السلام عليكم ورحمة الله وبركـاته

وش اخبـآركم مع هالاختبارات؟ ان شـاء الله تمــام


المهم انـي انا واعوذ بالله من كلمة انــآ (فاشله دراسياً ) مااتذكر اني خذت ممتاز اللي يوم كنت في خامس وسادس ابتدائي والا البااقي ماشاء الله علي مااتعدى الجيد جدا الا مره اخذت جيد

حتى شهاده ثالث ثانوي جيد جدا وبما ان الجاامعات تنظرني ومجهزه لي كرسي خاص حتى اتذكر ان جامعة هاردفورد اتصلت علي انا وبنت عمتي لان كلتانا فاشلات وقالوا لي ابد انتي وبنت عمتتس مكانكم عندنا قلت ابدن اصلن احنا مقبولين في كلية حريملاء انتساب يعني هي سبقتكم بقبولنا

المهم ان ابوي دخلني كلية خدمة المجتمع يبي كود بنته تتسنع وتتخرج وتصير عميده والا دكتووره والا اي زر

طبعا هم يبونا نجيب معدل عشان نكمل بكالوريوس والا بتصير شهادتنا دبلوم
فـ جبت في المستوى الاول 3 ونص والمستوى الثاني احلى الحمدلله وابوي فرح لكـن جاء المستوى الثالث وصارت الطامه الكبرى المواااد صعبه مرره خلص المستوى وانا الحمدلله درجاتي الشهريه متوسطه جيد جدا لكن عندي ماده (التأهيل الشامل ) ياانها تجيب الصمرقع لا وبعد جايبه في الشهري 5 من 20 بالله علموني وش اسوي عشـآن مااحملهـأأ (لأن تعرفون في تاريخي الدراسي ماعمري رسبت فعشان كذا مااودي اخرب هالتاريخ واشوهه )

اليووم طلعت نتيجة مادة وحده وخذت فيها G ..>> يعني ج بالعربي C بالانجليزي بالله صفقوا لي
المهم اني جتني ضيقه وحسيت اني صدق فاشله دراسيا واني ماللي الا البيت وان مرره اصروا اني اكمل حدي دبلووم بس المشكلة ان ابوي يقول ماعندي بنات يدرسون دبلووم (يبي بكالوريوس)و انا اقول في نفسي طيب يبه لاصارت بنتك فاشله وش تسوي وعلى فكره يوم عرف اني جايبه ج ضاق صدره والله ياابيي اني ودي افرحك واصير دافورة واخذ ماجستير ودكتوراه لكن بنتك فاشله

اسئلة للأعضاء :

1- مستواك في الثانوي نفس مستواكـ في الجامعه والا تغير ؟
2- كم مرهـ حملت ووش جبت بنت والا ولد ؟ وفي اي مستوى
3-وش افضل الجوو في الجامعه والا الثانوي في جميع النواحي ؟
4- وش تخصصكـ ؟


اخيرا .. دعواتكم لي اني مااحمل ولا ماده واجيب معدلن سنع يرفع راس امي وابوي

قفله : يوووم طلعت نتايج الثانويه العامه انا وبنت عمتي كانت نسبنا تهبل ماشاء الله وعااد قلت لها دوري لنا حل لاازم نلقى لنا وظايف ونأمن مستقبلنا قالت ابد انا عندي لتس ولي وظيفه قلت وشي قالت فراشات في ملاهي الخيمه

هههههههههههههه

أجل ماعمرك رسبتي في تاريخك الدراسي هاه..؟

طيب أرجوك اكتبي لي( السي في ) الدراسي تبعك وورينا هو ..ههههه

شدي حيلك وكل شيئ ممكن يتصلح صدقيني..

أهم شيئ إنك ماتقصرين شدي وابذلي وادعي ربك وتفائلي وتبي تلاقين كل خير إن شاء الله..
بس أهم شيئ النفسية لاتكربن..مهما يصير تذكري إن الإنسان هو المسيطر في هذه الحياة..
وترى حياتك نتيجة طبيعية لأفكارك وأنا أخوك..


الفشل في الحياة عمره مايقاس بفشل الدراسة..فالحياة أكبر وأضخم من أن نقيدها ونؤطرها بإطار الدراسة فقط..نعم الدراسة أحد جوانب الحياة الحيوية ولكنها ليست هي الحياة..
مثل ماقلت لك النجاح بعد توفيق الله بيدك..بس انتي احرصي وابذلي كل طاقتك..

