فشيله وفضيحه بحقنا ياجماهيرالزعيم .. حاضر من أمريكا وأنتم ؟ رساله لا أعضاء الشرف الاوفياء .. - نادي الهلال السعودي - شبكة الزعيم

هلالكووو · #1 26/01/2010, 06:44 PM

*شهادة شكر:
قال رسول الله -صلى الله عليه وسلم-: (من لايشكر الناس لايشكر الله ).فيجب علينا كجمهور محب لهذا النادي أولاً ان نشكر الامير عبدالرحمن بن مساعد على مابذله من جهد واضح وصفقات فايف ستار للكيان الهلالي وأعضاء الشرف الداعمين له ...يجب شكرهم بالقلب بالدعاء بالحضور بالوفاء مع أهل الوفاء لهذا النادي العريق

في هذا اليوم سرحت بفكري هل سيحضر جمهور كبير هل سيحضر 70 ألف يوم الخميس ....

لا مشكله إختبارات _ لابرد _ لازحمه
بعدها تذكرت تصريح شبيه الريح

عندما طلب وما أمر هذا الامير الوفي اللي تعب وسهر من أجلنا لاننسا كلماته في نهاية الموسم فكر لإسعادنا سهر لإراحت الشعب الهلالي بإكمله
طمئن الجميع على إن الهلال راح يكون هذا الموسم موسم الذهب ولاغيره ولن يرضى عن الاعبين اذا لم يسعدو الجمهور بالبطولات
هل يستحق من الجمهور الجفاء ؟؟!!
طلب الامير على العين والرأس لكن هل من مستمع ومجيب ؟ هل نسمع تلبيه النداء من جمهور الزعيــــــــــم

سمو الامير عبدالرحمن وأيضا الرئيس الذهبي الامير بندر بن محمد طلبو طلب من الجماهير أن تحضر بكثافه وأن تملىء الملعب عن بكره أبيه وما أستغرب أن يكون الملعب ممتلىء لإننا أبطال سنحضر للإحتفاااال مع الاعبين اللي ماقصرو ببذل الغالي والنفيس من أجل إرضائنا ...
دعمنا هو حضورنا الخميس الحضور المشّرف نملىء الملعب بكامله وهذا الامر ليس صعب على الزعيم ..

لا أرضى أن أحد يقول جمهور الرياض جمهور الدمام والى آخره وأكيد أنتم ماترضون

الجميع ياليت يحضر من أجل الزعيم

القصيم _ الدمام _ سدير _ جده _ حفر الباطن _ أبها _ المدينه _ مكه الى آخره

يعني تحضر وفي نفس الوقت راح تحضر وتحتفل وتفرح مع الابطال ..

مارأيكم اذا دخل الامير عبدالرحمن ووجه السعد للملعب فقط شافو الواجهه ممتلىء فقط ..

بنظرك ردة الفعل الاوليه لهذا المنظر من قبل الاميرين الاوفياء ؟؟!
يعني صراحه فشيله وفضيحه بعد
يعني كل هالملايين اللي دفعت وكل هالمباريات اللي فاز فيها الزعيـم ومايحضر الا جمهور بسيط راح يكتب في جميع المنتديات المقهوره وفي جميع الصحف عن حضور مخيب للآمال وراح يتوسعون في صحفهم على كيفهم بالمانشتات العريضه حضور ضعيف في تتويج الهلال ؟؟

أول تتويج يغيب عنه جماهير ؟

وأكيد جمهور الزعيم مايرضى بهالامر ..

فنحن الاول شعبيه رضي من رضي وأبى من أبى

لكن هل سيشهد حضورنا على ذلك ..

المطلووووب من الجميع ..

الحضور الوفاء مع أهل الوفاء فهم يستحقون مننا الحضور والدعم ليكون ثمار هذا الموسم موسماً جنونياً ومن بدايته أتضحت ملامحه بإنه موسم للزعيم فقط ..

