مبرووووووووووك والف مليون ترليون هلاليليون مبرووووووووووك لكل من قلبه وعقله وحسه ازرق

الجميع بالتأكيد كان على اعصابه ليلة البارحة...لكن للأمانه ولو وضعنا الميول جانباً..فالحق يقال ان الـ 11 لاعب اللي لابسين ازرق..كانوا افضل واكثر تنظيماً واجمل أدائاً من الـ11 لاعب الاخضر...ومن الظلم خسارتهم للمباراة...

الشوط الاول لعب الهلال بمستوى جدا مميز وسيطر سيطرة كاملة...ياسر الزوري ويلي اسامة عزيز لي يونج كانوا في القمة... لكن الهدف بصراحه هز الفريق شوي مع بداية الشوط الثاني وشفنا تراخي نسبي للفريق...لكن للأمانه...أكثر ما يميز الفريق الازرق الحلول الفردية اللي تمثلت في ياسر في الهدف الاول اللي غير مجرى المباراة ومن خلاله كان من الواضح ان الهدف الثاني قريب وهو ما تحقق بالفعل...
أهم شي الكأس وخذيناه وخلينا ابو دموع يحسب "عدت الخط والا ما عدت"

على السريع....

- قسم بالله ان فرحتي ما اكتملت لأن أولى الناس بالفرح في مثل هذا اليوم غير موجود سلامة اذنك يا شبيه الريح...

- مهب وقت عتاب لكن الشلهوب ونيفيز أمس "مش ولابد" بالذات الشلهوب!!! الموضوع يبيله وقفه مع اللاعب...

- بالأمس اتحدت الوان الطيف واخواتها كلها ضد اللون الأزرق!!!...حتى الاتهادية كانوا مع اعدائهم ضدنا....
والله ياللون الازرق فاقع قلوب بشررررية

- جريتس..انت بطل وصنعت هلال هجومي مرعب... لكن ما تحس ان تقدم المحاور بكثرة وخصوصا رادوي جعلت الدفاع مكشوف شوي!!! بالامس كذا كورة مع مالك وفيكتور كانوا واحد لواحد مع مدافعي الهلال!!! بصراحة..مع كوزمين كنت اعرف اني فائز أول ما يسجل الهلال هدف فارتاح "عاد متى يسجل الله اعلم"... ومع جريتس اعرف اني فائز فقط مع صافرة الحكم!!!

- انا مادري هل فيه مثلي كثير والا لا...لكني من النوع اللي لما يفوز الهلال..على طول أدخل منتدى الفقراوية قبل منتدىالزعيم...علشان اضحك...لان "جزء من فرحة الفائز يكمن في حسرة الخاسر"..والغريب ان الفقر ماله دخل بالمبارة لكن صدقوني نص المواضيع عن مباراة أمس اللهم لا شماتة...

- "ولو كنت أعلم الغيب" يالهريفي...شكلك جاي مجهز تبي تشمت بالزعيم والا باينه عليك لو كنت تدري انها هلالية ما جيت...عموما شوفتك في مثل هالمواقف والله تسر الخاطر والنفس ...

- عدنان حمد "وش تحس فيه!!!" اجل الحكم صديق عبدالرحمن بن مساعد والاهلاوين محتجين!!! ما سمعنا هالكلام الا منك!!! أقول يا صبر الأرض...

- والله نفسي اروح اشوف مباراة السد بالملعب...علشان احس الفرق...ملعب صح تحس انك مع اللاعبين بالملعب من قربهم وأكيد وتنظيم صح ... ونسلم بامره على كوزمين ...فرصة ما تتفوت...



أخر نكته...اليوم كان أول يوم دراسي لابني في المدرسة "تمهيدي"... الولد لما رحت اجيبه من المدرسة يقولي بابا مابي اروح المدرسة خلاص.. سألته ليش؟؟ قالي حطوني في الفصل الأصفر
سألت زوجتى وش السالفة: قالت الطلاب الجدد حطوهم في الفصل الأصفر...والمدرسة قالتلي ان كل الاولاد زعلانيين من لون الفصل يبون يروحون للفصل الازرق!!!!

لاحظ طلاب في عمر 5 سنوات تقريبا..ونعم التربية