آآانااا .. آآآانا اللى آآآكل الذهب آكاااااال ^ هممممممم ^ >> ( هذا الهلال نطق ) - نادي الهلال السعودي - شبكة الزعيم

ابو طـــــلال · #1 20/02/2010, 06:08 AM

ألف تررليون زليليوون خفشيون سعبيووون طلفشووون خبشيووون مبروك لكل هلالي وهلاليه البطولة رقم خمسين

كل كلمة بقولها بتكون ( مقيوله )

أكيد

لكن فيه موضوع كتبته قبل أربع أيام عن قسوة جمهور الهلال في حق ياسر القحطاني رغم إنه هو من صنع الفوز في الهدفين وكان هو وبإشادة الجميع ( عرّاب ) هالمباراة النهائية .. وأبطل أبطالها المبدعين

طبعاً كتبت الموضوع وماكنت أعرف إننا بنفوز

.. وتم نقل الموضوع من أحد المشرفين ولاأعرف عن سبب نقله إلا أن أحد المشرفين رد علي مشكوراً بأنهم لايرغبون بالتطرق لهذا الموضوع تحديداً والفريق على أعتاب بطولة ..

إحترمت وجهة نظر الاخوة المشرفين ومن قام بنقل هالموضوع لأن مصلحة الفريق أهم ..

وبعد مافزنا اليوم .. هذا موضوعي المكتوب .. واللى تم نقله .. واتمنى نعطي ياسر حقة ونوقف معه

================== تحت هذا الخط يبدا الموضوع اللى كتبته بتاريخ ( 16/ 2 / 2010 )

انتم أقسى على ياسر من جمهور النثـر ( للأسف )

أناني

غبي

سخيف

شايف نفسه

شبع

مغرور

أركنوووه بالإحتياط وفكونا

والله عيسى أزين منه ميه مرة

خلوه ينقلع

ياسر إنتهى خلاص

يحب يتفنن

ضيعنا

888888888
تصدقون كل هالكلمات من جمهور الهلال طالعة ... مهيب من جماهير النصر
الجمهور العاطفي ( البعض المقصود في موضوعي )... ألّى يقرر ويحكم وينفذ الحكم بلحظة ... ويعشق بلحظة .. وينسى بلحظة .. ويرجع يطالب بلحظه ..

يقول عبادي الجوهر وكأنه يهدي هالأغنيه وكلماتها لجمهور الزعيم ( البعض المقصود )

ياللى تحبيني شهر .. ثم تجافيني شهر .. ثم تحنيلي شهر .. وتفكري كيف الرجوع كذا شهر .. ماقد خطر في بالك . إن السنة 12 شهر

حنا نحب يوم .. ونجافي اليوم اللى بعده ... واليوم الثالث نحن .. ونضيع كم يوم نفكر شلون نرجع ..

مره نسبه .. مره نشتمه ونقسى عليه .. مره يكون هو اللى ضيعنا .. ومره ومن نفس العضو يعترف إنه هو سبب البطولات الاخيرة .. ويذكر مباراة الأهلي قبل سنتين يوم يسحب بحسين عبد الغني .. وهو سبب حصولنا على الدوري مع رأسيته في مباراة الإتحاد .. وبطولتنا قدام الإتفاق .. وأهدافة الخياليه الصعبه المؤثرة ؟!

إتفق جمهور الهلال على ان لايتفق ..

وكنا في السابق نقول : إختلفنا مين يحب الثاني أكثر .. وإتفقنا إنك اكثر وانا اكثر

ونحن أصحاب المقولة ( نختلف جميعاً ونتفق على حب الهلال )

لماذا بكى مالك معاذ .. تأثرنا في بكائه وانا عن نفسي تمنيت لو مااخذها الهلال ياخذها فريق ( مالك )
لكن ماذا عن بكاء ياسر ... ألم نتأثر بانه يواجهة جمهور الخصم ....... والآن أصبح جمهوره من يواجهة وينتقدة ويشتمه حتى ؟؟ يعني على كم جبهة ياسر يبي يحارب !

