:: رب صدفه خير من الف ميعااد .. لقاء بعد فراق سنوووات :: - نادي الهلال السعودي - شبكة الزعيم

بريماكس · #1 08/03/2010, 02:35 AM

بسم الرحمن الرحيم
السلام عليكم

قبل صلاة العشاء كنت عندي اخي الأكبر وهو معزوم عند صديق له على مأدبة عشاء
قالي تخاويني ؟
بالبدايه قلت معاليش .. اخوي مجاملني والطلعه اكيد خاصه لا اصحابه

طلع وراح الا قلت ليش ما اروح بس

فاضي وطفش

بس كيف اروح وانا ماعرف احد ؟ كلهم كبارين من اسولف معه

-> بيصغر روحه غصب

قلت ياولد ماعندي شئ خل اروح

رحتله وهو بالسياره قلت الطلعه خاصه ولا عادي اي شخص يجي

؟
( فهم وزين انه يفهم التلميح

) قال عادي ماهي خاصه ولا عامه

قلت يعني عادي اروح

قال اي حياك

قلت خلاص ابروح للبيت واباخذ دش وابغير ملابسي قال اوك امرك ابروح ابغير واجيك قلت خير ان شاء الله
رحت للبيت بسرعه عاليه و اخذت شاور ومن العجله شعري ماغسلته والله قلت لو ابغسله بيجلس ساعه مانشف

ومانب فاضي استخدم حق البنات ومدري ايش اللي ينشف الشعر

تلبست وبسرعه طلعت ويذن العشاء ولد الجيران واروح اصلي واطلع من الصلاة وطويل العمر ماجاء

والله قلت شكله نساني

شوي الا يدق جوالي وعلى طول ماكمل الرنه الاولى الا رديت قال عند الباب

طلعت وركبنا
الشخص اللي عازمه اعرفه وقد قابلته اكثر من مره
رحنا للاستراحه ويوم وصلنا توجهنا للبوابه الا وش اشوف !!!
شخص استقبلنا

اطالع فيه قلت انت ثامررررر ؟
قال اي نعم هلا بك

عرفني من اول نظره لبا قلبه

تعانقنا مع بعض وجلسنا نسولف مع بعض واستعدنا شريط الذكريات

تدرون مين طلع
زميلي بالدراسه اللي مر على فراقنا خمس سنوات

طلع ولد صديق اخوي ( على فكره ترى اخوي صغير وسنه ماهو مقارب لابو ثامر بس جمعهم عمل بينهم )

المهم اني انبسطت يوم شفتهم هو واخوه اللي اكبر منه لان لي علاقه مع اخوه بالدراسه ايضاً

يوم خرجنا كان معي وطلب رقمي واعطيته الرقم
حسيت اني مشهور يوم قالي ممكن الرقم

عاد وانا جالس عالجهاز اذا بجهازي يعطي تنبيه ( رساله )
فتحته وقرأتها واذاهي كالتالي :
بصراحه كانت اسعد لحظه لي عندما رأيتك اليوم وجلست في مكاننا
لأنك انسان عزيز وغالي واللي مثلك القلب ماينساهم .. لك تحياتي

رديت عليه :
يابعد راسي ياثامر لي شرف الحضور وكما انا سعيد باللقاء الاخوي
انت اخو ياثامر ومعزتك بالقلب . الله يجزاكم خير وماقصرتوا بالضيافه
اسال الله ان يزيدكم من فضله . محبتي لك . ( افرحتني بالرساله ياوافي)

الصراحه ما قصروا اكرمونا بطيب ترحابهم وسعة صدروهم الله يجزاهم كل خير

هل حصل لك موقف مشابه لموقفي مع صديقي ثامر

؟