[ قصتي مع مستشفى عرقه المهجور مع الصور‎ .. رعب × رعب ]
 

السلام عليكم و رحمة الله و بركآته ..

أول شيء هذي القصه مو انا كآتبها ولا صورتهآ ولا شيء بس قريتها و أعجبتني شويآت << بس ما خفت هع !

المهم هذولاا نآس رآيحين لمستشفى في عرقه طبعاً عرقه معروف أنها قريه أو وآدي خآرج الريآض .. :) المهم انه كآن فيها مستشفى مهجور من 30 سنه تقريباً يعني من أيآم حرب الخليج ! عآم 1400 هـجري ! سكنو فيه أخوننا الكويتيين و من بعدها تركوه الى يوم كذا ما أستخدمو منه شي مررره :s5s:

المهم ما ودي أحرق عليكم شي و أقرو قصتهم طبعاً القصه مدعمه بالصور
طبعا هذي مو قصتي هذي قصة واحد دخل مستشفى مهجور :naughty:
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها :d
طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه
عاد تعرفون مافي احد منا مايحب الجن ومايخاف منهم <<< كيف تجي ذي :d
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم :naughty:
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم :to:
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب :s5s:
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟ s121s
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟ :s5s:
قلنا السيكورتي الي هنا
قال والله مافيه سيكورتي هنا من 9 سنين :cry:
احنا وجيهنا صارت كذا :s5s:
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها :d
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي < هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى :cry:
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه :razz:
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتوا
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم<<< يقالك معصب <<< يا حبني لي اذا عصبت :ranting:
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح
المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين :s5s:
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم :ap:
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها :s3s:
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها :cry: :to:
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها :laugh:
واشياء من جد سابقه عصرها
وان شاء الله الصور تثبت كلامي
ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد
والي مو مصدق يروح يدخله ويشوف
الصور


7


7
هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه
http://www.m5zn.com/uploads/2010/2/5...p5v9am8h4q.jpg

شوفوا ضخامه الأجهزة , تحسونها شئ قوي , وتذكروا انها من عام 1400يعني صدق شئ يذهل :yes:

http://www.m5zn.com/uploads/2010/2/5/photo/6xm66efu.jpg

مدري وشو ..!!


http://www.m5zn.com/uploads/2010/2/5...ibjwygsl46.jpg

هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات

لكن طبعا مع عوامل التكيف والتعريه تحولت من كنار لكبار .. :d


http://www.m5zn.com/uploads/2010/2/5/photo/5s7k411d.jpg

أحد الأسياب


http://www.m5zn.com/uploads/2010/2/5...we6r3bbp1u.jpg


عشان تصدقونـي بس ان بعض الاجزاء منوره بس .. :s5s:


http://www.m5zn.com/uploads/2010/2/5...gyhl57utsk.jpg


احد غرف العمليات , باللهي ماتشبه غرف مستشفيات الأذرس

قايلكم لووست لوووست :d

http://www.m5zn.com/uploads/2010/2/5...611wu8n8oa.jpg

http://www.m5zn.com/uploads/2010/2/5...qexdnf8ni6.jpg
بسم الله علينا الرحمن الرحيم

نصابين رحنا لمكانهم ولا لقينا شئ


http://www.m5zn.com/uploads/2010/2/5...xrira71ubt.jpg

مخطط الدور الأرضي للمستشفى , الغريب اننا مالقينا الا دورين , ويوم قوقلت عنه


مكتوب انه 8 ادوار , يبيلنا روحه ثانية نشوف الأدوار الباقيه وين راحت :to:




http://www.m5zn.com/uploads/2010/2/5...bohty9kg8h.jpg

يوم شفت هالكيبورد تذكرت دقة كمبيوتر صخر , - تنننا تتننننااا تنننااااا :s2:


http://www.m5zn.com/uploads/2010/2/5...m8jfzhh0d0.jpg

الرسبشن حقهم


http://www.m5zn.com/uploads/2010/2/5...1f54owrx8p.jpg

قسم العناية المركزه :cry:


http://www.m5zn.com/uploads/2010/2/5...ql5g9qp5x1.jpg


شكلنا ضايقناهم بهاللمبات , ويقولنا طفوهن لاخلصتوا :d
تف تف برى وبعيييد
طيب اسفين طال عمرك :s5s:


http://www.m5zn.com/uploads/2010/2/5...s8wtr3dw25.jpg


في النهاية ما ادري وش ذا القلب اللي معهم واللي يخليهم يدخلون مكان مهجور من 30 سنة .. :s5s:

مشكور خيو عالنقل


بس هالمستشفى اثير موضوعه هنا مرتين واحد منهم برمضان والثاني عقبها بقليل

بس شكلهم بيعودون يفتحون المستشفى بسبب الكلام اللي اثير حوله وسالفة الجن ناس تقول اشاعات وناس تقول حقيقة

وحنا مالنا الا نومن بحقيقة وجود الجن

انا دخلتهـ وكان فيه ادوار كثيرهـ مو بس دورين

واصلن صاير حق تسليه ودوران

هو مستشفى قديم واللي اعرفه ان بناه احد رجال الاعمال والظاهر توفى ولا تم تشغيله او ان تطوير مدينة الرياض في بداية تأسيسها بنته لكن سبب البناء الرئيسي مجهول ولا تم تشغيله ووزارة الصحة للحين ما استلمته

لكن مستشفى كامل متكامل ودخلته قبل يحطون فيه السيكورتية ومافيه شي عادي كان المسجد يصلون فيه الصلوات الخمس

وفيه لو تروح وراه في مجمع سكني كبير لو ضفو فيه بعض المواطنين مثل الاسكان بيكون بيشيل حول 600 عائلة تقريبا وفيه اجهزة تكييف لكن ليه كذا السبب مجهول

والله انا ما ادري وش سالفة هالمستشفى لكن شفت الموضوع قلت انقله لكم
:s2:

يعطيك العافيه على النقل ..

لاكن عيوني انحولت وانا اقرى / من صغر الخـط :)

الله يعافيكـ والسبب في تصغير الخط عشان يكون تنسيق الموضوع ممتاز وماياخذ مساحة كبيرة :yes:

شاكر لك مرورك :rose:

أولآ .. مآ فيه جن ..
ثآنيآ اللي يقول آنآ رجآل .. يروح يدخل اللحين والله اللي بيروح فيهآ ..
اللحين تغير الوضع أول تدخله فله ورعب بدون جن طبعا لكن اللحين شرطة كل شي تمر من عند المستشفى واللي يدخله رآح فيه تعدي على ممتلكات حكومية .. :(:(

يعني يزين شكل المستشفى من برآ بس .. :)

شيء غريب والله

مشكووووور على النقل

ياقلبي تكفى كبر الخط ض1

ومشكور

ماراح أرد ألين ماتكبر الخط ..... و الله عجزت أرد

الصراحه الموضوع هذا ازعجنا كل شوي واحد يقول شي عنه ومنزل موضوع
طيب وين مكانه وصف دقيق بالله وإذا فيه احد يخاوي الله يحيه