أن كيدكن عظيم !!!! - صفحة رقم 2 - نادي الهلال السعودي - شبكة الزعيم

طلال · #16 30/01/2001, 12:53 PM

يا قاهرهم يا سامي:

بصراحة موضوع (( إن كيدكن عظيم )) وردك على مقولة ( الهلال كالرجل العقيم ) إنه أبلغ وأحلى وأجمل رد سمعته حتى الآن ... صدقت إنها زوجة ناكرة للجميل ... ماتطلب الطلاق أحسن ... واذا ماوافقت المحاكم السعودية تروح المحاكم المصرية

ازرقاوي · #17 30/01/2001, 02:02 PM

مساكين جماهير النصر ارحموهم شوي لو على طريقة الضرب في الميت حرام...
لو تشوفون الواحد منهم تقولون راكبه جني ..تدرون ليش كله من الازرق اللي من تالي هبل فيهم وجاب لهم الصمرقع ..اجل كل ماقربوا من بطوله جا الزعيم وخطفها منهم لا والوعد سوريا اللي بتخلي جحا يمشي على ورا من الفشيله وقلة الحيا اللي زادت مع تهجمه على الهلال...
[عدلت بواسطة ازرقاوي التاريخ:02-02-2001 الساعة: 01:12 AM]

يوسف الرشود · #18 30/01/2001, 02:12 PM

انا اقول ان النصر مهوب متوفى دماغيا بس .....الا يبيلهم اخدود وتحرقهم فيه

حايرة · #19 30/01/2001, 02:27 PM

الموضوع يجنن بالحايل
بس احب اقول ان نادي الهلال يعتبر الاجهزه الي يعيش عليها النصر ولو انفصلت مات
لان النراوين معاد يطلعون الا في موضع يخص الهلال يعني لو صار الهلال عقيم بلقنهم بالقبور

زعيم القرن · #20 30/01/2001, 02:36 PM

الله عليك "ياقاهرهم ياسامي" تغيب عنا وترجع لنا بمواضيع في غاية الروعة ..... فشكراً لك

مخاوي البطولات · #21 31/01/2001, 01:32 AM

مراااحب ياقاهرهم ياسامي

صراحة اقتراحك 00 أظن ان الاتحاد السعودي يدرسه ( ايه هين )

لان هالنادي اصبح وجوده عاله لاتقدر بعله؟؟

بس المشكله ؟؟ اذا صكوا ناديهم وسلموه ( لامانة الرياض ) قصدي امانة

الشباب

00 اللاعيبين اللي بعمر الزهور أمثال ( الداؤود - فؤاد-

ماطر 0000 ) وين يروحون؟؟ لاتقول عندهم سدوس ؟؟ لان سدوس حاط عيونه

على منسقين هلالنا

بس ماقلتلنا ( محنطهم ) وش بيسون فيه ؟؟ صراحة ذكرني (بالنمنم )

اللي نسمع به ومانشوفه وبالاخير طلع كلام فاضي

بس سؤالي الاخير جمهورهم وشلون بيتوزع ؟؟ والا تهقى بيقلوبنها ( هوكي

لان فيه عجاري )

الف شكر على اقتراحك اللي بيلقى القبول لدى بلاتر

أقصد ( الدهام

لانه بيقدر وضعهم 000 )

KER-{شاكر}-SHA · #22 31/01/2001, 02:13 AM

وتظل المرأه العاقر تحاول الانجاب ولو بالصراخ والنجيب

يا قاهرهم يا سامي ،،،، مواضيعك دايم مسكته ،،،يا اخوي لو كتبت اسمك بس صدقني كفايه

أبـو هـيـا · #23 31/01/2001, 11:46 PM

الاولاني : تسلم لي .. صدقت ... والزوجة اذا بلغت سن اليأس تحسب ( العيب) بالرجال

@@@

هلال السماء : هلا بك .. ومشكور على المجاملة يالغالي

@@@

سيف السيف : المشاكل والشكاوي عد واغلط بس انا اكتب اللي تطري علي منها .. والا لو نبي نحصيها كلها كان نتعب

@@@

ابو منار : يــــاســـــــاتــــــر .... انت تخوف

@@@

ازرق الازرق : وهذا سر الهلال ...

@@@

لوفر : الله يعافيك

@@@@

للردود بقية ....

الصـقـر · #24 02/02/2001, 12:34 AM

الاخ العزيز قاهرم

هم يقولون(((( ان الهلال كالرجل العقيم الذي يبشر كل شهر بمولود))))

هذه المقوله التي ربما استغرقت وقت طويل وبحث مضني لكي يجدوها علما

انها ليست في محلهاوالكل يعرف ذلك من خارج الوسط الهلالي

ولهذا دعنا نقول(((( النصر كالمراه العقيم التي تجاوز عمرهاسن

الانجاب وفي كل مره تصيح اولادي اولادي اولادي)))) من وين لها اولاد وهي

عقيم، ياللعجب ولكن للاسف تجد من يصدقها لشدة صياحها ونياحها ولجهل

المستمع لكلامها او لغبائه

شكرا لك ايها الرائع قاهرهم

ذواق الفن السامي · #25 02/02/2001, 01:49 AM

أهلين وسهلين بالغالي ..... بالغالي ( أتوقع أن هالكلمة تذكرك بأبو ستة نفسه ) أكرمك وأعزك الله بقد معزتك عند الجميع .
وترنا بإنتظار موضوع الهريفي .. تكفى لا تنسى .
وأحلى تحية للجميع .