أتمنى نشوف كلمات وتحفيز لجميع اللاعبين وخصوصاً ياسر القحطاني .. لاتنسون ياسر وماقدم

اخوكم الصغير ابو طلال

وعقبال البطولة الآسيويه واللى قبلها حقت الأبطال

دوم مبسوطه · #2 20/02/2010, 06:16 AM

ابو عزوز مهمــآ شكرناه ماراح نوفي له حقه

<<~ والي بيقول مطبله خليه يقول

يــآسر لاعب كبير ابتعد عن التسجيل لكن نفعك وصنع اهداف

يعطيك العافية

عريب عبدالله · #3 20/02/2010, 06:18 AM

أثنين ما أحب أتفق معهم أنت والمايستروا

بس للأسف أتفق معك في كلامك

للأسف الجمهور ماعنده وعي يا يحب يا يكره

وياسر ما يستاهل هالقسوة منهم

تشكرات أخونا الصغير على النظرة الثاقبة

وعقبال الآسيويه

بالحب والإشراق

قنـاص جـده · #4 20/02/2010, 06:20 AM

ابو عزوز حتى لو عاتبناه واالله لمصلحته وهو يعرف اننا نموت فيه

ونموت بكل لعيبتنا محد يفرق عالثاني

بس كنا نبغى ياسر يرجع لمستواه والحمدلله رجع 15 % من مستوى ياسر وباقي ماشفتوا شي هذا ابو عزوز انشاء الله الحظ يبتسم له ويبقى على لعبه هذا حماسي ويقاتل فالملعب والله يعطيه الف عافيه هو وكل لاعبي الفريق والاداره والجهاز الطبي وكل الجماهير اللي ساندت الفريق بالمباريات كلها السنه هاذي وباقي مباريات حاسمه يجب الحضور فيها وماراح تقصرون واللاعبين وجيريتس يستاهلون هذا واكثر

بالتوفيق للفريق يوم الاربعاء في مواجهة السد ( ديربي اسيا ) وانشاء الله نظفر بالفوز ونتصدر مجموعتنا من اول جوله والله يعطيك الف عافية عالموضوع

ابو طـــــلال · #5 20/02/2010, 06:34 AM

إقتباس

الرسالة الأصلية كتبت بواسطة دوم مبسوطه


	ابو عزوز مهمــآ شكرناه ماراح نوفي له حقه <<~ والي بيقول مطبله خليه يقول يــآسر لاعب كبير ابتعد عن التسجيل لكن نفعك وصنع اهداف يعطيك العافية

هلابك أختي .. والف مبروك الفوز والبطولة

وإنتي ماشاء الله عليك كنتي رادة بالموضوع القديم !

ويستاهل ياسر كل خير .. الف شكر لك ولحضورك يامطبله

القيصـ الهلالي ـــر · #6 20/02/2010, 06:37 AM

الحمد لله على البطولة رقم 50 وياليت ندعم جميع اللاعبين لأن ورانا بطولة اسيوية يازعماء
وبإذن الله البطولة رقم 52 بعد كاس الملك تكون الاسيوية

هلا1111لي · #7 20/02/2010, 06:39 AM

ياسر مجتهد والله يعطيه العافيه على إبداااااااااااااعه البارح وماقصر فعلا ً .

ولكن نتمنى ياجمهور الهلاااااااااااااال أن نرى فريقنا دائما ً في المنصات وهذا هو المطلوب وهذا المأمول من فريقنا

والحمد لله جت على ماتمنى

موفقين ياشباب الزعيم والله يبيض وجيهكم وعلى حضوركم البااااااااااااااااااااااااارح فعلا ً هذا جمهور الزعيم .

*فارس الزعيم* · #8 20/02/2010, 06:41 AM

بالتـــــــــــوفيق لأبــــو عــــــــزوز

حتى ظلالي هلالي · #9 20/02/2010, 06:58 AM

ساخرنا هون

اهلا ابو طلال ..

