09/10/2002, 08:06 AM
|
 | زعيــم فعــال | | تاريخ التسجيل: 10/04/2002 المكان: نادي الهلال
مشاركات: 295
| |
|
قصيده هلالية جميلة.........................
هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الأضداد
وإرجال تصدق فعلهم خابرينه
للكل بان الفرق شاسع او يزداد
بين الهلال وبينهم شايفينه
حقيقة بانت على روس الأشهاد
في ليلةٍ تاريخها حافظينه
كأس آسيا التاسع عشر زاد الأمجاد
باسم الوطن واسم العرب جايبينه
جابيليو اليابان حاول ولا فاد
مافادهم كمبيوتر صانعينه
كأس آسيا جابوه معهم ولا عاد
كأس آسيا غصب لنا إمسلمينه
هم فكروا إن أزرق اللون ينصاد
من شافهم قال إنهم هازمينه
لا شك جاهم موج برقٍ أو رعاد
إعيال نجد الجود متوارثينه
الكل ما قصر بلا ذكر وأعداد
بندر أمير الجود تسلم يمينه
لو ضاعت آمال الجماهير تنعاد
إمهوقين الضد وإمقدمينه
نمر آسيا لعبهم كيف ماراد
والذيب سامي هدته عارفينه
الذيب سامي هجمته صعب تنعاد
من فعلها كأس آسيا حاملينه
نواف والجمعان للباب جلاد
له شوتة حراسها خايفينه
وخلفه وقف سبعين ألف بالاستاد
واضعافهم في كل بر أو مدينه
مواقفه أخجل بها كل نقاد
ومن قال غير الصدق به مسكتينه
زعيم هيمن والبطولات له ساد
عشرين وعشرة جملته حاسبينه
تم الكلام اللي له القاف ينقاد
وكبت المشاعر صعب يالايمينه
هذا المثل معروف من عصر الأجداد
لعب الكعابه غلبة فيه شينه
للشاعر / محمد بن فهد عقيل الطويان |
الوضع العادي