طبيعي أبوك يبيلكم الخير علشان تتوظفن ولا يتمنن عليك زوجك بكره<<مع احترامي لبني جنسي ههه بس هذا الواقع..

أممممم
تبين أجاوب على الأسئلة وإلا مايحتاج..؟!! أنا متخرج من الجامعه من سنتين وشوي وموظف ألحين..يعني إجاباتي ماراح تفيدكم واجد..
شوفي الأعضاء الي لازالوا على مقاعد الدراسة<< أحسن يا مقاااااعد هههههههه

شوفي بطله مثلا..شوفي عادل..أشوفي أمورة تلعب كورة..وباقي الأعضاء أتوقع بيفيدونك أكثر مني ..لأن آراؤهم جدا كويسة..

الله يوفقك يارب وجميع حبايبنا في المجلس وجميع المسلمين..

سلمي لي على ملاهي الخيمة..هههه

..سيناتور..

سيناتور هلالي

إقتباس هههههههههههههه أجل ماعمرك رسبتي في تاريخك الدراسي هاه..؟

ولله الحمدلله والمنه ماااقد رسبت ..

إقتباس طيب أرجوك اكتبي لي( السي في ) الدراسي تبعك وورينا هو ..ههههه

ان شــاء الله

إقتباس شدي حيلك وكل شيئ ممكن يتصلح صدقيني.. أهم شيئ إنك ماتقصرين شدي وابذلي وادعي ربك وتفائلي وتبي تلاقين كل خير إن شاء الله..

انا مشكلتي مااحب اتعب نفسي لأجل الدراسه .. يعني يكفيني لو اذاكر الكتاب مره وحده مااروح اعيدهـ مااتعب نفسي زي بعض الناس .

إقتباس بس أهم شيئ النفسية لاتكربن..مهما يصير تذكري إن الإنسان هو المسيطر في هذه الحياة.. وترى حياتك نتيجة طبيعية لأفكارك وأنا أخوك..

اكييد ماراح اخرب نفسيتي لأجل الدراسـه .. بس يضيق صدري وتخرب نفسيتي لاشفت ابوي ضايق صدرهـ عشان درجاتي الحلووهـ

إقتباس الفشل في الحياة عمره مايقاس بفشل الدراسة..فالحياة أكبر وأضخم من أن نقيدها ونؤطرها بإطار الدراسة فقط..نعم الدراسة أحد جوانب الحياة الحيوية ولكنها ليست هي الحياة.. مثل ماقلت لك النجاح بعد توفيق الله بيدك..بس انتي احرصي وابذلي كل طاقتك..

اكيد الفشل في الدراسه مايعني الفشل في الحياة لان الحمدلله انا ناجحه في جوانب كثره غير الدراسه والكل يشهد ..

إقتباس طبيعي أبوك يبيلكم الخير علشان تتوظفن ولا يتمنن عليك زوجك بكره<<مع احترامي لبني جنسي ههه بس هذا الواقع..

اكيد ابوي يتمنى لي الخير وانا اتمنى افرح بدرجاتي .. وصدق الوظيفة اهم شيء لاني اشوف حريم مساكين ازواجهم معذبينهم ويعطونهم الفلوس بالحسره

إقتباس أممممم تبين أجاوب على الأسئلة وإلا مايحتاج..؟!! أنا متخرج من الجامعه من سنتين وشوي وموظف ألحين..يعني إجاباتي ماراح تفيدكم واجد.. شوفي الأعضاء الي لازالوا على مقاعد الدراسة<< أحسن يا مقاااااعد هههههههه

ماشاء الله .. الله يوفقكـ في الوظيفه ..

إقتباس شوفي بطله مثلا..شوفي عادل..أشوفي أمورة تلعب كورة..وباقي الأعضاء أتوقع بيفيدونك أكثر مني ..لأن آراؤهم جدا كويسة..

انتظر ردودهم

إقتباس الله يوفقك يارب وجميع حبايبنا في المجلس وجميع المسلمين..

امين

إقتباس سلمي لي على ملاهي الخيمة..هههه

يؤ من زمان عنهــآآ ..

