تو اعرف ان وجهي فال خير ع الهلال (قصة وصولي من السفر وزوجتي)
 

بسم الله

اولا الحمد لله ع الفوز المميز

يقولون بيغيرون بداية ارقام الاتصالات من 05 الى 50 عشان يكسبون جماهير الزعيم ويشتركون عندهم (يحلمون)

المهم اليوم كانت رحلتي من البحرين لجده وصولها الساعة 9 م

على طول من هبطت الطيارة شغلت الجوال وكلمت زوجتي اسألها عن المباراة

وهي تعرف اني اعصب واتنرفز وقت اي مباراة للهلال

وهي تقول بكل براءة (ليه هو فيه مباراة الليله)

قلت ايه هين كم النتيجه بلا تصريف اكيد الهلال منهزم

قالت مدري بس سمعت اخوي النصراوي فرحان شكل الاهلي سجل هدف

المهم قفلت الخط وانا زعلان واخذت سيارتي من مواقف المطار وعلى اقرب كوفي (ليمو)

ودخلت وشفت النتيجة على الشاشة وانا برا 1-0 للاهلي

وتو ادخل مع الباب الا والهدف الهلالي الاول

وانواع التشجيع الا والمسكينة تتصل تبي تبشرني وانا ارد وتعرف اني قدام التلفزيون وتقول يا خسارة بغيت ابشرك

المهم الحمد لله بعد كم هجمة وكم صوت وتنرفز شوي جاء الهدف الثاني

وانواع التشجيع وانواع الاتصالات بعدها والرسايل تبارك

جبت لزوجتي كم هدية والله لو انهزم الهلال ما تشوفها

ع العمووووووووم الف مليون مبرووووووووووووك لكل هلالي

اخيرا العدل بين ......... مطلوب اذا الاولى 2-1 لازم الثانية والثالثة والرابعة 2-1 برضه

........ = المباريات

هههههههههههههههههههههه





تحياتي ودمتم بود

مبرووووووووووووووووووووك يالغالي والحمدلله على السلامه

ياحرامك المسيكينه جايب لها هديه وآخرتها ان انهزم الهلال منت معطيها اياها صراحه حرآآآآآآآآآآم عليك

يعني بحد كذا وصل لك جنوووووون التشجيع

على كل حال زوجتك اهم لك من التشجيع راح يقولون لك الكل زوجتك هي اهم من الكل

يعني يمكن تخسر زوجتك بسبب الهلال صعبه وقوووووووووويه

على العموووووووم هذي نصيحه ولازم تتقبلها

ولا تكون زعلان علي من هذا الكلام

هلا فيك اخوي بدر ومشكور على مرورك

مشكور على نصيحتك

الحمد لله ما توصل لهالدرجة اخسر زوجتي عشان كورة

انا اقصد ما راح تشوفها وقت وصولي يعني بعطيها اكيد بس مستحيل اعطيها وطول بوزي شبرييييين

اكيد يبي لي كم يوم اروق وبعدين اشوف مناسبة حلوه واعطيها

لو مو بغاليه كان قطيتها وانا بالطريق من السيارة

هههههههههههههه

تحياتي

سواها الهلال
وكاد العذال

مبروك البطوله الـ50

يحلمون
ويبطون للخمسين يوصلون

الحمدلله
اللهم زد وبارك

الحمد لله على سلامتك
وتستاهل الهديه ودوم هالفرحه وهالمحبه
والله الله بالعشاء بمطعم وإلا على البحر

زووووووووووووووووووووووووجتك اهم وبالتوفيق لكم وللهلال

الحفلة بكرة ان شاء الله

الليلة ما فيه والله جالس ع المباراة الحين

لاني ما شفتها كاملة

الله يعين على دوام بكره تعب سفر وسهر

بس كل شيئ لعيون الهلال يهون

ههههههههههههههه

مشكور اخوي


ولله الحمد والشكر علي هذه البطولة الخمسين

بطولة غالية وتحمل اسم ولي العهد الامين

يعطيك العافيه وبالتوفيق لزعيم

بس عندي سؤال وش الهدية الي جبتها لزوجتك.....؟؟

ههههههههههههههههههههههه

لاتصدق امزح

الهديه بس عشان الهلال فااز هههههههههههههههههههههه

الحمد لله على السلامـــه.....

مبروووووووووووووووووكـ الفوز

الحمد لله ع الفوز والبطوله 50 ,,

بس حبيت اعرف لو مـآفـآز الهـلآل وش بتجيب لزوجتك ؟؟!

بالتوفيق لك

ألف مبروك البطوله 50 وحاول تروق وتوسع الصدر والكوره فوز وخساره والزعل المفروض ينتهي مع صافرة المباراة .:yes: