قوانين زفت .. ناس ماترحم .. الى متى ياعالم؟؟ - نادي الهلال السعودي - شبكة الزعيم

بنت عبد الله & · #1 13/02/2010, 03:16 AM

السلام عليكم ورحمة الله وبركاته

بدخل بالموضوع على طول

قبل شوي اخوي جاي ويقول انه شايف سياره متقلبه على طريق العماريه
المهم يقول اني نزلت اطلع الموجودين في السياره
لأنو الاسعاف مابعد جت والسياره شبه معدومه المهم ان السياره كان فيها حرمه ورجّال وطفل عمره 5 سنوات تقريبا ..
الرجّال توفى على طول الله يرحمه والحرمه فيها عرق ينبض اما الطفل سليم ..
المهم انو جاء مسعف توه طالع من عرس اخته بكشخته هالمسكين جاء يمسك اخوي وهو يقول
(( الحين لو شلت هالحرمه وماتت على يديني سجنوني 3 سنين ودفعت ديه وفصلوني من شغلي !! ))
حسبي الله و نعم الوكيل وش هالقوانين ياعالم والله حراام ..
اذا صارت هالقوانين كذا والله الناس ماراح تشيل ولاراح تساعد
المفروض يخففون من هالأنظمه والله من جد شي يقهرر ..
و بعد ساعتين جت الأسعاف أخذوا الطفل وهو يشوف امه تحتضر وابوه مغطى ويبكي المسكين من هول الموقف
المشكلة الأكبر اللي هم بني البشر اللي يسرقون من السياره و اللي يسرقون من الميت نفسه ياناس وش بعد الموت كفى بالموت واعظاً
غير اللي يجون يتفرجون على المنظر والا اللي يركب السياره ويوقف ويقول ميتيييين!! بعدين يدعس !!
يعني مافكروا يصير لهم مثل مايصير لهذولي!! وا أسفااااه اذا صارت هذي أخلاق أغلب الناس..
هذا واحد من معارفنا صاير عليه حادث يقول اني أشوفهم قدام عيني يسرقون حتى جزمتي الله يكرمكم ماخلوها بحالها !!

الى متى والله العظيم؟؟ لاقوانين زينه ولاناس ترحم!!

أترك التعليق لكم لأني بصراحه لوبتكلم أكثر بيصير لي شي

بنت عبد الله &

$عزوز الهلالي$ · #2 13/02/2010, 03:26 AM

الله يعين بس ََ!!!!

وش بيدنا نسوي

حزين 9 · #3 13/02/2010, 03:37 AM

لاحول ولاقوة الا بالله
الله يرحمهم

لاتعليق بشأن الانظمة

سواليف ليل · #4 13/02/2010, 04:12 AM

الله يرحمه يارب ويسكنه فسيح جناته

وش ذا النظام طيب يتركها كذا

والله لو اقدر لانقذها

يمكن يكتب لها عمر من جديد على يده

والي يسرقون والله حرام عليهم الرجال ميت وتسرق ماعندهم احساس بالحياه بالمره

يعطيك الف عااافيه اختي

انا..! · #5 13/02/2010, 09:57 AM

قلوووب ميته

.........................

TEVA 4 HILAL · #6 13/02/2010, 09:58 AM

الله المستعـآآن

=(

الله يغفر له و يرحمـه
شي محــزن اذا القـآنون كـذآ .. !!

باسكن روبنز · #7 13/02/2010, 10:08 AM

الواحد يعمل بأصله وتربيته وبـ نيته

انا شفت واحد محتاج مساعده بهب لمساعدته من دون ما افكر بالعواقب بعدين ..

