يقول الخبر أن الموضوع تم بموافقة اللاعب
و ريدناب سعيد بإنتقاله إلى نهاية الموسم
و نادي سيلتيك راح يعلن الإنتقال رسميا على الساعه 11 (الساعه 2 بتوقيت مكه)

http://www.skysports.com/story/0,195...911043,00.html

ياما حنشوف مع المتدرب ريدناب

ريدناب قايم بشغل كبير في السبيرز صراحة ..!!

طق التنوره وفت يا روبي ..!!

ههههههههههههههههههههههه

طق التنوره على ماقالوا ههههههههههه


المفروض سنه ويعتزل خلاص لايفلها

ترا موب كل الناس مالديني ولا زانيتي

ولا ننسى الدعيع هههههههههههههههههههههههههه

منتشي بالزعامه

إقتباس ريدناب قايم بشغل كبير في السبيرز صراحة ..!! طق التنوره وفت يا روبي ..!!

مع إحترامي لك
لكن وش اللي عمله ريدناب مع السبيرز
خواندي راموس عمل شي يستحق الذكر لما حقق الكأس أمام تشيلسي
مع أن الموسم اللي بعده فشل لأنه لم يملك مهاجمين الفريق الأساسيين و تم بيعهم لليفربول و للمان يونايتد

ريدناب عنده فريق أحلام يتمناه مدرب مثل ديفيد مويس
ريدناب ما يقدر يتعامل مع الظروف كل شي عنده طلبات بالتليفون أبي لاعب أبي لاعب
ما عمره تعامل مع الطروف باللاعبين الحاليين ..

مثلا لما أصيب مودريتش لمدة 3 شهور بداية الموسم
طلب لاعب ثاني على طول اللي هو الكرواتي كرانكيار على ما أعتقد
طيب و بنتلي و جيناس وش يسوون بالدكه ..!!

مدرب يترك قناص روسي مثل بافليوشينكو و يفضل بيتر كراوتش عليه
مع إحترامي لكراوتش كلاعب لكنه لايقارن بالروسي ..

بعدها يتخلى عن روبي كين و الروسي أسير الدكه و المهاجمين من هم ..؟! ديفو و كراوتش فقط ..

معليش طيب وش هي نتايجه و ش حقق من يوم ما جاء ..؟!

لو هناك مدرب يستحق أن تطلق عليه مدرب قام بشغل كبير فهو فينغر و مارتين أونيل ..
خلنا نشوف أرسنال و توتنهام و نعمل مقارنه بينهم ..

توتنهام أفضل من كل النواحي كفريق و كـ دكة إحتياط
لكن لما نشوف النتايج نشوف السبيرز ما فيه تغيير أبدا
فتره طاروا فيها بداية الموسم و بعدها وقعوا
على عكس أرسنال وصل للصداره بفريق شاب و بدون صرف أموال ..!!

ريدناب أنا شخص غير مقتنع فيه نهائيا كمدرب
تحس أنه من الجيل القديم ما عنده أساسيات التدريب و لا التعامل مع المباريات

وجهة نظر

الوافي001 منورنا يا معتزتي < كيييييييف ههههههه

منورين جميعا

^^

اوافقك في سالفة انه مدري يطلب واجد , مدرب يقتل مواهب في الدكة ,
لكن بعد لاتنكر اللي سواه مع توتنهام , السنة الماضية استلمهم وهم الظاهر في خطر الهبوط واتوقع انهم انهوا الموسم بالنصف الاول , وصل لنهائي الكارلنغ اللي اخذه راموس , وطلع بلنتيات من المانيو , اعطى لينون فرصة كبيرة ,
حتى الان هم الظاهر الرابع , مركز ممتاز لتوتنهام وان كنت اتوقع انهم ما راح يستمرون كذا .
مع الفريق اللي عند ريدناب صح انه مطالب باكثر , لكن ماهو متدرب عاد !
اكبر دليل بورتسموث , اخذ الاف اي كب , وعقب ما طلع منهم صاروا على وشك الهبوط ان ما كانوا هابطين اصلا !
ريدناب مدري جيد , لكن ماهو ممتاز زي فنقر او اونيل او حتى مويس ..
اخر شي , ريدنا مدرب يصلح للأندية الوسط , فاذا ادارة السبيرز يبون اكثر من كذا يغيرونه !
لكن هو حتى الان ماشي بشكل جيد ..

