موقفي مع المدرس في الاختبارات + اشياء اخرى.. - نادي الهلال السعودي - شبكة الزعيم

ڪـيــف الـζــآل ؟ · #1 19/06/2007, 01:16 AM

بسم الله الرحمن الرحيم..

السلام عليكم ورحمة الله وبركاته..

كيف حالكم؟؟..

..اكييد طيبين..

اليوم خربتها علشانكم <<<الاخ نام متأخر..

بما ان الاختبارات انتهت وبما ان الناس فرحت.واحتفلت..

..

احب احتفل معكم ببعض المواقف اللطيفة.

نبدأ على بركة الله..

بسم الله ..

تبون نبدا ولالا..

اكييد موافقين هاه؟
طيب..

الموقف الاول:

في البداية كان هذا الموقف من اغرب المواقف في حياتي..حيث انه في اختبار مادة اللغة الانجليزية..دخل علي في قاعة الاختبار مدرس..قال لي:
بالمناسبة انا قد قلت له بأن هناك من يقول لي ان اغششه في الامتحان..
علما ان هذا الشخص يأتي للامتحان من دون مذاكرة فكيف تبيني اغششه؟
نعود الى قول المدرس: قال لي:يايزيد السلام عليكم ورحمة الله وبركاته..سلمت عليه.. وشفت احواله وقالي : هاه الطالب الى الحين يحاول فيك ولالا؟ انا عاد صرفت الموضوع..قلت لا يااستاذ لقد هدأ بعض الشئ..قال لي : هذا افضل..
قلت جزاك الله خير..
وطلع..

انا شفت الدعوى كذا شكيت في السالفة..
المهم بعده بقليل دخل علينا المراقبين ..
واقتربت ساعة الصفر.

تررررررن..<<<مسوي جرس
بدأ الاختبار..
عاد المراقب قالوله الطلاب يحاولون فيه انه يغششهم..
طبعاَ ..استهبال..
عاد المدرس بايعها..ماهمه شئ..
الطالب الي خلفي يحاول يغش مني..
اما انا فخليت يتفل العافية..
عقدته..

جاني المراقب وقام يفتح بهالورقة..
استغربت الدعوى..
وبان المراقب على حقيقته..الرجال الله يجزاه خير..قام ينشر اجوبتي بين الطلاب..
قلت بس مادام الدعوى فيها كذا ..انا اوريه<<<احلى مسوي يبي يكنسل المراقب..
قمت غيرت بالاجوبة وقام ينشرها.. وانا ودي اضحك بس مسكت نفسي..
يوم جاء اليوم الثاني سئلني طالب قائلاَ:
يزيد اسألك بالله الاستاذ ماغششك..

جاوبته قائلا: لا بالعكس بل هو من يغش مني..

استغرب الطالب قال:كيف؟
قلت:قام يأخذمن اجوبتي وينشرها..وانا كاتب الحقوق محفوظة..

قال:انا اقول الاستاذ من وين له هالمعلومات؟
قلتله : مني طبعاَ..
قالي : الله يجزاك خير يايزيد لولا الله ثم انت كان عايد دور..

قلت : العفو..
انتهى..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــ
الموقف الثاني قديم شوي لكن فيه بعض الضحك:
كنت في مكة المكرمة انا وعائلتي وخالتي وأبناؤها..

ومعنا ابن خالتي المتوفي (الله يرحمه)..

