20/02/2010, 10:37 PM
|
| زعيــم متواصــل | | تاريخ التسجيل: 04/01/2010
مشاركات: 152
| |
|
,,ملعب نادي السد القطري,,
أولا نبارك لجميع الهلاليين
أداره ولاعبين وجمهور وأعضاء شرف
طبعا لعدم معرفة الكثير عن دولة القطر وبالعربي ((مايدلون فيها ))
وجاتني رسايل تبيني أوصف لهم الملعب حبيت أنزل هذا الموضوع
توصيف الملعب من منفذ أبوسمره منفذ دولة قطر
تمسك الطريق الى أن تصل الدوحه وتدخل الدوحه المسافه تقريبا 90 كيلو من أبو سمره الى الدوحه
(( خذوا راحتكم الردارات الي في الطريق ماترسل مخالفات اللوح السعوديه ماتقراء حروف أرقام بس ))
اذا دخلت الدوحه بيجيك أول دوار هو دوار الغانم تروح سيده وبعدين دوار عين خالد تروح سيده وبعدين
دوار سوق الخميس والجمعه تروح سيده وبعدين دوار قطر للديكور وبتشوف محل قطر للديكور على اليمين
وعلى فكره الدوار هذا في ناس تسميه دوار السودان يعني عائلة السويدان
اذا وصلت الدوار الرابع الي هو دوار قطر للديكور تلف يسار وتمشي شوي وتشوف الملعب على اليمين
ادخل بين الحواري وتوصل الملعب .
ترى هذا الملعب مكيف يعني اذا كان الجو بارد راح تثلج وأسأل مجرب
سعة هذا الملعب الجماهيريه 16000 فقط يعني حاولوا تجون بدري ولا ماراح تلقون مكان
سعر التذكره عشره ريال وسيكون مدخل الجمهور الهلالي من البوابه اليسرى
ومدرج الجمهور قريب جدا من الملعب تصميم اوربي يعني بتحس نفسك مع اللاعبين بالملعب
توصيف الملعب للقادمين من المطار مطار الدوحه أول ماتطلع من المطار تلقى أشاره ومعها سيده وبعدين
وبعدين يجيك دوار النادي الاهلي وتروح سيده وبعدين دوار
محطة التضامن وتروح سيده وبعدين تنزل من نفق ترى النفق هذا فيه رادارات يعني الي بيأجر سياره
قطريه ينتبه ترى السرعه القانونيه 80 وبعد النفق يجيك تحويلات تضيق الشارع ومعها سيده
لين يجيك دوار صغير اسمه دوار شارع النصر تروح معاه يسار وتوصل النادي
المفاجأه أنك في الطريق للقادم من المطار راح تمر على حي الهلال وشارع النصر أهل قطر يعرفون يقدرون
الانديه من بعد النادي الاهلي هذا اسمه حي الهلال والشارع الذي يكون امتداد الملعب هو شارع النصر
الهلال حي وداخل الحي النادي الاهلي وعندهم الهلال حي والنصر شارع فقط
أتمنى أن يكون موضوعي مفيد
وأتمنى التوفيق لنادي الهلال في البطولة الاسيويه وأن شاء الله نوصف لبعض ملعب طوكيو
الي يبي يتواصل معاي في قطر يعني مضيع الملعب يراسلني على الخاص عشان أعطيه رقمي
دمتم بود
|
الوضع المتطور
