|
لو سمحت اخوي ممكن توصلني ؟ اكيد صارت لك تعال عطنا رايك السلام عليكم ورحمه الله وبركاته اول موضوع لي يناسب المجلس < دايم مواضيعه تُنقل :cry: المهم . موضوعي اليوم يتكلم عن (ممكن توصلني قدام ) :to: مثلاً كنت طالع برى البيت ورايق وفايق ناوي تتمشى وتضيع وقتك وتنبسط وناوي تمر اخوياك .. وانت في نص الطريق .. فجأه لقيت احد يأشر لك . . يبيك توصله (نهايه الشارع) طبعاً انت خذتها بحسن نيه وتبي الاجر قلت له اركب اوصلك .. ركب الرجال .... طبعا الحين راح تصير قصص وسوالف نادر تحصل شخص ركب معاك (يكون صاحي) قصه حصلت لأخوي : هذي سالفه حصلت لأخوي طلبت منه الوالده يجيب اغراض من البقاله (خبز) :d ناوين يحطون العشاء .. وطلع اخوي مستعجل بيجيب الخبز ويرجع بسرعه وهو رايح للبقاله (أشر له رجال) :to: اخوي على نياته وقف ولا طرى على باله شي قاله الرجال : بالله وصلني قدام ... قاله اخوي اركب :s5s: اخوي التفت على الرجال وياليته ما التفت :s2: وجهه يخوف تحسه في بلا قمط العافيه اخوي :s2: قاله وين تبيني اوصلك قال له المحطه اللي قدام < فيه محطه قريبه من الحاره المهم وهم في طريقه للمحطه الرجال بداء يسولف كان يقول لأخوي : ياخي ودي اصير جني :to: ماتعرف احد يخليني اصير جني :cry: اخوي قام (يسلك له) والرجال متحمس يسال عن الجنون وكيف يصير :s2: المهم الرجال نشب لأخوي قاله هات رقمك :ap: وعطاه رقمه < قامط العافيه ههههههههههههههه :s2: كنت ادق عليه تاخر ماصار ذا خبز :to: وكان مقفل جواله ويوم وصل البيت سالته وش فيك تاخرت علمني بالسالفه . :to: بصراحه من يوم قال لي السالفه وكل ماشفت احد يببي توصيل والله لو يحفر ماوصلته :s3s: لدرجه مره طالع من الحاره وحصلت شايب دق الدريشه يقول وصلني قدام قلت معليش ياحبيبي انا بجيب اهلي من الكوفيره < كان جنبنا مشغل :s2: زحلقت الشايب :to: ــــــــــــــــــــــــــ اسأله : - لو حصلت احد يبيك توصله هل توصله ؟! - هل حصلت لك سالفه وندمت انك ركبت شخص ؟! - اكيد سمعت من اخوياك يقولك (انتبه تركب احد) .. كنت مقتنع بكلامه ولا لآ ؟! وسلآمتكم :wub::rose: |
بصراحه مره كنت على خط الرياض ووقفتني عجووز .................... :O <<<لحظه ما اسووق اترك الاجابه لأخواني الشباب <<<اجل ليه قاطه :D بس يعطيك العافيه خيوووو ::: |
إقتباس:
كثروا المرضى النفسيين ونلقاهم بالشوارع الرئيسيه دايم مناظر تقطع القلب .. بس الشكوى لله :cry: وبالنسبه للتوصيل .. احتسب الأجر وأحسن الظن s13s ــــــــــــــــــــ تسلم على الطرح .. موضوع مهم جدا :yes: |
:rose: وعليكم السلام ورحمه الله وبركاته نجي لموضوعك :d احس عادي تركب احد وتوصله ..مافيها شي مساعده للغير :) انت كبير وهم كبار يعني وش بيسون فيك :d وحرام عليك يومن انك تطرد الشاايب مسيكين وش يمشيه :cry: كسر خاطري :cry: .... انا اخواني كلهم عادي يوصلون اللي قدامهم حريم ورجال ماهنا مشاكل الناس للناس :d:smilie47: وابوي كمان مايخلي احد يوصل بس ابوي مره من الف يشتهي يوصل احد :d ان جينا للصراحه يعني اهع وبس نترك المايك للعيال يجاوبونك :s2: تحياتي :rose: |
الموضوع للشبااب ومحد درعم فيه الا احنا يالله بس لو نسووق <<<كني غيرت الموضوع :D حبيت اعقب على كلام اختي (( متابعه بصمت)) صادقه كثرو المرضى وربي نلقااهم بكل مكان الله يعافيهم ولا يبتلينا تقبل مروري الكريم الثاني :) |