انا اتفق معكـ ..
وانا من الي كانوا يتكلمون بانخفاض مستوى ياسر ..

لكن مو بهالطريقهـ ..
كنت اقول ياسر منخفض مستواهـ .. لكن لهـ ثقلهـ بالملعب ..
ياسر منخفض مستواهـ وهذا شيء طبيعي .. ووقتهـ بيطلع ياسر ..

بس مو لدرجهـ فاضل وانتهى واحتياط ومدري ايش

أبو سواج · #10 20/02/2010, 07:00 AM

غضب غضب ،، اللي كلامه كله علامه يصيد عدوه صيد الحمامة ..... ياولد
شكراً أبو طلال ، وأرجع للمجلس لايسحبون اللقب

والله لو تتكلم من اليوم لبكره هذا جمهور الهلال مايرضيه إلا المستوى المتصاعد لأي لاعب ، ولو يهبط مستواك بالغلط بس بيشبون فيك

ألف مبروك البطولة الخمسين وعقبال آسيا

ابـوعزوز · #11 20/02/2010, 07:12 AM

بالتـــــــــــوفيق لأبــــو عــــــــزوز

ابو طـــــلال · #12 20/02/2010, 07:35 AM

إقتباس

الرسالة الأصلية كتبت بواسطة رائدة الزعيم


	أثنين ما أحب أتفق معهم أنت والمايستروا بس للأسف أتفق معك في كلامك للأسف الجمهور ماعنده وعي يا يحب يا يكره وياسر ما يستاهل هالقسوة منهم تشكرات أخونا الصغير على النظرة الثاقبة وعقبال الآسيويه بالحب والإشراق

عاد انا ماهمني احد من زمان .. اجل ششلون بعد اللقب .. يكفي محبة جمهوري العاشق لي ولقلمي

( معليش بس مو ذنبي إني جذاب )

شكرا لك رائدة

حب الزعامة · #13 20/02/2010, 07:35 AM

والله طعم الخمسين غير ليش ماادري
وياسر لاعب كبير ولو لاعب ثاني مر باللي مر فيه ياسر كان انتهى وما شفناه هالموسم بس ياسر يذكرني بسامي بكل شيء حتى بتفوقه على نفسه واسكات منتقديه

الزعيم الأليم · #14 20/02/2010, 07:43 AM

ارجوكم لا تحطون حواجز بين الجمهور و ياسر !!

اي لاعب مقصر يجب ان ينتقد و يقوم و اي لاعب مجتهد يجب ان يشكر و يشاد بعمله

يا اخي اقسم بالله اننا نحب ياسر و اي لاعب مثل حبنا للهلال لكن اذا امتدحت ياسر و

هو مستواه سيئ فأنا جنيت عليه و على الهلال !!

الانتقاد على قدر المحبه و المكانه الفنيه الكبيره له ..

يعني لو ينهي الموسم و هو ما سجل 15 هدف و صنع مثلها او اكثر و امدحه احس

انني اقلل من شأنه لأن اللي عنده و يملكه أكبر بكثير .

عموما الحمد لله ان ياسر اللي نبي و نحب رجع و النتيجه بطوله و لله الحمد

أخيرا فيه فرق بين اللي ينتقد و اللي يسئ و أكيد ياسر يميز .

50 ألف مليون مبروك البطوله استاذي ابو طلال

تحياتي

انمر الأزرق · #15 20/02/2010, 07:59 AM

كبير يأبو طلال و ياسر ما علية كلام
كان فية سلبية وحده اعيبها علية و الحمدة بدى يتلافها الي هي الاستعراض على مصلحة الفريق و الحمد لله ياسر من مباراة نجران بدى يتحسن في هالنقطة و اليوم تلافها بشكل كبير جدا حتى صناعتة للاهدف اليوم ما كان استعراض اكثر من ايجاد سبيل لايصال الكورة للاعب اخر ,,,

ياسر الى الامام و اعرف سلبياتك و تلافها