رساله لإ أعضاء الشرف الاوفياء ..
أتمنى يكون فيه باصات وبإذن الله مايبخلون أعضاء الشرف على الجماهير فالاستاذ حسن الناقور لو طلب منه لن يقصر في جده وأيضا الاستاذ فيصل الشهيل والامير فيصل بن فهد لن يقصرو عن الدمام وعن القصيم والامير عبدالعزيز بن معتصم لن يقصر عن القصيم وأيضا جميع الاوفياء من أعضاء الشرف نريد حضور مشرف

والله فشيله الامير يقطع الآف الاميال من أمريكا فقط لإرضائكم ولحضور التتويج مع الزعماء والفرح معنا بأول بطوله دوري مع سموه فلازم نحضر اذا ماحضرنا فمتى بنحضر ومتى نفكر نحضر ؟

فهو يوم التتويج يوم الوفاء مع أهل الوفاء فبإذن الله 70 ألف مشجع وفي مع الزعيم يحضر هالتتويج الكبير
ويكون عنوان الجميع
بلا أختبارات بلاهم الزعيم هو الاهم

لكن حتى لو فيه أختبارات وفكرت في إختبارك بإستطاعتك ترتب جدولك بالكامل فقط للحضور فأتمنى مايكون عذر الاختبارات عذر ونكون أوفياء مع الزعيم بحضورنا جميعا

يوم خميس أعتبره راحه من أجل الزعيـــــــــم

وفي النهايه الجمهور مايفرح الا بالبطولات وهالبطوله وتتويجها أمامنا يوم الخميس
فالكلمه لكم
حضوركم راح يسعد شبيه الريح ووجه السعد

نلتقي يا أحبائي في ملعب الدره
الموعد الخميس
في مبارة الزعيم بعد غداً بإذن الله حضور يهز الملعب هز .. مودتي

ملاحظه ..

تميز الموضوع بتميز مشاركتم لي في هذا الموضوع لاتبخل ولو بالرد

هلالكووو · #2 26/01/2010, 06:49 PM

..................................للرفع

@ امير بكلمتهـ @ · #3 26/01/2010, 06:57 PM

بإذن الله حاظرين

جزاك الله خير

البدر 20 الهلالي · #4 26/01/2010, 06:58 PM

يعطيك العافيه ولا هنت على الطرح المميز ...

wem11 · #5 26/01/2010, 07:02 PM

ماقصرت>>> واحب ابارك للزعماء هالبطوله الغاليه ونقول لهم عقبال البطولات القادمه

يوم الخميس لن نخذل زعيمنا>> يوم الخميس لن نخذل رئيسنا>> يوم الخميس لن نخذل الاعبين وسنشاااركهم بالأفراااا ح

حاضرين ان شاء الله>>> ويارب وفق الزعيم

محمد59 · #6 26/01/2010, 07:07 PM

مشكوووووور من جد كلها 3 ساعات مارح تضر الواحد اعتبرها راحه من المذاكره

هلالكووو · #7 26/01/2010, 07:17 PM

إقتباس

الرسالة الأصلية كتبت بواسطة @ امير بكلمتهـ @


	بإذن الله حاظرين جزاك الله خير

وإياك يالغالي قول وفعل يالغالي وإن شاء الله نفرح بالاحتفال مع الابطال حتى النادي يعطيك العافيه

هلالكووو · #8 26/01/2010, 07:31 PM

إقتباس

الرسالة الأصلية كتبت بواسطة البدر 20 الهلالي


	يعطيك العافيه ولا هنت على الطرح المميز ...

سلمت يالغالي على ردك وشهادتك فيني مجروحه .. وبإذن الله نفرح بالفوز والتتويج ..

