بدخل بالموضوع على طول

قبل شوي اخوي جاي ويقول انه شايف سياره متقلبه على طريق العماريه
المهم يقول اني نزلت اطلع الموجودين في السياره
لأنو الاسعاف مابعد جت والسياره شبه معدومه المهم ان السياره كان فيها حرمه ورجّال وطفل عمره 5 سنوات تقريبا ..
الرجّال توفى على طول الله يرحمه والحرمه فيها عرق ينبض اما الطفل سليم ..
المهم انو جاء مسعف توه طالع من عرس اخته بكشخته هالمسكين جاء يمسك اخوي وهو يقول
(( الحين لو شلت هالحرمه وماتت على يديني سجنوني 3 سنين ودفعت ديه وفصلوني من شغلي !! ))
حسبي الله و نعم الوكيل وش هالقوانين ياعالم والله حراام ..
اذا صارت هالقوانين كذا والله الناس ماراح تشيل ولاراح تساعد
المفروض يخففون من هالأنظمه والله من جد شي يقهرر ..
و بعد ساعتين جت الأسعاف أخذوا الطفل وهو يشوف امه تحتضر وابوه مغطى ويبكي المسكين من هول الموقف
المشكلة الأكبر اللي هم بني البشر اللي يسرقون من السياره و اللي يسرقون من الميت نفسه ياناس وش بعد الموت كفى بالموت واعظاً
غير اللي يجون يتفرجون على المنظر والا اللي يركب السياره ويوقف ويقول ميتيييين!! بعدين يدعس !!
يعني مافكروا يصير لهم مثل مايصير لهذولي!! وا أسفااااه اذا صارت هذي أخلاق أغلب الناس..
هذا واحد من معارفنا صاير عليه حادث يقول اني أشوفهم قدام عيني يسرقون حتى جزمتي الله يكرمكم ماخلوها بحالها !!