,, نتيجة السهر,, والسفر والقصايد ,, وتحطيم الموهبة ,, فضاااوة
مـــــدخــــــــــل
كذاب من قــال الـشـعر يـفرج الهم ,, هذا انا اكتــب قـصــايد ولازلت
افطــر واتـغــدا وأقـلـط مـع الــغــم ,, وكتبت من كل القصايد وطولت
ياعــم مــاينـــفـع مع الشوق ياعم ,, غير الذي لامن لمـحته تـعدلت
,,
زمان أيام الثانوية كنت دايم اسمع للشعر والقصايد وكنت أحفظ الشعر بسرعة كبيرة ( قولو ماشاءالله والا ترا أنسى الباسوورد وماعاد أدخل الزعيم وبتضيق صدوركم وتتمسح حروف كيبورداتكم << وش دخل الكيبورد ) المهم اذكر حفظت قصيدة طولها 40 بيت وأبياتها صعبة صعبة ومع هذا حفظتها بعد تكرار أكثر من 10 مرات
وهذي من أول أبياتها ( ياليت أحد يحاول يحفظ ثالث بيت )
الحمد للي دبر امره وسارا ___ المطلع عالم خفيات الاسرار
ينصر ويدمر والكسر والجبارا _____ بيد الولى قهار دمار الاعمار
واخلاف ذا ياراكبين البكارا _______ عيرات من ذروات حصات الاوبار
خمس وخمس عيونهن كالشرارا _________ مافوقهن غير السفايف والاكوار
سمحات الادمي نابيات الفقارا ____________ عوص النضا من نسل ذروات عتار
خمص الخواصر مانشن بالحوارا ____________محنونيات مثل الاقواس ضمار
المهم اني كتبت أول قصيدة وفرحت ورحت لشخص قريب وقلت انا كتبت قصيدة قال عادي كل واحد يقدر يكتب شعر لان الشعر صفصفة كلام .!!!
انا انصدمت من هالرد ,, كيف وانا أشوف الشعر شي صعب وفرحت ان موهبتي تفجرت
المهم بعدها جلست سنتين ماكتبت ولاقصيدة ولاحاولت ,, لكن بعدها صار موقف وهزني وكتبت قصيدة قوية وبعدها عاد مشيت على الدرب .
المقصد من المقدمة اللي فوق هو نقطة التحول بحياتي << تكفى يا كمال الشناوي
اكثر الأهل يحطمون عيالهم ,!! مع ان بعض المواهب ماتحتاج جهد من الأب او الأخ او او ..
على طاري عدنان جستنية أذكر واحد من الشباب جا عند ابوه قال يبه : ( طبعا الرد الطبيعي ) قال ابوه : وحطبه وش تبي قال أبي اشتري فرس وابي أسابق به قال ابوه ياولدي تلايط ورح جب لي دخان << اووووم الدعس على الوجه
مرة كلمني واحد عن مهند جبريل وقال لي قصته ,, بصراحة ماصدقت ,, ودخلت اليوتيوب وشفت العجب العجاب عن هالشخص وشفت الاهمال وعدم الرعاية الصحية له وبالذات اهمال علاجه في بداية الاصابة ( كما عرفت من حديث لوالده )
للأسف حتى البلد يهمل المبدع والموهوب والطموح ,, لاتوجد لهم رعاية حقيقية , واكبر تكريم هو السلام على الملك عبدالله والا دعم بسيط من جهة معينة ,!!!!