في احد الايام ذهبنا انا واخي وابن خالتي لصلاة الفجر بالحرم المكي..
صلينا الفجر ولله الحمد وخرجنا لنذهب للفراش..
طبعا كان نصنا نووم فركبنا مع احد الباصات..
ظنينا ان هذا الباص يبي ياصل للفندق الذي بجانب فندقنا..
توكلنا على الله وركبنا..
اخذتنا النومة شوي..
طبعا انا اكبر واحد فيهم..
يوم صحينا من النوم وإذا نحن في فندق بالعزيزية..
وش السالفة ياشباب؟
سالت السواق قلتله وين حنا؟
قالي في العزيزية..
انا تفلت العافية..
قلت وين؟؟
قال العزيزية..
قلتله ممكن طلب؟
قال تفضل ..
قلتله ممكن ترجعنا الحرم..قالي : لا انا انتهى شغلي..
يابن الحلال..واحاول فيها بس راسه يابس..
قلت طيب وش السواة.؟؟
قالي : اطلع للشار العام وادورك على تكسي..قلت خير ان شاء الله..
طلعنا ورحنا للشارع .., واذا حنا نمشي واخوي وولد خالتي يضحكون مايدرون وش السالفة..
عاد انا ارتفع ضغطي..قلت انتم ماتستحون حنا ضايعين وانتم تضحكون وتلعبون..
قالوا : ضايعين قلت : ايه ضايعين..
المساكين اصيبوا بإحبااط...
قلت الشرهة علي لاني قلتلكم.
وإذا فيه واحد يتمشى شكله اجنبي ..
قالي : وش جايبكم هنا..قلت : يابن الحلال حنا ضايعين..قالي عطني رقم ابووك ..
ادق عليه يجي ياخذكم قلتله : ابوي نايم ..قال:عاادي نصحيه..
قلت :لالالا مشكوور ماتقصر..
قال: على خير..
وحان نمشي وما ندري وين رايحين..
ويجي راعي سيارة وقفناه قلناله توصل قال وين قلتله المكان..
قالي اركب ..
ركبنا وانا طاير من الفرحة..
ويوم قربنا نوصل وانا ادور فلووس بعطي الرجال..
وكان يتفلسف علي ..وانا اقول ايه صح ,.وانا مدري وش يقوول؟؟
ههههههههههههه
المهم ..
وادور ولا القى شئ,,ولا وكلتها يايزيد..عز الله انك منحوت..
وااقول لخوي وولد خالتي بس كل واحد اقعط من الثاني..
اقوله احمدوا ربكم انكم لقيتوا من يوصلكم وانا احاول فيهم لما وافقوا..
اخيرأ
دخلنا الفندق .. ورحت انا واخوي للغرفة والقى ابوي ويطيح فيني هواش وطق..
قلتله يايبة انت ماتدري اني انقذت ناس من موت محقق ..
ابوي يحسبني استهبل قالي رح نم وبكرا نتفاهم..
وبوم قمت ويقولي انا آسف يايزيد قالي ولد خالك انكم ضايعيين..
بس فجأة قالي : انتم دلووخ يوم انكم تركبوون باص ماتدرون وي يوديكم..
قلت له: كنا على وشك النوم وما لاحظنا..
قال: حصل خير..
تمت ..ولله الحمد..
اشكر لكم حسن استماعكم لي وانصاتكم ولازم تردوون لو بابتسامة..
شكرا مججدداَ..
the bast
يزيد..أبو عايد..

Mr.DL5 · #2 19/06/2007, 01:34 AM

إقتباس


	السلام عليكم ورحمة الله وبركاته..

وعليكم السلام ورحمة الله وبركاتة ..

إقتباس


	بما ان الاختبارات انتهت وبما ان الناس فرحت.واحتفلت.. .. احب احتفل معكم ببعض المواقف اللطيفة.

طيب الي توه ما خلص ..؟؟

<< << يضف خشته يروح يذاكر ..

إقتباس


	تبون نبدا ولالا..

لا ..

إقتباس


	الموقف الاول:

طيب كان بأمكانك ترفض ان الاستاد ياخذ من ورقتك الاجوبة ويوزعها على اخوياك ..

لو رافض احسن من تغششهم غلط ..

إقتباس


	الموقف الثاني

اول شي الله يرحم ولد خالتك .. والله يسكنه فسيح جناته ..

ثاني شي ..

خخخخخخخخخخخخخخخخخخخخخخخخخخخخخخخخ

موقف مضحك ومبكي في نفس الوقت .. <<<

<<< خاش غلط ..

