع الصدر..!

وينظم لها او انه يكون هو بنفسه شله..!

تكونت شلتنـا..بـ4 اشخاص..والباقين متغيرين..يعني فتره يجيون يجلسون وفتره يمشون..ع حسب..!


عموماً الثابتين كانو 4 ..بالعربي..نعرف كل شي عن بعض..يعني مرره

اشياء مأحد يتوقعها..كل شي كل كل شي..يعني أكثر من أخوان..يشهد الله جلستنا
مع بعض اكثر من جلستنـا مع أهلنـا..!


شوفو كل كلمه تبي تنقال..مب مدح بنفسي لكن عشان أحطكم بالصوره وتفهمون كل شي..!

محمد..انسـان مرح..نتيييف درجه اولى عمره 20
يوسف..لكيييع..ويرفع ضغطك بكل اريحيه عمره 20
عثمـان..ثقل..بس كلمته وحده..انطوائي نوعاً ما وعمره 17
أنا: مرح..ماعندي اي شي..كل شي قدام..زبيدي درجه اولى>>يعني احد مانبيه بالشله..يزهلون امور التزبيد علي..العيب..(العصبيه الزائده)

من اولى ثانوي كانت انطلاقه الشله..الى حد يومنا هذا

لاجينا نتشاوف ..مانتشاوف بالبيوت..ولا لنا علاقات بحواري بعض..!

أجتماعنا بكوفي..ودايم لابغينا بعض ماندق..نروح للهاكفي..يالقى واحد منهم او اجلس شوي ويجي واحد منهم..!

جاء عثمان مره..ومعه..واحد من اخوياه اسمه علي..!
علي: يكون ولد جيران عثمـان..وتربو مع بعض..يعني أخـوان..!

تكينا ذاك اليوم..وفلينهـا

بعدهـا بيوم:وهنا بدايه القصه..!

جاني عثمـان..وكان منغبن ومستحيل اذا انت مخاوي واحد اكثر من 3 سنوات..ولا راح تعرف انه متضايق من وجهه..!

شف وجه..لقيته متضايق..قلت وش فيك..؟

قال:كل خير..!

قلت تكلم وقل الي عندك..الغبنه طالعه من عيونك..!


قال:..علي..!!

قلت الي امس معنى ..؟

قال ايه..قلت وش فيه..؟

قال:..يدخـن>>هذي مب مشكله تستحق التهويل..!

قلت:قلت علييي يدخن>>انا على معرفه سابقه بعلي

شخصيه علي
وسيم..من مواليد 1415..مهمل من والديه..عثمـان غالباً مايتكفل فيه..فيه فشل كلوي..جسمه ميأهله يوقف بوجه الهواء.يعني عنده الهرومونات ناقصه بالجسم..!

يعني شكله ابو 9 سنين..حتى 9 سنين..كثيره عليه..لو تشوفه تقول بزر بزر

بثالث ثانوي..رحت لمدرسه..أهليه..صادفت وجود علي..معي بنفس المدرسه..كان يدرس وقتها باولى ثانوي..!

كان يجلس مع واحد من اخوياه..!

بس ماكنت مرتاح له..لكن احسنت النيه وقلت الله يوفقه..!

خلال 3 ايام..حلمت بعلي..حلم..!

ويتكرر نفس السناريو بالحلم ..بأختلاف الأشخاص..!

فسسرته عند مفسر معروف..قالي..هذا يقرب لك..قلت لا..؟

قال تشوفه بشكل يومي..قلت تقريبـاً

قال والعلم عند الله..انه يحتاج مساعده منك..شخصياً

مانمت ذاك اليوم من التفكير..وش هالمساعده الي هو يبيهـا..؟

رجعت دقيت ع الشيخ..قلت له سالفه الي محلم فيه من الى..انه كيت وكيت

قال فيه واحد من أخوياك يدرس معه..قلت لا..!

قال طيب..يعني انت لحالك..قلت ايه..قال اجل أسأل عنه شف يمكن عنده مشكله ولا شي

مسكت عثمـان ولا قلتله شي..بس جرجرته بالكلام لين..وصلت لشي...!

قسماً جتنبي الصيحه يوم سمعته..أنه يحشش..!

مهمل من والديه..!!

ماعد له بأحد..يدري..ان هالناس يستغلون جماله..عشان هالحشيش..

على مايقولون فجر بوجهي قنابل ومشى

رجعت بتالي الليل..للبيت..والله عجزت انا..حلم..تفسيره يبي مساعدتي..!
الولد راعي حشيش..مهميلنه أهله..موضوع بالعربي فجر راسي..!


تقرب من الولد..حاولت اساعده..كلمته مره ومرتين..ماش..الولد فيه احد يوجهه

يعني اقرب..مني له..يعني كلمته تطغي على كلمتي..!

طلعته..معي كلمته..الولد عنده شي وشي كبييير..بس خايف يقوله..!

حاولت بكل الطرق..لكن مافاد..لين وصلت اني اقرر أتركه..!

بعدها بمده..يجيني عثمان يقول تهاوشت معه..

رجعت له حاولت اساعده..لكن مايستجيب..!

انا من الناس الي لاشلت شي..شلت همه..ولاأرتاح لين أخللصه..والله ان دراستي تاثُرت بالموضوع ذا..صرت 24 ساعه تفكير..وش أسوي بمقابل اني اطلعه..!

وصلت لطريق مسدود ومسدود وبقووووووه..!


هل أجد لديكم..حل..؟ كأخوان لي وأخوات..؟

بس هذا كل الي أبيه

الموضوع بدون زخرفه ولا تنسيق لأن من جد مالي خلللق..!

ارجووووووووووكم ثم أرجووووووووووكم

تنهون لي الموضوع وتعطوني الحل