روبي كين والله لاعب قوي

في مباراة فرنسا و ايرلندا مبدع على الاخر ومسوي خطورة بس ايرلندا ماعندها نجوم

تحسه يلعب لحاله

^

فيدا بما أنك مانشيستراوي
هل تذكر مباراة العام الماضي اللي تقدم فيها توتنهام 2 - 0 على الأولدترافورد
وكم إنتهت عليها النتيجه ..

وأنت تملك فريق كبير و عناصر بطله و تلقم خمسه في الشوط الثاني
مع أن المان ما كان بالرعب اللي كان عليه في الموسم اللي قبله
هنا نشوف المدرب اللي يعرف يمشي المباراة هنا نشوف المدرب اللي يحترم الخصم
وهو متقدم 2 - 0 و معه العناصر اللي تخليه يجلس في مناطقه و يلعب على المرتده ..
يعني ما فيه كوتشينغ واضح مجرد تشكيله وضعها وشدو حيلكم ..

معليش والله ترا أنا ما بيني و بين ريدناب شي
بس الكتاب واضح من عنوانه و النتايج تحكم

ولا يهون مويس يوم يطقطق عليه بفريق أقل إمكانيات و رجع للمباراة في 10 دقايق هالموسم
إنتهت 2 - 2 ..

بالنسبه لبورتسموث وإنه وصل بهم معليش وإذا صار يعني
ترا حتى كارديف وصل و قابله في النهائي هل يعتبر مدرب كارديف بطل ..

بعدين ترا بورتسموث فيه لعيبه كويسين وقتها
بوبا ديوب ولاسانا و مونتاري و جلين جونسون و جيرمين ديفو و ميلان باروش ..

شف أستون فيلا قبل أونيل و شف بعد أونيل هنا تحس أن فيه مدرب فيه فكر
فيه سيستم و شغل مدرب قبل ما يكون عناصر ولعيبه كبار ..
شف كيف قدر يطور أغبونلاهور اللي كان فترات يلعب ظهير أيمن و بعدها جناح و ألحين من أخطر المهاجمين في البريمير

أتحدى فريق مثل فرق الوسط في الإنجليزي يكون عنده لاعب مثل باري و يطلع لنادي آخر وما يتأثر النادي ..
مع أن مالك الفيلانس كاش الكاش و يقدر أونيل يطلب اللي يبي ..

لكن وش عمل المدرب الكبير غير التكتيك و رجع بيتروف مكان باري و لعب بمحور وحيد
و قدامه لاعبين وسط يصنعون و جناح و مهاجمين ..

هنا الكلام هنا الحكي أبي مدرب تحس فعلا في الدكه فيه مدرب ..

حياك

^^

صعبة انك تحكم على مدرب عشان مباراة , أنا اتكلم عن اللي سواه في توتنهام لما جاهم ,
رفعهم 10 مراكز تقريباً , قدم لقاءات حلوة زي الديربي يوم تعادل مع الارسنال عقب ما كان متأخر بهدفين !
فاز على تشيلسي وصل لنهائي الكارلنغ , وتونهام مع ريدناب افضل بمراحل من توتنهام مع راموس ,
مع ان راموس واجه طروف سيئة اصابات ورحيل كذا لاعب , الا انه مب عذر انك تكون مهدد بالهبوط !
ريدناب اول ما مسك الفريق مشاهم صح بنفس تشكيلة راموس , دليل على ان راموس ما عرف للدوري الانجليزي ,
بالنسبة للكأس اللي خذه ريدناب , لا تقلل منه , يكفي انه طلع مانشستر منه ,وان كانت المنافسة ضعيفة ذاك الموسم ,
بورتسموث كان فريق له قدره وينخاف منه ! اما الان استراحة لكل الفرق ,
و اكرر , ريدناب ما هو المدرب الكبير والرائع , لكن مدرب جيد ولا ينفع تقول متدرب عنه !