..سيناتور..[/QUOTE]

اتوقع بخرب سوقك بالفشل الدراسي لذلك ما انفع اني احط السي في تبعي على قوله سناتور هع

الله يستر والله اني خايف من الحمل يافشيلتي لو اقول لابوي اني حامل هع هع هع

بالتوفيق لك ونصيحه في الدراسه لازم توسعين الصدر

دعواتكم .. .. .. والله ياني تحطمت يوم شفت درجاتي ياخي ابي اعرف ليش يحطون الدرجات قبل لانخلص الاختبارت

الله يوفق الجميع ا ن شاء الله

< مسح رده السابق

سبحان الله انتي زيي في كل شي

ماعمري خذت ممتاز الى في خامس وسادس ولا الباقي كلها جيدا جدا وكذلك في مره خذت جيد

انا الحين اشوف مستقبل قدامي اذا شفتك

ملاحظه

في سكرتيه رجاجيل في ملاهي الخيمه

الله يوفقك و تطلعين بالبكالوريس
1- مستواك في الثانوي نفس مستواكـ في الجامعه والا تغير ؟

إيه نفسه بس مع فارق الانتباه و الحرص يكون في الجامعه

2- كم مرهـ حملت ووش جبت بنت والا ولد ؟ وفي اي مستوى

الحمد لله توني بأول سنة و ناوي ما أحمل شي إن شاء الله

3-وش افضل الجوو في الجامعه والا الثانوي في جميع النواحي ؟

الجامعه بلا أي منازع .. يا إني أكره حياة الثانوي و جوها .. الله يعين طلابها

4- وش تخصصكـ ؟

حاليا بالسنة تحضيرية لـ هندسة الصيانة الميكانيكية إن شاء الله !

هلا بالهلاليه الكسلانه

اول شي انا مثل قرقاص اول مره اسمع بـ g

وش تعني هذي
شكلها خروج نهائي

انا لي متخرجه ترم

مدري تفيدك اجوبتي او لا

لكن بجاوب


1- مستواك في الثانوي نفس مستواكـ في الجامعه والا تغير ؟
شوفي حبيبتي اول مادخلت الجامعه كنت داجه وماعرف النظام احسني ضايعه وجاني اكتئاب موب طبيعي
رغم اني كنت شاطره بالدراسه والسراحه معدلاتي كانت زفت وحطمت من نفسي زياده

2- كم مرهـ حملت ووش جبت بنت والا ولد ؟ وفي اي مستوى
حملت مادتين وحده بأول مستوى وحده بثاني مستوى
من نفس الدكتوره و3ساعات كمان حسبي الله ونعم الوكيل عليها
هذي الحمدلله طردت من الجامعه
قسم بالله اخذ حقي منها بالاخره
هذي سبب تحميلي الماده اني كنت مسكينه
وداخله الجامعه ابغى اناقش وطحت بوحده علمانيه تسب الدين والدوله
لما حاججتها بأدله عن الرسول
قال اسمك عشان اقدر اناقشك
وقلت اسمي
ومادريت الا وانا احمل في المادتين الي درستني
وعقبهاطردت من الجامعه
بعد ماندتنا عميدة الجامعه وحلفتنا ع المصحف انها علمانيه<<الموهم حومت تسبدتس بروايتي
3-وش افضل الجوو في الجامعه والا الثانوي في جميع النواحي ؟
لا الثانوي حق الهبال والوناسه وسعت الصدر
بس للتقدير والاحترام والاهميه بالوقت الجامعه افضل
4- وش تخصصكـ ؟
خدمه اجتماعيه جامعه الملك سعود

بالتوفيق لك

تحياتي

السلاااااااااااااااااام عليكم

هههههههههههههههههههههههههههههههههههه

حيالله الفاشلة دراااااسياااا هههههههههههههههه


اسئلة للأعضاء :

1- مستواك في الثانوي نفس مستواكـ في الجامعه والا تغير ؟


مستواى فى الثانوى ... جيد ... ولم اكمل الجامعة >>> عارف نفسه فاشل دراسيا


2- كم مرهـ حملت ووش جبت بنت والا ولد ؟ وفي اي مستوى


ههههههههههههههههههههههه

أتوووووام شبااااااااااااااااب زى القمر هههههه3-

وش افضل الجوو في الجامعه والا الثانوي في جميع النواحي ؟

الابتدائى

4- وش تخصصكـ ؟

طيااااااااااااااار بحرى هههه >> ادبى


الله يوووفقك بالاختباااراات .... وجميع الطلاب والطالباات ... يااارب


شكرياااااااااااااااا

اقلكـ بصراحة

فليهااا دامك مو ولد وراكـ عبئ المستقبل

على طاري الدوفره ترا أنا من يوم يومي اعرف البنات دوافيررر

عشان كذا أشك في معلوماتك التاريخيه

الموهوم ..

