بسم الله الرحمن الرحيم
أولا الحمدلله حمدا يستحقه على ماتحقق لنا الليله بتحقيق كأس سمو وليّ العهد حفظه الله بعد الفوز على شقيقنا نادي الأهلي
وانا من الفرحه هاضت مشاعري بهذه الأبيات وحبيت اشارككم بها بهذه الأفراح
اسأل الله ان تدوم علينا ونواصل حصد الألقاب والوعد اللقب 51
عسى ان تحوز على رضاكم وهي إهداء لكم وللكيان الهلالي
جاب الزعيم الكاس من كف سلطان
وأسعد جماهير الزعيم الغفيره
%%%%
]الفيصلي في دربنا كان عنوان
وأجتازه الأزرق وواصل مسيره
%%%%
ثم التقينا بأصفر(ن) دوم ((حـلـمـان))
بمنافسة نادي المزايا الكبيــره
%%%%
نادي الفقر والصبر نادي خبيلان
خسارة(ن) فيهم شعار الجزيره
%%%%
ثالث سنه وبالتخصص كما كان
شتناه شوت وجاه ماجا لغيره
%%%%
وبعد الكديش فدربنا كان نجران
نادي مجاهد من نوادي كثيره
%%%%
خذ مننا قسمه وروّح ولاهان
يرغي ونادينا يواصل هديره
%%%%
ويوم النهائي يوم ماطلّ سـلـمـان
في جنب ابو خــالــد نجوم(ن) منيره
%%%%
تقابل الأزرق والأهلي على شان
كاس الذهب والكاس يعرف مصيره
%%%%
والأزرق إن شاف الذهب صابه جنان
وايشب له نيران تاكل نظيره
%%%%
الشوط الأول راح والكل زعلان
متأخرين بقول غلطه صغيره
%%%%
والشوط الآخر أعتزى نسل قـحـطـان
ابوسعـيد ابو السـهـام الخطيره
%%%%
راوغ ومرّر لشقر الراس فنان
( ولي ) وجاب القول مكثور خيره
%%%%
ولا أكتفى باللي حصل "طير حوران
لكن كررها بعزم وبصيره
%%%%
مرّر للأشقر كوره بفن وإتقان
وهذاك ماقصّر ولاجاه حيره
%%%%
عطى (تياجو) كورة(ن) مثل الألحان
جاته تهادى صوبه ومستديره
%%%%
ونيفيز سددها على الباب عجلان
وصفق له الجمهور وقبله اميره
%%%%
اثنين واحد ذوّقت كل الألوان
مرّ الهزايم والليالي العسيره
%%%%
هذا الهلالي دوم في كل الأزمان
يفرح ويفرح دايم بكل ديـــره
%%%%
بطولة الخمــسـيـن وصلت يافرحان
وغيرك كتب مع المعاناه سيره
%%%%
هذي حكاية كاسنــا اليوم يااخوان
يالله عسى ماهي لنا بالأخيره
%%%%
جاب الهلال الكـاس من كف سلــطــان
ولاعــزا للإتحـــاد (( وأســـيــــره ))
%%%%%%%%%%%%%%
اخوكم الشاعر العضو :: زعيم رااايق
ابوفيصل القرقاح
الوضع المتطور
