السلام عليكم
شباب انا قريت انه الابتعاث لمرحلة البكالوريوس لازم ان لا تقل نسبة الثانوية العامة للمتقدم عن 90% في قسم ( العلوم الطبيعية أو ما يعادلها ) ، وإلا تقل درجة اختبار القدرات العامة عن 70% و الاختبار التحصيلي عن 77% ، بالإضافة إلى ألا يكون قد مضى على حصوله على شهادة
يعني ياشباب لو جبت 88 ما يقبلوني وبس يقبلو 90 وفوق
تكفى احد يرد
المصدرhttp://shrqiah.com/vb/t3445.html
شباب انا ناوي ابتعث بامريكا او بريطانيا لو قدرت انشالله
بس لو ابي اخذ معي ps3 يقول صديقي انهم ما يدخلوه الطيارة صح عليه ولا ما عنده سالفة
اخر شي النسبة كم درجة طبعا انا علمي وشكرا

صحيح البعثه من 90 وفـووق ولكن لو عندك واسطه ممكن تطلع

وبالنسبه لبريطانيا لا تجي ولا تفكر بها لانه مقفله من الوزاره لعدد الطلاب اللي بها امريكا رح ع طول يقبلونك ...

بالنسبه للبلايستيشن تلاقي بالدول اللي ذكرت ارخص من السعوديه وبالنسبه للطياره ماعندي فكره عنهم ,,,


اخر شيء النسبه لابد من 90 وفـــوق ...


ربي يكتب لك الخير وين ما وجهت .,’

أخي الكريم ,, إن كنت لا تتقن اللغه الأنجليزيه من الآن ,, فأنصحك بـ الدراسه بـ السعوديه ,, لأن الآن كل الدراسه بـ الأنجليزي حتى بالسعوديه عندك السنه التحضيريه كلها بـ الانجليزي بس على خفيف ,,أما بالخارج كل شيء بالانجليزي حتى الدكتور يشرح بالانجليزي يعني لو تروح بـ الخارج وما تعرف شيء بـ الانجليزي بتروح ملللح ,,
بالتوفيق لك أخووي

مشكورين مروركم انا الانجليزي عندي يعني 60 وفوق
بس المشكلة اني حسبت الفصل الاول جبت 81 والقصل الثاني جبت 82 وانشالله لو جبت بثالث ثانوي في الفصل الاول 95 والفصل 95 تطلع النسبة 87 يعني ما اقدر اجيب 90 وفوق

معدلك ضروري يكون مرتفع ولكن بما انك ما تخرجت ركز على الدراسه ولا تتحمس للابتعاث
لانه ما يسوى بصراحه ولو بتفكر روح كندا او استراليا او امريكا بعد بس بريطانيا لا يطري عليك نصيحه محب
حتى لو يقبلونك


بالنسبه للانجليزي لو درجتك 20 ترى اهم شي تكون فاهم وتقدر تتكلم وتستوعب
صحيح في القبول لازم تجيب درجه عاليه ولكن اللي اقصده لا تركز على الدرجه لحالها حاول
تستفيد لغويا

قريب ان شاء الله الى بريطانيا
مشكوور على المعلومات

نتمنى لك التوفيق والنجاح
وأكيد لازم نسبة90

الـــــــــــــــــواســـــــــــــــــــــــطــــــــــــــــــة


هو الشرط الوحيد

عليكم السلام ورحمة الله

مدري اذا فتحو الابتعاث ولا لا لكن اللي اعرفه انو التحاق
ويركزون بالنسبة اذا انت ما معك واسطة

اذا معك لو انك ٧٠٪ تخش بس انصحك ركز على دراستك وحاول ما تحرج نفسك

اللي تكلمو عن اللغة وين المشكلة لو راح درس لغة هناك بعدين دخل جامعه ؟؟

بالنسبة للاجهزة رح اشتر لك من برا ازين وشوله تشيلها معك
حدد الدولة اللي بتروح لها انت وبعدها نتوسع لك ان شاء الله

بالتوفيق

ههههههههه
تبي تاخذPS3
ما راح يفيدك لانه ps3
الي يجي للسعودية يشتغل على 220
وكندا يشتغل عندهم 110 والدول الباقية مادري
يعني لو تبي تاخذه وتشبكه بالكهرب حقهم يبي يفجر بوجهك
بس نصيحة اشر من عندهم واذا جيت السعودية جبه معك واشر محول 220 الى 110
وشغله
والطريقة مجربه وتمام التمام

إقتباس الرسالة الأصلية كتبت بواسطة الجسد الهلالي ههههههههه تبي تاخذPS3 ما راح يفيدك لانه ps3 الي يجي للسعودية يشتغل على 220 وكندا يشتغل عندهم 110 والدول الباقية مادري يعني لو تبي تاخذه وتشبكه بالكهرب حقهم يبي يفجر بوجهك بس نصيحة اشر من عندهم واذا جيت السعودية جبه معك واشر محول 220 الى 110 وشغله والطريقة مجربه وتمام التمام

بس انتبه لاجيت تشغله لاينفجر في وجهك

وما تكمل دراسك


موفقين

مآ أبي آحطمك آخوي لكن الحق يقآل
أعرف وآحد ثآنوق 97
قدرآت 82
تحصيلي 83 مني متأكد بس انها فوق ال80

ولا طلع .. ^_-

اللي بآوصله قدم وكثر استغفآر وان شاء الله تنقبل ..

بالتوفيق لك

نتمنى لك التوفيق والنجاح
وأكيد لازم نسبة90

خخخخخخخخخ عموماً ماابي اتفلسف
بس السوني عادي تاخذه مافيه اي مانع
بالنسبة لـ خط الكهرب
انا اول مره اعرف إنه لاو معي 220 اشبكة على 110 ينفجر بوجهي خخخخخخخ
يعني اكون انا القوي اروح للضعيف اتفقع ؟
لو كان معي الأضعف 110 واشبكة 220 هذيك الساعه اودع خشتي
الزبده يشتغل اي جهاز كان 220 انا مجرب وسألت قبل التجربه
الله يوفقك أخوي