اما الي يسرقون الموتى فقلوبهم وضمائرهم ماتت

الله يرحمنا برحمته

بنت عبد الله

Меси · #8 13/02/2010, 10:24 AM

اول شيء الله يرحمهم ان شاء الله
:::::::::::::::::::::::::::::::::::::::
ثاني شيء احنا مالنا الا المنتديات هي الي عطتنا الحرية اننا نتكلم
ونتناقش لاننا في بلد يعمل ولا يسمع للمواطن
ومالنا الا نقول : العين بصيرة واليد قصيرة
مافي يدينا شيء
:::::::::::::::::::::::::::::::::::::
شكرا لكاتب الموضوع

the king yasser · #9 13/02/2010, 10:25 AM

ولكم باك بعد غيبه طويله

انا صراحه مادري وش اعلق عليه على هالنظام الي يجبر المسعف انه ما يسوي شي

ولا من هالحنس الي مالين الارض ولا يخافون من الله

على العموم لي رجعه من بعد اذنك

عاشق الهلال 79 · #10 13/02/2010, 11:34 AM

هههههههههه

انا لما أعجز عن التعبير ... أضحك !
تتكلمين عن قوانين ؟؟!
إنتي عارفه أنتي وين ؟؟

شوفي هم معهم حق في منع المساعدة والسبب واضح
الكثير ما يعرف كيف يساعد أو يسعف ..!
لكن هل نتوقف خلاص ما نساعد ؟؟!

انا اعتقد لو كان هناك حل بديل فمثلا على سبيل المثال
نشر ثقافة كيفية مساعدة و إسعاف شخص مصاب ...

يعني مثلا ما تطلع بطاقة احوال حتى تأخذ دورة إسعافات أولية ..
أو ما تخلص معاملة إلين تأخذ هالدورة ..
وبكذا يصير الشعب بعرف كيف يساعد و يسعف ويسمحون له
بالتدخل في مثل هالحالات ..

اما من الناحية النقطة الثانية وهي الشعب ..
فقد أسمعت لو ناديت حيا ... ولكن لا حياة لمن تنادي

الشعب والثقافة المنحطة .. مشكلة نعاني منها ..
والسبب راجع للتعليم والبيئة وأشياء كثير كثير جدا

كانت عامل كبير لانحطاط ثقافة الشعب ..

تقبلي مروري

عاشق الهلال 79

Sami Cena · #11 13/02/2010, 11:38 AM

وش عندهم الاقوياء الي بينقذونها !!

قبل ماتتكلمو عن النظام " الي اصلا ماعمركم سويتوه "

فكرو بالعواقب !!

يمكن يكون فيه روح وانت يوم تشيله او تحركه تسبب له شلل ولا عمى ولا يمكن موت

انت مسعف ؟ لا وحادث زي كذا الي بتسويه انت " قتل المصاب " بدافع الانقاذ !!

يعني باختصار بيكون قتل غير متعمد !!

افهموووووووووووووووووو القوانين قبل الانتقاد يابشر

الدنيا بلوووو · #12 13/02/2010, 11:45 AM

إقتباس

الرسالة الأصلية كتبت بواسطة بنت عبد الله &


	المهم انو جاء مسعف توه طالع من عرس اخته بكشخته هالمسكين جاء يمسك اخوي وهو يقول (( الحين لو شلت هالحرمه وماتت على يديني سجنوني 3 سنين ودفعت ديه وفصلوني من شغلي !! )) حسبي الله و نعم الوكيل وش هالقوانين ياعالم والله حراام .. اذا صارت هالقوانين كذا والله الناس ماراح تشيل ولاراح تساعد المفروض يخففون من هالأنظمه والله من جد شي يقهرر .. و بعد ساعتين جت الأسعاف أخذوا الطفل وهو يشوف امه تحتضر وابوه مغطى ويبكي المسكين من هول الموقف

اختي بنت عبدالله في البداية ليش التسرع في اصدار الاحكام والتحسب عليهم

اول هل صحيح انه في قرار انه ما يسعف مصاب الحوادث ؟؟

هل بحثتي قبل ما تصدري مثل هذا الكلام؟؟ وهل كل من القرار ينطبق على
الدكتور و مسعف الكوارث والطواري خارج اوقات العمل ؟؟

