أنـس
الحين هذا اسمك لأني مشكك صراحه فإذا غلطت معليش يعني 
عـوافي والله .,,. تقديم ممتاز ومرتب عسـاكم على القوه
قرعة دور الـ 8 صراحه خدمتنا كمتفرجين
.. ولو اني تمنيت تونس تتأهل عشان تكون مباراه نار مع مصر
.. لكن يالله لعيون ايتو كل شي يهون
اتوقع هذي المباراه راح تكون حذره وممله صراحه .. صاحب الارض انغولا اللي يطمح انه يوصل ادوار متقدمه في البطوله واللي قدم صراحه مستويات مره كويسه .. ويكفيك مباراة القرن صراحه 4-4 مع مالي
انا ماصدقت صراحه ان صار اللي صار في ذيك المباراه
.. وعندهم المستلج فلافيو بقرعته
ماشفنا هالاشياء مع الشباب
.. غانا المنتخب الرائع صراحه لكن اظن فرصة حصوله على اللقب صعبه جدا جدا .. هو فرط فيها عام 2006 يوم كانت البطوله تقام في ارضه الحين مع ان الفريق فيه نجوم كبار مثل ايسيان واسامواه ومدري كان ابياه للحين يلعب في المنتخب او لا .. يعني الفريقين كويسين لكن المباراه راح تكون مقفله وبيروح ثلاث ارباعها على جس نبض
آه والله اني انتظر هالمباراه على احر من الجمر
.. احس بيكون فيها كر وفر من المنتخبين بشكل غير طبيعي واتوقع انها تكون واحده من افضل مباريات البطوله مع ان مستوى الجزائر حتى الآن عليه علامة استفهام وهو اقل بكثير من مستوى الفريق في تصفيات كأس العالم وخصوصا بعض اللاعبين مثل كريم زياني ونذير بالحاج وكريم مطمور ورفيق صايفي هذول اللاعبين اللي يعول عليهم رابح سعدان في الفريق وحتى الآن مستواهم ماوصل للي الجماهير الجزائريه تنتظره منهم .. منتخب ساحل العاج
.. بطل هذه المسابقه من وجهة نظري
لأنهم لو ماخذوها هالسنه هذي خلاص انا اقول يكنسلون المنتخب ولا يشوفون لهم صرفه
.. يعني صراحه شي غريب منتخب مدجج بنجوم العيار الثقيل .. عيال توريه .. دروجبا .. كالو .. كونيه .. زوكورا و الجديد هذا جيرفينهو اللي اسمه مزروف من ساوث اميريكا
.. صراحه الفريق انا اشوفه مرشح فوق العاده للبطوله وراح يحسمونها هالمره بخبرتهم .. وزي مايقولون الثالثه ثابته وان شاء الله يخيب توقعي
كل التوفيق للجزائريين بالوصول للنهائي
.. ولو قابلو مصر ان شاء الله يخسرون
القـدعـان
.. الرقــاله
.. اداء ولا أروع من الفراعنه في هذه البطوله , 3 انتصارات .. 7 اهداف سجلها واستقبل هدف وحيد فقط .. اكثر المتفائلين لم يتوقع اداء قوي لمنتخب مصر وخصوصا امام العريق نيجيريا .. يعني انا ان شاء الله متفائل بالوصول للنهائي وتقديم مستوى مشرف كما هو متعود دائما للمنتخب المصري .. يعني تشكيلة اللاعبين هي هي نفسها تقريبا اللي في عام 2006 .. حتى احمد المحمدي اللي كان احد النجوم الواعده في تلك البطوله اصبح لاعب مركز اساسي الآن في المنتخب .. لكن السؤال هنا وش الخطه اللي بيلعب فيها حسن شحاته ممكن يلعب 4-4-2 وممكن يلعب 5-3-2 وانا اشوف الاخيره هي اللي يتقنها لاعبو المنتخب المصري اكثر .. اتوقع مشكلة المنتخب المصري حاليا هي منطقة الوسط والسبب هو الابتعاد الكبير لحسني عبدربه عن مستواه المعروف .. حسني الآن من وجهة نظري عالة على خط الوسط المصري .. وبقدر ماأكره اني اقول هالشي
انا اشوف حسام غالي المفروض ينزل اساسي .. على كل حال شحاته أخطأ في عدم استدعاء محمد حمص للبطوله كان ممكن يفيده اكثر من غالي وعبدربه غير مركز المحور اشوف باقي خط الوسط بخير بوجود احمد حسن المتألق وبوتريكه واحمد فتحي .. الهجوم ممتاز جدا بوجود زيدان الغائب الحاضر وعماد متعب واللي يستهبل محمد ناجي جدو
.. على الطرف الآخر منتخب غني عن التعريف صراحه وفريق يبحث عن الثأر من الفراعنه بعد خسارتهم مرتين من المصريين في 2006 .. 4-2 في دور المجموعات و هدف يتيم في النهائي .. فريق الكاميرون بالخبره الكبيره بوجود ايتو وجيريمي والهالك سونغ
.. طبعا سونغ المدافع مو المحور هذاك يالبا قلبه
طبعا الحراسه ممكن هي مع مصر الافضل في افريقيا ادريس كاميني غني عن التعريف حارس الابن العاق
.. الجماهير موعوده بمباراه رائعه وقويه بشكل كبير وان شاء الله كل التوفيق للمنتخبين العربيين حتى الوصول للنهائي بعدين عاد يفوزون حبايبنا
مباراه بايخه مني معلق عليها
لي عودات كثيرات ان شاء الله
مصر والتأهل لنصف النهائي أن شاء الله 
..!!
الوضع المتطور