المفروض تكريم المبدع ودعم الموهوب عشان كل من يشوف فيه نفسه موهبة يحاول يطورها ,,
,,
المهم اتبهو لبزارينكم وشوفو مواهبهم وهواياتهم ,, وش فيها اذا بزر هوايته صيد الضبان ( تبقى هواية )
طورو هالهواية لاتكسرو مجاديف الولد خاصة وان الضب معشوق البنات الأول
,,
عموماً الموضوع ماهو مرتب لاني مانمت ولاجاني النوم ولاظنيت بيجيني والظاهر مالي الا اونس نفسي بالقصيد لعل الله يعني على الشوق والسهر
موضوعك على الجرح يااااخي أحس عندي مواهب كثييييره بس عشقهم يدفنونها أولها صوتي ودي أسوي ألبوم أناشيدي بس محد معطي سداح فرصه صوت المرأة عوره اوكي موهبة الصوت بأدفنها طيب وموهبة التمثيل ؟ طيب وموهبة طولة اللسان < هذي أتوقع مالها حل عندي موهبة الشعر ورب الكون أنا شاعره بس اندفنت بكبري هنا بالمجلس وبعد عندي موهبة السفر ما يمديك < وإذا حبينا قالوا انطقوا ما فيه حب قبل الزواج طيب وبعدييييييييييييييييييييييين ؟؟؟؟!!!! وإذا رحنا للبر وقلنا نبي دبابات قالوا انطقي على راسك لا أعرستي سوقي دباب وإذا قلنا نبي نصيف في أوروبا قالوا لا أعرستي خلي رجلك يمشّيك طيب أنا أبي أنبسط معكم قبل لا أعرس وإذا قلتلهم بأزور صديقتي قالوا وش ذاااااااا الكلااااااااااااااام لا عاد نسمعك تقولينه مرتـ(ن) ثانيه وإذا قلتلهم بأروح الملاهي مشتااااااقه لها قالوا ما عندنا بنات يروحون الملاهي (ننتحر يعني )
برب أنتحر وأجي
ــــــــــــــــــــــــــ
أبشركم الجسر مقفلينه ولاّ كان ما يردني ألا قاع الوادي
حمد .. احمد ربك انك تقدر تسوي أغلب الأشياء اللي احنا محرومين منها أقلها الدباب <<< قلبها يتقطع على الدباب بس على قولتهم ما فيه ألا إذا حجت البقره على قرونها تكفوووون يالطيبين نخيتكم من يساعدني نحجج بقره على قرونها ونفتك من هالعقد اللئيييييييييييييييييمه
اييييييييييييييهاااااااااااااا يا حزم الظاااامي
حمد .. ما شاء الله عليك استمر ووواااااااصل روعة المنظومة الشعرية < القلب للمنظومة
حمد والله أثاريك رغما عن التحطيم طلعت شاعر <<لازم أكتب قصة كفاحك وننشرها نخلي العالم يستفيدون - بالذات متابعة بصمت - أحسها بتستفيد من الكتاب..ههههههههه
والله إن كانك جيت للمواهب بصراحة..حنا ماتعودنا على تنمية هالأشياء عند أبنائنا وإخواننا ..
خذ هالسالفة طيب / مرة كنت في جدة وكنت بالكورنيش ..المهم رحت لكشك أبجيب أغراض..وأنا واقف عند الكشك إلا ويجي رجال حجازي ومعه ابنه يمكن عمر الولد 5 سنوات ..قام الولد قال لأبوه أبغى بليلة ..قام الأب طلب له بليلة وقعد الأب يبي يحرك توابل البليلة الشطة والكمون والحركات هذي..جاء الولد قال : لالالا أنا أبغى أحركها ، قام الأب وعطاه الصحن وقعد الولد يحركها ..وتمت العملية بنجاح..قام الأب وخم الولد ذيك الخمة وعطاه ذيك البوسه الي حسيتها في خدي<<واحد محروم من التبويس وهو صغيييير هههه ، وقال له : برافو يابطل..<<ترى كل هالخمة والبوسه علشانه حرك الصحن كويس..وحنا لونسوي كل شيئ قالوا لنا أهلنا : انثبر ولايكثر..
أهلاً وسهلاً حمد حيّا الله أهل الجمهور بصراحة أنا ماتحمّست أرد إلا عشان القصائد p: ما شاء الله كلمات رائعة صح لسانك
إقتباس
اذكر حفظت قصيدة طولها 40 بيت وأبياتها صعبة صعبة ومع هذا حفظتها بعد تكرار أكثر من 10 مرات
ما شاء الله لا قوة إلا بالله من عشر مرّاتوش يقرب لكم الشرهان ؟p:
خسارة هالموهبة تضيع , أجل حظّك ما شاء الله يسهل عليك حفظ القرآن ..
إقتباس
( ياليت أحد يحاول يحفظ ثالث بيت )
عجزت أقراها عشان أحفظها p: لكن مانقووول إلا ما شاء الله على ذاكرتك .. ..
بالنسبة لتحطيم الأهل
فـ الله يرحم الحال بس , ياما من المواهب قتلت مع ولادتها =s
:
الله يعطيك العافية حمد الهلالي
موضوع جميل ومختصر , و الله يجمعك بمن إشتقت إليه
المقصد من المقدمة اللي فوق هو نقطة التحول بحياتي << تكفى يا كمال الشناوي
بنكلم سعود الدوسري يستضيفك في برنامجه
إقتباس
اكثر الأهل يحطمون عيالهم ,!! مع ان بعض المواهب ماتحتاج جهد من الأب او الأخ او او ..