هلالكووو · #9 26/01/2010, 07:34 PM

إقتباس

الرسالة الأصلية كتبت بواسطة wem11


	ماقصرت>>> واحب ابارك للزعماء هالبطوله الغاليه ونقول لهم عقبال البطولات القادمه يوم الخميس لن نخذل زعيمنا>> يوم الخميس لن نخذل رئيسنا>> يوم الخميس لن نخذل الاعبين وسنشاااركهم بالأفراااا ح حاضرين ان شاء الله>>> ويارب وفق الزعيم

معليك زود يالغالي .. الله يبارك فيك بإذن الله البطولات الجايه زرقاء والملامح هلاليه

يالبيه رد صراحه أحرجتني بالرد عليه لازم نحضر متى راح نحضر اذا ماحضرنا تتويج الزعيــــــــــــم

نغيض الحساد بحضورنا الكبير نبي نملىء الملعب بعد صلاة المغرب يكون فل على الآخر .. بإذن الله العصر بصلي عند الملعب يعطيك ألف عافيه ..

هلالكووو · #10 26/01/2010, 07:35 PM

إقتباس

الرسالة الأصلية كتبت بواسطة محمد59


	مشكوووووور من جد كلها 3 ساعات مارح تضر الواحد اعتبرها راحه من المذاكره

العفو يالغالي وهذا واجب كل محب لهذا النادي العريق ببطولاته وإنجازته ولاعبينه نبي نفرح مع الاعبين في يوم التتويج أكيد هالساعات قليله بحق الزعيم نبي نفرح معهم ونسوي مسيرات حتى النادي لإجل أبوفيصل تهون المسافات .

أبوفيصل قطع الآف الاميال فهل تهون عليكم ؟

بإذن الله حتى اللي بعيد يقدر يجي يوم خميس سهره زرقاء فيها تتويج يعني ليش مانحضر مافيه أي عذر ..

يعطيك ألف عافيه على مشاركتك لي في هالموضوع ..

(CR9) · #11 26/01/2010, 07:43 PM

باااااااااااااااااااااااااااااااااااااااااااااااذن الله حاضرين

هلالكووو · #12 26/01/2010, 08:14 PM

(CR9)

شكراً لك يالغالي وبإذن الله نسعد بالتتويج جميعاً

والله يستر مايكون العدد 20 ألف وتكون فشيله ...

بس بإذن الله بيكونون قدها جمهور الزعيم وبيحضرون .. الحضور ليس مقتصراً على أهل الرياض فقط

الجميع .. يوم خميس ..

هلالكووو · #13 26/01/2010, 08:20 PM

نريد تفااااااااااااااااااعل كبير ..

أهل الشرقيه أهل جده القصيم أدخل ووصل طلبك لإ أعضاء الشرف اللي مايقدر يحضر

يعني لازم دعم من أعضاء الشرف بباصات الله لايهينهم علشان يكون الحضور رهيب وكثيف ..

دعمهم للزعيم راح يثمر جهد كبير في البطولات وراح تكون نظرت الاعبين كبيره للبطولات المقبله اذا شافو الملعب مليان ..

saad_20 · #14 26/01/2010, 08:20 PM

الله الله يـآأ جمهور الرياض
والله مالها داعي لو ماحضر 70 الف متفرج
بناخذ الدرع وجاي الامير من امريكـآ
جاي من امريكا وانت عجزانيين عن الملعب
لا تفشلوننا بالله
لا والي يزيدك غبن الدخول مجانا

هلالكووو · #15 26/01/2010, 09:10 PM

إقتباس

الرسالة الأصلية كتبت بواسطة saad_20


	الله الله يـآأ جمهور الرياض والله مالها داعي لو ماحضر 70 الف متفرج بناخذ الدرع وجاي الامير من امريكـآ جاي من امريكا وانت عجزانيين عن الملعب لا تفشلوننا بالله لا والي يزيدك غبن الدخول مجانا

أي والله صراحه فشيله ..

بس إن شاء الله يردون علينا جميع ويحضرون 70 ألف بإذن الله ..

جمهور الزعيــــــــم غير الجميع بحضوره وتشجيعه .. شكراً لك على مرورك الكريم ..