واذا كان في مثل هذا القرار انه معه بقوة لانه ما اعتقد تشرفتي في يوم
من الايام في مشاهدة على الطبيعة طريقه اخلاء مصابين من حوادث السيارات
لانه في نسبة كبيرة من وفيات الحوادث سببها بعد قدرة الله طريقه الاخلاء الخاطئة

لاني لو لا قدر الله علي حادث اموت في مكاني
ولا احد منهم يحركني شعرة وحدة
لانه يا الله اتحمل اجلاء رجال الهلال الاحمر فما بالك واحد
متحمس مو مصدق عمره شاف حادث

وفي الاخير انا عندي تحفظ على وقت وصول سيارة الاسعاف الى موقع الحادث
مو تكذيب للي حدث بس الانتظار في الحادث دايما يعطي انه وقت طويل جدا الانتظار وخاصة في طريق مثل الطريق الذي وقع في الحادث

بنت عبد الله & · #13 13/02/2010, 02:56 PM

إقتباس

الرسالة الأصلية كتبت بواسطة سواليف ليل


	الله يرحمه يارب ويسكنه فسيح جناته وش ذا النظام طيب يتركها كذا والله لو اقدر لانقذها يمكن يكتب لها عمر من جديد على يده والي يسرقون والله حرام عليهم الرجال ميت وتسرق ماعندهم احساس بالحياه بالمره يعطيك الف عااافيه اختي

صحيح كلامك بس هو ماتركها شالها وأعطاها نفس بس قدّ ر الله وماشاء فعل

شاكره لك مرورك

إقتباس

الرسالة الأصلية كتبت بواسطة TEVA 4 HILAL


	الله المستعـآآن =( الله يغفر له و يرحمـه شي محــزن اذا القـآنون كـذآ .. !!

آمين الله يرحمهم

شاكره لك مرورك

إقتباس

الرسالة الأصلية كتبت بواسطة باسكن روبنز


	الواحد يعمل بأصله وتربيته وبـ نيته انا شفت واحد محتاج مساعده بهب لمساعدته من دون ما افكر بالعواقب بعدين .. اما الي يسرقون الموتى فقلوبهم وضمائرهم ماتت الله يرحمنا برحمته بنت عبد الله

أكيد ماراح أتركها بس انا اللي ابي أوصله انو القوانين قاسيه على المسعف نفسه

مشكوره باسكن على مرورك

إقتباس

الرسالة الأصلية كتبت بواسطة هاري بوتر1


	اول شيء الله يرحمهم ان شاء الله ::::::::::::::::::::::::::::::::::::::: ثاني شيء احنا مالنا الا المنتديات هي الي عطتنا الحرية اننا نتكلم ونتناقش لاننا في بلد يعمل ولا يسمع للمواطن ومالنا الا نقول : العين بصيرة واليد قصيرة مافي يدينا شيء ::::::::::::::::::::::::::::::::::::: شكرا لكاتب الموضوع

العفو ياخوي وعلى قولتك العين بصيره واليد قصيره

مشكور على مرورك

إقتباس

الرسالة الأصلية كتبت بواسطة the king yasser


	ولكم باك بعد غيبه طويله انا صراحه مادري وش اعلق عليه على هالنظام الي يجبر المسعف انه ما يسوي شي ولا من هالحنس الي مالين الارض ولا يخافون من الله على العموم لي رجعه من بعد اذنك

