السلام عليكم ورحمة الله وبركاتة
كيف حال الزعماء مبروك الفوز وعقبال الكاس
بدخل في التفاصيل بدون مقدمات
اليوم نيفز فعل كل شي صنع وحاول وسجل
هكذا هم النجوم المؤثرين تجدهم عندما تحتاجهم لايجعلك تتسائل اين هم
مع احترامي لمهارات ابونادين ولا يختلف عليه اثنين في هذا الشي ولكن ليس لاعب صاحب الحلول
اليوم شفنا الحلول عند نيفز صنع كم كورة وصوب من خارج المنطقة والعارضة فزعت للنصر مرتين
هذا اللاعب الا نبية لا يقف مكتوف اليدين امام الفرق المدافعة
لابد من حلول لفك هذا التكتل (10 دفاع) ويقولون بنفوز !!
..........
البعض يقول نبي مهاجم اجنبي
لو نناظر المباراة اليوم نجوم الهلال هم اجانب الهلال خصوصا نيفز ورادوي
يعني يروح نيفز عشان مهاجم ولا يروح رادوي ولا ويلي !!!
رادوي اليوم تقول مولود في الهلال ماشال الوسط الا رادوي وعزيز
وما فك هالتكتل الا نيفز وولي
اقول ياللي تطالبون بمهاجم ترى عندكم اكثر من مهاجم وقولوا الحمدلله على هالاجانب
طبعاً بيقول لي واحد نبي مهاجم شف ياسر ضيع اكثر من فرصة
اقول ياسر شف المباراة ثانية وتعرف انه ماكان سلبي في المباراة
لاكن التهديف توفيق من الله
وعندنا المحياني لاعب لو كان في غير الهلال لوجدته اساسي
لاكن اللي يبي يلعب في الفرق الكبيرة لازم يعرف ان الاحتياط مثل الاساسي
وما اقول الا الله يخلي لنا هالاجانب وما نبي غيرهم
ياشبية الريح ما قصرت على هالمحترفين ورايتك بيضا
.......
نقاط هلالية
* نيفز يالبى قلبك هذا اللي اقدر اقوله .
* ويلي اليوم مستواك متذبذب ولكن سويت الاهم وهو الحسم (thank you ويلي)
* رادوي ياليت لاعبين الهلال ياخذون منك هالحماس اللي يغلي خصوصاً الزوري ولا انسى عزيز فهو احد نجوم اللقاء .
* المرشدي اليوم نجم وليس انتقاصاً لهوساوي ولكن من احسن نقول له احسنت .
* سالفت الدعيع اليوم قفلها ابوعبدالعزيز ولا احد يتكلم فيها خلاااص .
* ياسر انت اليوم قدمت مستوى جيد وصنعت ولكن لم تسجل السهلة فهذا قدرك فعليك تحمل الانتقادات .
* على طاري ياسر هل النصراويين بينتقدون السهلاوي اللي جلى كورة قدام الباب !!!
* محمد فودة بعد المداخلة المشهورة من ابوعلك وهو يحابي عيني عينك ويقول هذي كل الحالات ماتخاف الله وين كورة المحياني مع الدوخي ضربت جزاء واضحة !!! وكورة هوساوي بلنتي قوووووية !!
* لازلت اقول ان جريتس يلعب بلاي ستيشن عشان كذا نقول هالسنة سنة هلال جريتس الهجومي .
* ابوعلك يقول الحكام رومانيين ويسولفون مع رادوي ياشيخ بعض الناس ودك انه يسكت احسن له ، لو فيه غير هالروماني كان طردوا لاعبينك وضربتين جزاء واضحة راحت على الهلال .
* رجاء خاص لجمهور الهلال الزعماء اتركوا النقد اللاذع للاعبين .
.....................
كتبة
ابوعبدالله
الوضع العادي
