يعطيك العافية عبدالأله
احب المواضيع الي تكون شاملة وفيها أفكار كثيرة .. ما شاء الله ما خليت شي

بالنسبة لـ الونسو
شي طبيعي ان جماهير الليفر تفتقده .. 5 سنوات له معهم كانت حلوة ومميزة
كان الليفر فيها واحد من أفضل 4 اندية في أوروبا ودائماً نشوفه ضلع في مربع السيمي فاينل
لـ التشامبينز ليغ .. خروج اللاعب جا كـ رد اعتبار له .. وهالكلام قاله هو بنفسه !!

اللاعب خرج من الليفر بعد حركة رافا معه .. في فترة كان يطـارد جارث باري لاعب السيتي
الحالي وعارض ألونسو على البيع .. وكانت بتتم صفقة انتقاله لـ يوفنتوس لو ما اختلفوا على
3 أو 4 مليـون يورو .. يعني في الأساس رافا كان بايع تشابي ولا يبيه .. الكلام هذا كان في
الميركاتو قبل الي راح .. الميركاتو الماضي رافا كان يبي باري بعد .. لكن اللاعب وقع للسيتي
وهذا السبب الي خلا رافا يحـاول يتمسك بـ اللاعب لكن اللاعب نفسه ما كان راغب بالبقـاء
كـ رد اعتبار له .. والحمد لله وقع مع مدريد وكان أصعب صفقة في الميركاتو التاريخي

الأضافة الي يقدمها تشابي .. من أيام ريدوندو والريال يفقد لاعب بهـ المواصفات .. مر علينا
عدد كبير من اللاعبين في هالمركز ولا نجحوا .. الأسماء كثيرة وكبيرة لكن المصير واحد ، كان
الحل الوحيد ان المركز هذا يعوض بـ دمج مركزين .. ومع ذلك عانينا كثير .

اللاعب يعطي توازن رهيب لـ الفريق .. يعرف متى يحول الضغط من ملعبنا لـ ملعب الخصم
مع دقة كبيرة في التمريرات الطولية .. الى الآن ومع احترامي لـ كل الي يسويه تشابي ما شفنا
نص مستواه .. السبب اعتقد التوظيف السيء له من بيللغريني والزامه بدور دفاعي كبير عكس
لاسانا ديارا .. الوقت الي يكون فيها تشابي متحرر من تغطية المساحات الكبيرة والتفرغ بشكل
أكبر لـ الشق الهجومي راح نشوف أكثر و أكثر منه وبدال الموضوع 10 مواضيع

يعطيك العافية عبدالأله .. وهيغوين أطلق مهاجم