حي الفيصليه اللي نتكلم عنه ماله دخل بالفيصليه اللي بطريق الملك فهد

هذا حي قديم جنوب الرياض.. كان اسمه ( الغالّه )

حي الفيصليه ( الغالّه )

كل سكانه تقريباً من الأفارقه ومامعهم اوراق ثبوتيه ولا اثبات هويّه

تدخل الحي وتنسى انك في السعودية.. كأنّك في نيجيريا او تنزانيا

إضافة الى ان اهل الحي مايرحبون بالغريب

يعني اذا اخذت لفّه بالسيارة لا ترجع مره ثانيه لأنهم راح يرجمونك بالحصى

ومظهر الحي من داخل كله عشش وصنادق ومناقع مجاري ( وانتم بكرامه )

والحي للاسف مليان بلاوي الى ابعد درجة

مصانع عرق ومهربين مخدرات ومشعوذين وسِحر وتزوير وكل مايخطر على البال

واللي ساعد على انتشار مصانع العرق هو كثرة المستودعات في الحي

ومستحيل يمر شهر كامل مانسمع فيه عن مداهمة لرجال الشرطة والهيئة للحي

وهذا شي طبيعي في ظل عجز الحكومة على تحسين وضع هالحي

وترجع نشأة هالحي الى ايام الملك فيصل الله يرحمه وجميع موتى المسلمين

والسبب معروف ومافيه داعي اني اتشعّب بالحديث عنه

والحي فيه جميع الخدمات ( ماء – كهرباء – هاتف )

وفيه مدرستين او ثلاث تقريباً للاولاد والبنات

ومركز صحي وكم بقالة على كم دكّان ..

واكثر من 12 ألف نسمة يسكنون هالحي الكادح.. عدد مو بسيط ابداً

وكان فيه بعض المحاولات الجادّة من بعض الجهات الخيرية للنهوض بمستوى هالحي

مثل جمعية النهضة النسائية.. وجمعية البر الخيرية

لكن مافيه نتيجة تذكر.. لأن اهل الحي مالهم رغبة في التطور ولا الاندماج مع المجتمع

حتى ماهم راضين يتقبلون النصح الديني ولا الوعظ والارشاد

وحدثت صدامات كثيرة بينهم وبين المحتسبين في المؤسسات الدينية

لكن التساؤلات اللي مالقيت لها أي جواب :

ليش الدولة تحمّل نفسها هم تأهيل مجموعة من المرتزقة الوافدين اللي دمروا البلد ؟؟

وليش مايتم ترحيل كل هالشرذمة اللي ساكنين في وسط الرياض بلا هويه ولا انتماء ؟؟

اكثر من عشرة الاف شخص افريقي مايتكلمون عربي.. وذبحونا بالمخدرات والمسكرات

وش مصلحتنا في بقائهم بيننا ؟؟

وش اللي حادّنا نحاول تعليمهم واصلاحهم وتنظيفهم ؟؟

يكفينا بقايا الحجاج اللي متسدحين حول الحرم وحي الكرنتينا بجدة

الفقراء والمساكين من ابناء البلد أولى وأحق بهالمجهودات والمصاريف

دار حديث قبل فترة بيني وبين واحد من الجماعة ضابط.. وسألته كل هالاسئلة

وكان جوابه :

معاك حق... لكن وين نرحّلهم وهم مامعهم أي اوراق ثبوتية ولا جوازات تدل على جنسياتهم ؟؟

وبصراحة الاجابة محبطة فعلاً

يعني بالعربي حنا كـ( بلد ) توهقنا بهم وما عاد يمدينا نسوّي أي شيء غير اننا نستحملهم

المشكلة انهم قبل كم سنة كانوا قلّة ومايتعدون الثلاثة الاف شخص

لكن الحين كل مالهم ويتزايدون.. والمشكلة راح تتفاقم اكثر في السنوات القادمة

واللي يبي يعرف اكثر عن مشاكل هالحي.. يروح لقسم شرطة العزيزية او هيئة الفاروق

وصدقوني راح تشيب رؤوسكم من اللي بتشوفونه وتسمعونه

.

.

بعد ما حوّمت كبودكم بهالصوره اللي فوق

شوفوا معي هالصور اللي ترد الروح

الجاتوه او الكيك

شيء لذيذ جداً وكويس جداً ومحترم جداً

عندما تذهب الى محل الحلويات

وتختار قطعة فاخرة من الجاتوه المجنون

تأكّد حتماً ان حلماً جميلاً في حياتك قد تحقق.. بصرف النظر عن التوابع

الجاتوه باعث رئيسي للبهجة والمرح

تتسع العين جاحظة امام قالب الجاتوه فيتراقص الفؤاد طرباً بانتظار الافتراس

وبعد الانتهاء من اقتلاع تلك القطعة عن بكرة أبيها

أغمض عينيك.. واستشعر فخامة الموقف

ألم أقل لكم ان حلماً جميلاً قد تحقق ؟؟

لكن مالت علينا جميعاً واحد واحد.. نفر نفر... قايز وقايزات

حنا يالسعوديين عندما أزمة ثقة في علاقتنا مع الجاتوه

مانشتريه ولا ناكله الا كل ست شهور.. او بالمناسبات

وحاطين حيلنا بالشوكولاته وخرابيط البقالة

واذا تطورنا شوي اخذنا ( دونات ) مع الفوارق الاجتماعية :

الشباب / اللي مسوّي فيها ( امريكي ) يواعد الشباب الصبح في ( دانكن )

ويفطر حبة دونات مع قهوة.. وعدد غير محدود من السجائر ( التتن )

واذا طلع وافترقوا اخوياه صفط عند اول بوفيه وضرب له صحن شكشوكة

والبنات / اذا راحن للسوق ينشبون عند محلات كريسبي كريم تقل ماقد شافن خير

أو ايام الاختبارات تنشب لأبوها يجيب لها حبة دونات مع كوب كابوتشينو

علشان تصورها بالجوال جنب الكتاب وتنزلها بالمنتدى وتقول ( قاعدة اذاكر )

ههههههههههههههههههههههههه

تلعبون علينا... الله يخلي كاس الشاهي وسندويشة جبن كرفت

.

.

رومانسيات صخراويات

اجمل انشودة للاطفال على مر التاريخ.. من اليمن السعيد

يابقرة صبـي لبـن .. صبـي لبـن

عبدالله سافر عدن .. سافر عدن

بنت اخته جابت ولد .. سميته عبدالصمد

عبدالصمد يشتهي حليب .. والحليب من البقر

اقول

اسمعوها احسن.. تعبت وانا اطق حنك

للتحميل بصيغة mp3 للجوال

http://www.yemen-sound.com/ysuploade...w.4zmn.com.mp3