واحد من أخوياي وجهه موب وجه دراسه < يعني أنت الفالح الحين !!
المهم بعد ماتخرج دخل كلية ولافلح وشاتوه مع الباب
أخر شي قرر أنه يروح بعثه للخارج يكمل دراسته !!
راح لأبوه وقال له أني بروح أكمل دراستي برآ ..!!
أبوه ناظره ثم رفع يده يناظر الساعة !!
قال له : يمديك الحين قبل لايرفعون سلم الطيارة ؟
على العموم صح لسانك , مع أني ماستوعبت الموضوع بشكل كامل !! فيني نوم مُش طبيعي ..
- متابعة بصمت / حسيت إنك شوي وتموتين من القهر..أممممم بروح بكره أبركب دباب وبصرخ بأعل صوتي : متااااااااااااااابعة انقهري <<قمة النذالة هههههههههه
الله يحقق أمانيك ياشيخة..طيب تزوجي وفكي نفسك وسوي الي براسك وقتها..الله يرزقك بابن الحلال يارب الي يركبك دباب أبو كفرين بعد<<عشان تروحين فيها هههههه
ههههههههههههههههه المشكله والبلا اني أعرست وعيا يخليني أركب دباب بعدها طلقته وطلقت كل الرجاجيل من بعده والآن عدنا للعزوبيه يا لبى ى ى بس ترى كلامي عن أهلي كله خبال .. الله يخليهم لي < بعد ايش يالله أهم شيء بنتي ألحين من يجي عمرها سنتين بأخليها تركب دباب ويا ويلها لو ما تعرف تسوق
حمد عذراً على الخشّه الثانيه كله من سيناتور الله يهديه يحارش
اولاً ماشاء الله اهنيك على هذه الشاعريه , وجميل ان يحفظ الشاعر شعره بوقت قياسي ..
حتى مايحجر له احد ويقول وش اخر بيت كتبته يقول امممم بالدفتر في غرفتي بالدرج الاوسط
حقيقه وبدون مجامله ..ما اقول الا ماشاء الله عليك ابدعت بالقصيده ..
وصح لسانك وفالك البيرق ..
واشيد بنقطه ذكرتها , وهي ان ننمي موهبة الطفل , اياً كانت كوره -شعر - رسم - جمع الطوابع
لي اخ صغير بخامس ابتدائي , مجنوووون شي اسمه كوره , , من يطلع من المدرسه وهو يايلعب كوره
يا يلعب بلاستيشن كوره , ويعشق شي اسمه ياسر , لدرجة انه يقلد حركاته وطيحاته
طبعاً وانا مار عليه بالحوش يقول طقطق معي شوي << مسكين اخوي الصغيرالوحيد
طبعاً اسوي عليه حركه وافر منه واقول يافاشل يعصب يقول انت تحطمني
واحياناً اقول له شوفت ع مكان معين وان شاتها وماجات هدف اقول يافاشل يعصب
وبعدها صرت ارحمه واشجعه يمكن يكون له مستقبل بالكوره
اسف على طول الرد , والظاهر هذا اطول رد لي بشبكة الزعيم
متابعة بصمت / تبين الصراحة :
وش أسوي فيك إنتي الي تخليني أحارش..احم ههههه
الله يخلي لك أهلك وحبايبك..
وعلى قولة فريد الأطرش <الحياة حلوة بس نفهمها >..والله لو فهمناها نكون من صناع الأحداث فيها وليس العكس..
السعادة فن ولست بذاك الصعبوبة..لكن الأكثر فنا صعوبة هي (صناعة السعادة ونشرها بين الناس)..كوني صانعه من الصناع يا متابعة ..
يالله ربي يسعدك وين ماتروحين وتوجهين..ويرزقك سعة البال..
شيئ وصلني وأعجبني جدا :
(ألا يا غايب عني معي حاضر كما الدستور **خيالك مايفارقني بفكري دق مسماره)..مرررة حلوة..
حمد والله آسف بس أحيانا تضطر تدخل مرة ثانية..قسم بالله ما أعودها ..
..عبدالعزيز..
)
)
,, لكن بعدها صار موقف وهزني وكتبت قصيدة قوية وبعدها عاد مشيت على الدرب .
< هذي أتوقع مالها حل 
)
الوضع العادي