إقتباس 1- مستواك في الثانوي نفس مستواكـ في الجامعه والا تغير ؟

لا والله في الثانوي أحسن >> الجامعة لقى الفله

إقتباس 2- كم مرهـ حملت ووش جبت بنت والا ولد ؟ وفي اي مستوى

خخخخخخ في الترم الصيفي كنت ابي ادوفر زياده واكلتها ع راسي >>> قسم مو مني من الدال << عذر الجميع الوهمي

إقتباس 3-وش افضل الجوو في الجامعه والا الثانوي في جميع النواحي ؟

لا بالجامعة افضل بكثيررر

إقتباس 4- وش تخصصكـ ؟

لغة عربية مع سابق الاصرار والترصد

،،،

بالتوفيق للجميع

وفلوووها ترا الدنيا مو دراسة وبس

إقتباس الرسالة الأصلية كتبت بواسطة شكسبـal.zaeemـــير اتوقع بخرب سوقك بالفشل الدراسي لذلك ما انفع اني احط السي في تبعي على قوله سناتور هع الله يستر والله اني خايف من الحمل يافشيلتي لو اقول لابوي اني حامل هع هع هع بالتوفيق لك ونصيحه في الدراسه لازم توسعين الصدر دعواتكم .. .. .. والله ياني تحطمت يوم شفت درجاتي ياخي ابي اعرف ليش يحطون الدرجات قبل لانخلص الاختبارت

اجل زين فيه احد مثلي

انا موسعه صدري لكن ابوي هو اللي ضايق صدره

بالتوفيق لك ولي وللجميع

إقتباس الرسالة الأصلية كتبت بواسطة قرقاص مرحبا بالهلالية ابا عن جد أجل اسمها هاردفورد ترى هذا اسم السيارة اللي مع سواقكم والجامعة أسمها هارفارد فيه بعض الناس يسمونها كذا وبعضهم كذا وش هالتقدير الجدي اول مرة اسمع فيه خابر اول كانت A B C D وغير كذا رسووووب بمعنى اخر( ج) بالعربيه عمر السقوط ماكان علامة على الفشل والدليل سقوط المطر في فصل الشتاء تقدرين تقولين مقارب ماعمري حملت لأني اخذ حبوب منع الحمل الحمد لله ولا مرة الجامعة بلا منازع بكالوريوس صيدلة مع مرتبة الشرف شكرا ع اجوبتك الله يوفقك وتكملين بكالوريوس وتتبعينها بالماجستير وتفرحين الوالد امين بس ماابي اخذ ماجستير يكفي بكالوريوس الا على طاري الوظيفة ودي أعرف الكلام هذا صحيح ولالا !! صبابات القهوة في المناسبات اللي تجي العصر او بعد المغرب في استقبال الحريم اللي يزورون الحرمة الوالدة في المستشفى او البيت صحيح ياخذون 300 ريال بالساعة وحدة زميلة زوجتي كانت والدة وجابت صبابة وتقول انها تدفع لها 300 ريال بالساعة ؟؟ اذا كان الخبر هذا صحيح فهل معناه اني دخولي الصيدلة خطا وان مجال الصبابين ارحب على قولة الين خلف الله يذكرها بالخير: ياصبابين الشاي زيدو حلاته اللي مابيعشق وبيسهر لشو حياته

والله ماادري لكن ان كان صدق فهو هبال ..

بس شي يضيق الصدر صبابات مادرسوا ولا تعبوا نفسهم ورواتهم ازين من رواتب الدكاتره وكذلك بعض اللاعبين مادروسوا ويااخذون هالملايين فلذلك بدال ماتصير صباب صر لاعب

إقتباس الرسالة الأصلية كتبت بواسطة أزرق والقلب أبيض انا بتكلم عن حالتي ثالث ثانوي جبت نسبه (83.64% ) علمي وتخرجت ودخلت جامعه الملك سعود قسم اللغات والترجمه (لغه تركيه) ماكملت الترم .. كله غيابات <متعود على الثانويه هههههههههه وسحبت الملف وبعدين رحت كليه التقنيه ياليت احمل ماده وحده بس .. الا بالجمله 5 مواد احملها وانجح بـ 2 بس احمل 3 حتى صرت اذا حملت ماده وحده فرحت وفرحو اهلي لكن سحبت عليها .. تراكمت علي المواد ومفروض

ابد وسع صدركـ دام اهلكـ موسعين صدرهم وصر لاعب مثل قرناص

شكرا لكـ ع المرور