خسر الهلال في اخر مبارتين 6 نقاط ومن امام القادسيه والطائي على التوالي وعلى

هالوضع الحاصل بنخسر الى نهاية الدوري ما يقارب 54 نقطه اذا اعتبرنا الهلال خاسر

في جميع مبارياته واذا افترضنا ان الهلال سيقابل فرق قد تكون داجه مثل " الحالمي "

نصرفله 10 نقاط ونقول بيخسر 44 نقطه "انشالله ماحدش حوش " على قولة اخواننا

في لبنان .

ولو فكرنا وش الاسباب بهبوط المستوى بنلقاها كثيره منها عدم وجود رئيس مثلا ونقص

تقدر تقول حاد في اللاعبين الدوليين او بالاصح بالنجوم ومنها ايضا الغياب الجماهيري

الملاحظ والملفت للنظرالا ان السبب الحقيقي هو الميكانيكي اللي عاد نفسه وحنا عادينه

مدرب لا ولا العبقري حق المختبرات اللي مسوي فيها " دونجا" كله كوم و"جارديل "

البرازيلي كوم ثاني طبعا اقصد مستر " خبز مفرود "

واذا نبي نفوز ونلعب صح وننافس على المربع ( الحمدلله مالغوه ) وترجع الجماهير

للمدرجات يجب عالاداره الهلاليه عرض " المتعاقدين " ( وكثيره عليهم هالكلمه بعد)

في ساحات الحراج علشان تبرد حرتنا وينطفي قهرنا من هالحثاله .