والله لو كان ع الخط بوديه واحتسب اجر .. لكن انه يرجعني ماني ملزوم :) |
اممم انا مره كنت عند اختي مسيره عليها فالروضه ساكنه <<<وش يسون بها طيب^^ الموهم جا زوجي بياخذني يقول وانا فالطريق قابلت شايب يأشر يبغى توصيله يقول قلت يالله خلها تجلس عند اختها وقت اطول <<فديت الشايب الي طلع عشان اجلس اكثر^^ الموهم يقول ركبته معاي الا شوي جلس الرجال يسئل زوجي فين تشتغل ؟ ومدري ايش الا قاله بزوجك وحده من بناتي <<طبعا اتوقع زوجي يقص علي بيشوف مقدار الغيره عندي^^ يقول ثمن قام الرجال يسوي حركات فوق 18 سنه الا يقول بديت اخاف من الموضوع يقول شوي قال ................وقلت يابو الشباب انزل انزل الله يصلحك ويهديك قال ماتبغى ................ ويقول وقفت السياره ونزلته واظاهر ان الشايب سكران لان الوقت كان متأخر ممكن ع حدود12 وبس |
بالنسبـــة لي لو كنت ولد وأســــوق بالعكس عادي اوصل حسب إذا ماكنت مستعجلة :d<<< قمت أتخيــل جد اني أسوق الله يخلف بس:to: عموما مثل ماقالوا احسن الظن والنية مع الحرص واحتسب الأجر وفيه ناس كثير ينقطع الطريق ويحتاجون توصيل يمكن الأولاد يعطونك رأيهم وانتم أخبر بالأمور هذي...:rose: |
حياكم اللله مشكورين على التواجد وتعليقاتكم ننتظر الشباب ونشوف رايهم يعطيكم الف عافيه يارب :) |
انا ماقد حصل لي اني وصلت الا شخص واحد حتى الى نهايه الشارع يعني يمكن ماتوصل كيلو بس لاني بصراحه ماتضمن الناس يكون سكران او معاه شي لانه بصراحه نادر ماتلقا شخص طبيعي يوقفك العاده الكل يتجهه للتاكسي لان الشخص يحس التاكسي اريح ومايكون لحد فضل عليك . واحد من الشباب ساكن في عماره عزاب في مخرج 5 المهم يقول يوم جاني شخصين وهو خارج من العماره متجه لسيارته وقالوا له ممكن توصلنا مخرج 9 يقول رحبت فيهم وركبتهم معي بعد ماوصلنا واحد منهم اعتذر قال مامعنا فلوس يقول انا ماجاء في بالي اخذ منهم هو اللي تكلم وقال مامعنا فلوس لكن ممكن نعطيك شي ثاني يقول طلع من جيبه حبوب كبتاجون يقول واطلع السكين واوقف مكاني يقول نزلتهم وهزئت فيهم لحد مازعلوا ,,اللي ابغى اوصله لو شخص صغير في العمر مثلا وحب يجرب وطاح في حبوب بسبب شغله اللي كان يبغى منها الخير عشان ناس زي هذا ماتخاف وهي ترمي بلاويها على الناس ,,اسف على الاطاله . |
إقتباس:
., ماتلاحظون معآي انهُ شيابنا صاارت عقولهم ........ وحركاتهم لكمــ عليهااااااااااااا :to::mad: .......... >>الدنيااا صارت تخوف :cry: |
السلااااااااااام عليكم ههههههههههههههههههههههههههههههههههههههههه انا لوو انى بمكااان اخوووووك .... طبيت من السيااارة وهى تمشى ههههههه >>> خواااف الغاااالى .... والله ماااايخجل اللى راااكب معاااه .. المفروووض يحتررم نفسه دااام الرجااال وقف لك وخدمك بتوووصيلك .. - لو حصلت احد يبيك توصله هل توصله ؟! الصراااحة ... على حسب شكله اذااا كااان شكله يخووووف هههههه ماااراااح اوووصله - هل حصلت لك سالفه وندمت انك ركبت شخص ؟! حصلت معااااى انا واحد الزملاااء ... كنا مسااافرين للاردن عن طريق البر ... وطلب منا احد موظفين المنفذ على الحدود توصيلة لمدينة عمان .. على طريقنا ... وقلنا حياااااك تفضل ... وعاااملنااه معااملة اخوووه ..وكانت فى الخلف كاااميرا تصوووير .. وبعد مااانزلناااه بفترررة فقدناااها .. وشكله لاااااطشها ههههه - اكيد سمعت من اخوياك يقولك (انتبه تركب احد) .. كنت مقتنع بكلامه ولا لآ ؟! اكيد اقتنع بكلاااامه ... |