__________

ويعطيك العافية يالغالي على هــ المواقف ..

وبانتظار جديدك ..

فتاة الهلال · #3 19/06/2007, 02:35 AM

جزاك الله خيرا يااخاه

ورك تتكلم فصحى

مواقف حلوه
بس ليه النذاله وتغير اجابتك حرام والله :p

يعطيك العافيه

هامور البورصه · #4 19/06/2007, 02:55 AM

والله يا عليك نذاله في الموقف الاول

اما الموقف الثااني تخاف عشانك مضيع يعيب الشووم بس

فيه احد يخااف اذا ضيع افا بس افا ولا ثلاثه بعد

ماااش والله ماااش

الهلالي النايم · #5 19/06/2007, 03:00 AM

خخخخخخخخخخخخخخخخخخخخخخخخخ

من جد موااقف راايقه ،،

بس الطق والهوااش ما اكاان له دااعي هع هع

مشكووور

Z3EEM . FC · #6 19/06/2007, 03:59 AM

طيب الي قال بعيد دور ثاني

وش تتوقع يسوي فيك لو يدري انك مغير الاجوبه

F I N A L · #7 19/06/2007, 06:08 AM

وعليكم السلام ورحمة الله وبركاته

إقتباس


	الموقف الأول

صراحه أكثر المدرسين خلاص ما عندهم أمانه

يساعد الطلاب على الغش

بس حركتكـ حلووووووه .,..

إقتباس


	الموقف الثاني

غريب جداُ

R.o.N.a.L.D.o.9 · #8 19/06/2007, 07:31 AM

إقتباس

الرسالة الأصلية كتبت بواسطة the bast


	قالي في العزيزية..

أفااااااا تجي العزيزية ولا تعلمني .....!

عـز الهلال · #9 19/06/2007, 09:57 AM

مـا شاء الله مواقف حلوة ... وتصلح تقولها لأحفادك :p
بس الله يهيدك .. قسم أنك نذل في الموقف الأول

,, كـان ساعدت الطلاب شوي
والله انك نكبت المدس

::

عـاد أنـا اذكر في أختبار [ الأحياء ] جونا مراقبين من الوزاره
لمكافحة الغش

,, وشوي أشوف المراقب فوق راسي ويطالع ورقتي
ويشوف الفراغات ويغششني :p مع انه جاي يكافح الغش

::

الموقف الثاني ,, عاد يا كثر الي يضيعووون في مكه

سلاميشو ...

ڪـيــف الـζــآل ؟ · #10 19/06/2007, 01:08 PM

إقتباس

الرسالة الأصلية كتبت بواسطة هلال الفن زعيم القرن


	طيب الي قال بعيد دور ثاني وش تتوقع يسوي فيك لو يدري انك مغير الاجوبه

يارجال هذا مايدري وش الدنيا..

@الموسيقار@ · #11 19/06/2007, 01:19 PM

هههههههههههههههههههههههههههههههههههههههههه

dal3_uae · #12 19/06/2007, 02:41 PM

حلوة المواقف

يعطيك العافيه

وعقبال نجااااااااحك يا رب

ڪـيــف الـζــآل ؟ · #13 19/06/2007, 03:06 PM

آمين

ڪـيــف الـζــآل ؟ · #14 19/06/2007, 10:52 PM

إقتباس

الرسالة الأصلية كتبت بواسطة @الموسيقار@


	هههههههههههههههههههههههههههههههههههههههههه

مشكور على المرور

برنسيسة الهلال · #15 19/06/2007, 11:16 PM

ههههههههه والله انـك نذل بس يستـاهلـون اجـل انت تـذاكـر وهم يغشون كـذا >> تفكير مصري ..

بس ليش تخـاف في واحد الله يستـر عليه مسـك خط الدمـام بنص الليـل ومـاخاف ابـدا >>> ماتقصـد هـامور

يعطيك العاافيـه خيوو ..

بـانتظـار جديـدك ...