أهليــن

اي والله شي يضيق الصدر

مشكوور على مرورك وبانتظارك

إقتباس

الرسالة الأصلية كتبت بواسطة عاشق الهلال 79


	هههههههههه انا لما أعجز عن التعبير ... أضحك ! تتكلمين عن قوانين ؟؟! إنتي عارفه أنتي وين ؟؟ شوفي هم معهم حق في منع المساعدة والسبب واضح الكثير ما يعرف كيف يساعد أو يسعف ..! لكن هل نتوقف خلاص ما نساعد ؟؟! انا اعتقد لو كان هناك حل بديل فمثلا على سبيل المثال نشر ثقافة كيفية مساعدة و إسعاف شخص مصاب ... يعني مثلا ما تطلع بطاقة احوال حتى تأخذ دورة إسعافات أولية .. أو ما تخلص معاملة إلين تأخذ هالدورة .. وبكذا يصير الشعب بعرف كيف يساعد و يسعف ويسمحون له بالتدخل في مثل هالحالات .. اما من الناحية النقطة الثانية وهي الشعب .. فقد أسمعت لو ناديت حيا ... ولكن لا حياة لمن تنادي الشعب والثقافة المنحطة .. مشكلة نعاني منها .. والسبب راجع للتعليم والبيئة وأشياء كثير كثير جدا كانت عامل كبير لانحطاط ثقافة الشعب .. تقبلي مروري عاشق الهلال 79

كلامك صحيح بس الله المستعان شنسوي بعد

شاكره لك مرورك

إقتباس

الرسالة الأصلية كتبت بواسطة Sami Cena


	وش عندهم الاقوياء الي بينقذونها !!

إقتباس

الرسالة الأصلية كتبت بواسطة Sami Cena


	قبل ماتتكلمو عن النظام " الي اصلا ماعمركم سويتوه " فكرو بالعواقب !! يمكن يكون فيه روح وانت يوم تشيله او تحركه تسبب له شلل ولا عمى ولا يمكن موت انت مسعف ؟ لا وحادث زي كذا الي بتسويه انت " قتل المصاب " بدافع الانقاذ !! يعني باختصار بيكون قتل غير متعمد !! افهموووووووووووووووووو القوانين قبل الانتقاد يابشر

صحيح كلامك بس ياخوي على الأقل يخففون من هالأنظمه القاسيه شوي لأنهم
يجبرون الواحد مايسوي شي طيب يمكن اذا خففوا وراعوا المسعف في هالأمور راح
تصلح حاجات كثيره وانا موافقتك على انو المسعفين في بعض الأحيان يمكن يشيل او
يسوي شي يأدي بحياته مثل شلل أو غيره بس في المقابل أكيد راح يصلح أشياء
كثيره

شاكره لك مرورك

إقتباس

الرسالة الأصلية كتبت بواسطة الدنيا بلوووو


	وفي الاخير انا عندي تحفظ على وقت وصول سيارة الاسعاف الى موقع الحادث مو تكذيب للي حدث بس الانتظار في الحادث دايما يعطي انه وقت طويل جدا الانتظار وخاصة في طريق مثل الطريق الذي وقع في الحادث [/COLOR]

إقتباس

الرسالة الأصلية كتبت بواسطة الدنيا بلوووو

صحيح كلامك انا مافكرت من هالناحيه

شاكره لك مرورك

sugarfall · #14 13/02/2010, 02:52 PM

)
لاااااااااااااااااااااااااااااااااااا
هذا الكلام غير صحيح معقولة في قلب في الكرة الأرضية يسرق شخص بيودع الدنيا لاااااااااااااا )
بالنسبة للقوانين اممممممم لاتعليق المسؤولين يعرفوا القوانيين انها خطأ بعد 50 سنة التطور هنا بطيء بطيء سلحفاة أن لم تكن السلحفاة أسرع (
أتمنى لك التوفيق
تحيتي قبل مودتي

بنت عبد الله & · #15 13/02/2010, 03:00 PM

إقتباس

الرسالة الأصلية كتبت بواسطة 匚尺Д乙丫日〇丫


	) لاااااااااااااااااااااااااااااااااااا هذا الكلام غير صحيح معقولة في قلب في الكرة الأرضية يسرق شخص بيودع الدنيا لاااااااااااااا ) بالنسبة للقوانين اممممممم لاتعليق المسؤولين يعرفوا القوانيين انها خطأ بعد 50 سنة التطور هنا بطيء بطيء سلحفاة أن لم تكن السلحفاة أسرع ( أتمنى لك التوفيق تحيتي قبل مودتي

تتوقع الناس كلهم عندهم رحمه والله شي يضيّق الصدر

مشكور ع المرور