Sami 999 · #26 02/02/2001, 04:28 AM

هلا والله بأخوى الغالى ياقاهرهم يا سامى . يعطيك الف عافيه أخوى معودنا دايم على الأبداع وتشخيص الواقع . روعه روعه ياقاهرهم . أرجو أنك ماتحرمنا من مواضيعك الرائعه فى شبكة الزعيم ..والله يحفظك ويرعاك ويخليك لنا.. أخوك Sami 9

karem999 · #27 02/02/2001, 05:58 AM

المشكلة ان رئيسهم مثقف وبغاء يصير محامي وصديق فريد الاطرش حسب قوله

مايعرف ان المراة اللي ماتجيب عيال تسمى ((((((( عاقر ))))))))
والرجال يسمى (((((((((((( عقيم ))))))))))))

الحين مايستحون فاشلتونا عند العالم خلص الاب الفاضل قلناء معذور الهدف فقع فيوزاته 0

جاء الولد قلناء هذا اللي بيعدل الوضع ويليته ماتكلم اخرتها الريحه فايحه 0

لا الكوره بخير 0000

م ت ق ط ع · #28 02/02/2001, 06:53 AM

تسلم والله يا قاهرهم على هذا الموضوع لكن بضيف لموضوعك اضافه اذا سمحتي لي :
اولا ترى الموضوع جد في جد والسالفه حالصه مهيب مزحه
جلست العب مع ولد اخوي سوني وعمره 10 سنوات المهم على كل كورة اصارخ وازعاق هذا مو فاول وهذي مو كورنر المهم اني سويت تصرفات بعض الناس ولد اخوي مغير يضحك علي وعلى هبالي وانا متعمد اسوي معه كذا بشوف ردت فعل ذا الصغير على حركات النصراوين وطلعت بعد المباراة بما يقدر عشر ضربات جزاء .تصدقون وش ردت ولد اخوي قال لي والله صرت مثل فريق النصر شوفوا حتى ذا الضغير يضحك عليهم وسلامتكم
واخيرا اتمنى يا قاهرهم انك ماتنسى موضوع الهريفي لان ودي اعرف السالفه انا ملقوف صح داري

أبـو هـيـا · #29 03/02/2001, 01:36 AM

فالح : الف شكر يالغالي

@@@@@@

عايش العنزي : انا اللي لي الشرف اتعرف عليك ... وشكرا على كلامك ..

@@@@@

جهاد النجار : صح لسانك ...

وبالنسبة لقولي الله يشفيهم .. فانا اقصد الله يشفيهم من ( ...) .. ماهو من الوفاة

..

@@@@@

مجموعة هلال : لا ما خانك الفهم ... بس انا كتابتها زي ما يقولونها ماهو زي ما يطبقونها ..

وشكرا لاهتمامك .. وان شاء الله نكون عن حسن الظن دائماً

@@@@

شاعر الهلال : ؟؟؟؟؟؟؟؟؟

قسم بالله ما ادري وش اقول بس تراك خجلتني .. وهالابيات ابحتفظ فيها .. وافتخر بها ..

@@@@@

المتقد : الوليد والدبل هم اللي شبكوا الاجهزة اللي ابقت النصر حي .. بالمشاركة العالمية

... الله يخلف بس ..

@@@@@@@@@

للردود بقية ... واسف لاني ما ادخل على النت كثير هاليومين ..

أبـو هـيـا · #30 06/02/2001, 06:34 PM

شاطر : هلا وغلا بك .. وفرصة بعض لاعبي النصر يلقون لهم شغل ازين بالمواقف

طلال: والله ان الطلاق اصرف ... بس نبي نصبر علشان ((العيال)) اللي جاب الهلال منها

ازرقاوي : والله كلامك صحيح ... بس صدقني اللي مثل كمهور النصر المفروض ما يعطى وجة ابد ..

.. والنخب راح تصير احلى لان الدعوى فيها سامي ...

يوسف الرشود : حلوة اخدود هههههههه .. وشلون الربيع

زعيم القرن : هلا بك اكثر .. اللي يحلي الموضوع انك تقراه

مخاوي البطولات : هلا بك .. وين انت غاطس الله يهديك ماعاد نقرأ لك شئ ؟؟ .. وابشرك الاتحاد السعودي وافق على الاقتراح (( ايه هين بقوة))

KER-{شاكر}-SHA: هلا بك ... تسلم لي يالغالي

الصقر : يامليون مرحب بيك

(( صرنا زولة)) .. عاش من شاف اسمك وينك غاطس ..

ذواق الفن السامي: هلا بالغالي

... ابشر باللي تبي ..

Sami 9: الله يحييك .. نورت الموضوع .. والله لا يحرمنا من شبكة الزعيم ..قل امين

karem999: وسع صدرك .. هذا مستواهم يا كريم

ALSAMI_915: سلم لي على اخوك الصغير

@@@@@@@@