احس عادي تركب احد وتوصله ..مافيها شي مساعده للغير :) انت كبير وهم كبار يعني وش بيسون فيك |
أمممم أنا عن نفسي الأصل إني ما أركب أي شخص معي..لأن الدنيا ألحين صارت تخوف.. يمكن تركب واحد ويصير معاه سلاح وبعدين خل الهياط ينفعنا يا سلفيستر ستالوني.. ويمكن تركب واحد يكون سكران وتبلش فيه .. ويمكن تركب واحد إرهابي ومطلوب أمنيا ويقفطونك معه..وبعدين قابلني لو شفناك بعد 30 سنة.. ويمكن ويمكن..إلخ.. أكيد بتقولون وش فيه عبدالعزيز مقدم الجانب السيئ..؟!! أنا أقول : مايعني هذا إنه مافيه ناس فعلا محتاجة..بس كثرة حوادث النصب والاحتيال والتوهيق والمشاكل خلتنا نخاف على أنفسنا وسمعتنا وحريتنا أكثر من حبنا لمساعدة الآخرين..!! واحدنا يقول : خيرا تلقى شرا تعمل..والثاني يقول ابعد عن الشر وغني له..والثالث يقول : خل عنك القرادة..ألخ.. والمصيبة العظمى إذا كانت الي تأشر وتطلب المساعدة بنت..!! أقسم بالله يتضارب في راسك أنواع المبادئ السامية في ذاك الوقت(النخوة ، العروبة ، الرجولة ، استر على البنت ، ..إلخ) وأيضا تتضارب العوائق أيضا (لاتتبلاك ، يمسكونكم مع بعض ، يمكنها جني ، يمكنه رجل متنكر ، مرتكبة جريمة وهاجة من أهلها..إلخ) آآآآآخ ياراسي جتني دوخة.. المسألة مخيفة باختصار شديد..هذا رأيي وسلامتكم.. ..عبدالعزيز.. |
والله موضوع بطل .. في سالفتين وحده صارت لـ اخو خويي والثانيه لواحد من الجماعه الاولى سلمكم الله كان رايح اخو خويي لبيتهم طبعا هو كان ما يقفل البيبان يعني يخليهاا زي ماهي .. المهم كان باب المعاون مفتوح .. ووقف الرجال عند اشارة شوي الا يركب رجال ما يعرفه ويسكر الباب وماسك مسدس يقول حرك يالله واخو خويي يمشي شوي ويساله وين تبي اوديك قال الي معه المسدس روح قدام .. واضح انه هارب من شي .. الا فجاءة يلعن في ابوه ويسبه يقول الله ياخذ ابوي مبلغ علي انا ما بغيتها تصير كذا بس هو ليه يبلغ ومدري وش .. خوينا يقول والله خفت واضح انه متنرفز وفيه مشكلة كبيره مسويها .. المهم يقول الرجال الي معه المسدس قاله ابيك توديني لبيتكم تكفى طالبك دبرني .. يقول خوينا والله انا من الخوف مدري وش اسوي بس تشجعت وقلتله يا رجال ما عليك انا عندي لك راي اوديك لاقرب شقق وادبرلك فلوس تسنع نفسك بها قال الرجال اوك بسرعه المهم يقول نزلته في الشقق وقلت انتظرني بروح اجيب الفلوس وبجيك لا تروح .. يقول خوينا والله على طول البيت ههههههههههه وما يدري وش صار للرجال .. السالفه الثاني .. هذي سلمكم الله عجوز كانت تمشي بحارة واحد من الجماعه وقت الظهريات وكان الجو حار .. المهم ولد عمي وقفلها وقال تبيني اوديك يا عمه .. قالت اي يا وليدي وركبها وراح يوديها قال وين تبيني اوديك .. قالت ودني لبيت ولدي فلان .. يقول انا وش عرفني بفلان ذا .. قلت يا عمه منهو فلان وين ساكن .. قالت والله مدري انا طلعت وضيعت البيت بس تكفى ودني عنده يقول والله اخذت حول ساعتين كل شوي اوقف عند واحد واساله عن فلان هذا ... يقول اخر شي طحت في بزران طلعت هالعجوز تقربلهم يقول ركبتلي واحد منهم لين وصلني لبيتها ونزلتها خخخخخ |
| الوقت المعتمد في المنتدى بتوقيت جرينتش +3.
الوقت الان » 10:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd