السلام عليكم ورحمة الله وبركاته ..

شو الاخبار يالاعضاء ..؟؟ ما شاء الله المسابقات المجلساوية تارسة صفحة المجلس ..

الا يقولون اجزتو .. هاه خبروني وين ناوين تطلعون..؟؟

عسى اجازتكم طيبة .. شراتنا .؟؟؟ لكن الحينه احنا هذا أول اسبوع انداوم فيه ..

اف لاااااااعت جبدي .. اتخيلو انتو بس اتخيلو .. اليوم قاعده ارتب فايلاتي .. وباجر الاستاذ بيجيك عليهم ..؟؟>> لااا والمشكلة انهن مب كاملات .. يعني في اوراق ناقصة >> والله على اخر كورس قمنا نتكاسل

الا سمعت انه اجازتكم اسبوع .. يعني وااااااااااااااااااااايد قصيرة .. ما يمديلكم اتسافرون ..
مب شراتنا 3 اسابيع بين الفصلين .. وحق الجامعات شهررررر >> يحليلكم والله .. يالطلبة



ما شاء الله يا كثر السعوديين في الامارات .. منتشرين في كل امارات الدولة ..

في دبي >> عشان مهرجان دبي

وبوظبي >> شاعر المليون

العين >> جوهااا البديع

الشارقة >> العاصمة الثقافية

الفجيرة وراس الخيـــ ......... الخ

الشي الزين فيهم .. انهم ملتزمين بقواعد المرور عندنا .. يوقفون يوم الاشارة حمره ..
وشوي شوي بالهداوة .. مب شرات يوم يكونون عندكم .. واقفلي بنص الشارع يوم الاشارة حمره
كيف جيه ما ادري ..
الله يهديكم ويحفظكم والله >>>>>>>>> ادعيها من الخاطر والله خوفا عليكم

اليوم الصبح انا رايحه الجامعه .. شفت كم سيارة سعودية على قطرية .. ما شاء الله تارسين الشوارع عندنااا ..
بس شو مقومنهم الصبح ما ادري .. ياليت لو يداومون بدالي ..


الا ع طاري دبي ..


سمعتو آخر خبر ...؟؟؟

الشيخ محمد بن راشد أعلن عن اكتشاف حقل نفط جديد في دبي ويهديه حق شعب الامارات
>>>>>>> فديت روووووحه والله

سبحان الله .. قالو عن دبي .. انها
طايحه ومتأزمة .. ومديوونه وووووووووووووو
لكن ربك ما ينسى عباده .. أنا ما اقول انه حكومة دبي كانت محتاجتنه .. لانه بوظبي ( وخاصة الشيخ خليفة ) سددو ديون دبي كلها .. لكن ما اعلنو بشكل رسمي ..

الا ع طاري دبي .. يقول في سعودي عطوه تذاكر سفر مجانية ع دبي .. قال ما باها .. سالوه ليش قال لأنه دبي في أزمة اقتصادية .. انا عن نفسي استغربت من الجواب وبنفس الوقت ضحكت .. ورد عليه سعودي .. شو ياب اللي ياب .. انته شو يخصك في انه دبي طايحه .. قاله الاسعار كلها مرتفعه بتكون ..

وطلع العكس ..

الاسعار في دبي ناااااااااااازلة وايد .. انا اروحي مستغربة .. فنادق .. ومولات .. ومطاعم وووووو ..



::


وبس خلاااااااااص .. حبيت اسولف .. مليت من الدراسة ..
لا بعض الناس كانو قايلين انهم بينزلون موضوع عن الشيخ محمد بن راشد ودبي .. وللحين ما نزلو ..
انا للحين اترياهم ... >> يا حبي للمواضيع الاماراتية .. في دمي تمشي هالمواضيع


يلا تصبحون على خير .. وراية جامعه .. استسلم