نقاط مهمة + التعبئة الجماهيرية لمباراة الهلال والنصر ( سجل حظوركـ ) انا جاي من القصيم ومعي 4 - نادي الهلال السعودي - شبكة الزعيم

لـ ع ـيـون يـاسـر · #1 05/02/2010, 11:24 AM

بسم الله الرحمن الرحيم ..

حياكم الله يا زعماء وجمعه مباركة علينا وعليكم .. ولا تنسون قراءة سورة الكهف ..

الف مبرووكـ الفوز على الفيصلي بمستوى غبر مقنع .. لكن بمثل هالمباريات احنا مو بحاجة مستوى بقد ما احنا محتاجين الفوز ..

نقاط مهمة :
* اتمنى من الجماهير الهلالية عدم التجريح بأي لاعب هلالي خصوصا خلال هذا الإسبوع .. وأن يكون النقد ان وجد نقد بناء وهادف ..
* اتمنى كذلك اننا ما نخدر اللاعبين واننا ما نكون ضامنين زي المباراة الماضيه فـ الفرص متساوية 50 % هلال .. 50% نصر
* بالنسبة للحراسه لا شك ان الدعيع حارس كبير وقدير ويعطي امان للاعبين ولنا كجمهور لكن تبقى وجهة نظر المدرب هي اللي تمشي .. واحنا مالنا الا ندعم حسن واعطاء الثقة لحسن العتيبي في مثل هذا الوقت راح يخليه يستميت في الدفاع عن شباك الهلال .. وحسن حارس كبير و قدير

*اتمنى ان يبدأ المدرب بتشكيلة مكونة من
حسن العتيبي في حراسة المرمى ..
والزوري و المرشدي و هوساوي و لي رباعي الدفاع
و خالد عزيز كمحور دفاعي بينما رادوي محور هجومي
في الجناح الأيمن يتواجد ويليهامسون بينما في الجناح الأيسر نيفيز
.. وفي خط المقدمه عيسى المحياني كمهاجم صريح و ياسر القحطاني خلف الهجوم ..
على ان يكون الفريدي كبديل في حال التقدم .. وفي حال التعادل والخساره لا قدر الله يكون نواف العابد و الشلهوب كأوراق رابحة ..

بالنسبة للنقطة الثانيه من الموضوع .. الحضور الحضور

مثلكم عارفين النصر الآن يمر بأفضل حاله له منذ سنوات .. يعني الفوز على الهلال بحد ذاته اعطاهم دفعه معنوية كبيره جدا .. ومنتشين ويلعبون بروح .. لكن اللي بيوقف هالروح وبيلخبط فريقهم هو خسارتهم من الهلال ..

ضروف النصر حلوه وعلشان كذا بتشوفون حضور جماهير النصر افضل من اي مباراة سابقة ..
لكن هيهاات يحضرون اكثر مننا .. نبي الحضور يا زعماء .. الحضور يا زعماء .. الحضور يا زعماء ..

انا من القصيم .. وفجر الخميس ماشي بإذن الله لمكه .. والمشكله انا اللي بسوق .. ومع ذلكـ بإذن الله ظهر يوم الأربعاء بحرك من القصيم للرياض .. بحضر المباراة .. ومن الملعب على طوول للقصيم .. طبعا اوصل على فجر الخميس تقريباا .. وعلى طوووول لمكه ..
يعني هالظروف ما راح تمنعني من الحضور .. فيا ليت الإخوان اللي بالرياض يحضرون .. وما راح يضرهم الحضور اي شيء ..

تكفووووووووووووووووووووون يا زعماء .. تكفووووووووووووووووون تجملوا بهالمباراة .. نبي الغير يشوفون قد ايش جمهور الهلال ..

انا من القصيم ومعي 4 اشخاص يعني كلنا 5 اشخاص ..

اقتراح للإدارة ..
اتمنى ان يكون ادراج المواضيح لهذا الإسبوع بعد مرورها لقسم التقييم سابقاا ..
وان لا يتم رفع اي موضوع لمنتدى الجمهور الهلالي فيه استهانه بالخصم او استهبال عليهم او حتى نقد جارح لأي لاعب هلالي ..
ترى ما ضيعنا بمباراة الدور الثاني الا اننا كنا واثقين ونستهبل على النصر ولعيبته ..
فـ احترام الخصم مطلب

لايهمك حكيهم ياياسر · #2 05/02/2010, 11:32 AM

ان شاء الله يكون دوام اخوي الثلاثاء علشان الاربعاء نكون حاظرين..
تعرف دوام العسكري.!

حاتيموفيتش · #3 05/02/2010, 11:32 AM

بإذن الله أكون من أوائل الحاضرين...

يعطيك العافية!!

لـ ع ـيـون يـاسـر · #4 05/02/2010, 11:59 AM

إقتباس

الرسالة الأصلية كتبت بواسطة حاتيموفيتش


	بإذن الله أكون من أوائل الحاضرين... يعطيك العافية!!

الله يعافيكـ ويا هلا فيكـ

لـ ع ـيـون يـاسـر · #5 05/02/2010, 11:58 AM

إقتباس

الرسالة الأصلية كتبت بواسطة لايهمك حكيهم ياياسر


	ان شاء الله يكون دوام اخوي الثلاثاء علشان الاربعاء نكون حاظرين.. تعرف دوام العسكري.!

الله يوفقكم وبغذن الله يكون دوامه الثلاثاء ..

Photoshop ps · #6 05/02/2010, 11:43 AM

ياليتني والله من اهل الرياض ..~

وربي لأحظر كل المبارايات للزعيم ..~

لـ ع ـيـون يـاسـر · #7 05/02/2010, 12:00 PM

إقتباس

الرسالة الأصلية كتبت بواسطة Photoshop ps


	ياليتني والله من اهل الرياض ..~ وربي لأحظر كل المبارايات للزعيم ..~

الله يعطيكـ العااافيهـ .. ..

..
..
..
..

الـوافــ ـي السهلي’, · #8 05/02/2010, 11:47 AM

موضووع ولا ارووع ,,

اعجبني التشكيله اللي انت مقترحها واشووف انها الافضل والامثل ,,

وبأذن الله ساكون من المتوااجدين مع اني من برا الريااض ورااح احمل الموووتر ^_^ لعيوون الهلال ,,

واتمنى عدم النقد للعيبه وتحطيمهم ,,

يعطيك الف عافيه ع الموضوووع الراائع ,,

لـ ع ـيـون يـاسـر · #9 05/02/2010, 12:03 PM

إقتباس

الرسالة الأصلية كتبت بواسطة الـوافــ ـي السهلي’,


	موضووع ولا ارووع ,, اعجبني التشكيله اللي انت مقترحها واشووف انها الافضل والامثل ,, وبأذن الله ساكون من المتوااجدين مع اني من برا الريااض ورااح احمل الموووتر ^_^ لعيوون الهلال ,, واتمنى عدم النقد للعيبه وتحطيمهم ,, يعطيك الف عافيه ع الموضوووع الراائع ,,