|
نهائي كاس الاميرفيصل ،، اتمنى بان يلعبون لاعبي الخبرة في هذا النهائي وهم كالتالي ؟؟!!!! السلام عليكم ورحمة الله وبركاته تحية طيبة في البداية احب اني ابارك لجميع الهلالين وعلى راسهم الرئيس الذهبي عبدالرحمن ابن مساعد ونائبه نواف ابن سعد وجميع اعضاء الشرف الفعالين والداعمين والمحبين لنادينا الزعيم، احب كذلك ابارك وانهي لجميع الشعب الهلالي وان شاء الله فرحتنا هذي اتم يوم الخميس المقبل بالاحتفال بعد مباراة الشباب بالفوز بكاس بطولة الامير فيصل ابن فهد... من هنا ... فانا اعلن بانني اول الحاضرين لهذا النهائي لمساندة الزعيم والاحتفال على ارض ملعب الملز بالكاس - بمشيئة الله-.. عموما فزنا مساء البارح بعد ان نشف ريقي (حكم المباراة - مرعي عواجي) ورجال الخطوط بالقرارات اللي مدري وش تبي وخاصة في الشوط الاول (فهناك ضربة جزاء للهلال لم يحتسبها؟؟!!!) وهناك مخاشنة مع لاعب الهلال شافي الدوسري وغيره لم تحتسب لهم فاولات ولا حتى منحت للاعبي الاهلي اي انذار بهذا الشان... عموما الحمد لله انتصرنا ولا يهمنا غير الفوز حتى لو كانت بعض القرارات سلبية على الهلال... الموضوع الثاني لاعبي الخبرة واللي فوق 23 سنه يسمح لهم بالمشاركة في النهائي - اتمنى ما نجامل على حساب فريقنا وخاصة ان هذا نهائي، فمساء البارح شفنا نقاط ضعف واضحة وصريحة من بعض لاعبي الخبرة واللي فوق 23 سنة ومن ضمنهم (محمد نامي) واللي جاء من خانته الهدفين الاول والثالث عن طريق كرات عرضية بعد استغل لاعب الاهلي منصور الحربي سرعته وبطء محمد نامي، واتوقع بان الشباب لديه لاعبين اسرع من منصور الحربي كلاعب عبدالله شهيل يسار، وحسن معاذ يمين. من هنا اتمنى اعطاء الفرصة لـ (سلطان البيشي) كظهير ايمن بحكم انه لم يتعدى 23 سنه، ونلعب باسامة هوساوي بجانب (حسن خيرات) ...فمساء البارح اتضح لنا ضعف وقلة خبرة اللاعب المدافع الشاب (عبدالله الدوسري)... لهذا اتمنى تكون التشكيلة كالتالي : في الحراسة : ما احد ينكر بان حسن العتيبي مساء البارح قدم مباراة جميلة ورائعة ولكن اتوقع لو نستفيد من خانة الحراسة في خانة اخرى بوجود لاعبي فوق 23 سنه يكون افضل واحسن بحكم ان لدينا حارس جيد هو (خالد شراحيلي) وتكون باقي التشكيلة كالتالي : سلطان البيشي - اسامة هوساوي (فوق 23 سنة) - حسن خيرات - شافي الدوسري في الوسط اتمنى يكون متواجد كل من : عمر الغامدي (فوق 23 سنة) - عبداللطيف الغنام او خالد عزيز (فوق 23 سنه) - احمد الفريدي - سلمان الفرج في الهجوم كل من : ياسر القحطاني (فوق 23 سنه) - عيسى المحياني (23 سنة) - احمد الصويلح ونواف العابد وسلمان مؤشر وان شاء الله تكون البطولة هلالية وتكون اول بطولاتنا هذا الموسم،،، تقبلوا تحياتي،،، |
نتمنى ذلك بالتوفيق للزعيم |
بالخبره ولأ بدون خبره انشاء الله البطوله اتمنى التوفيق للهلال دائما وابدا اين ما حل وارتحل ولكم مني اطيب التحايا |
الله يكتب اللي فيه الخير .. والله أتمنى نفس التشكيلة اللي أمس بدون محمد نامي فقط ويلعب بداله البيشي ... وعبدالله الدوسري ويلعب بداله هوساوي دمت بود |
آتمنى مآ يغيرون الخطه وتكون نفس الي بدو فيهآ لآن حرآم يتعبون ويآخذونهآ الكبآر بالرآآآآحه |
صراحة نتمنى بس يبقى هذا بيصير تقليل من امكانيات اللاعبيين الصغار |
بالتوفيق للهلال واتمنى عدم مشاركة ياسر والي يشاركون الاعبين إلي لعبو البطولة من البداية لانهم حاسين بتعبهم وانهم وصلو النهائي لازم مايفرطون بالبطولة وهذي وجة نظري |
الف شكر اخوي واتفق معك واختلف مع كل من قال حرام يتعبون عليها الصغار وياخذونها الكبار يعني اللي يسمعكم يقول الكبار من فريق ثاني ياخي ياخذها الكبار والا ياخذها الشباب فكرو فيها بطوله رسميه ونهائي يحتاج شوي خبره وتصحيح لاخطاء الدفاع الفادحه وبنفس الوقت حرام يتعب الصغار واخرتها تروح عليهم البطوله ولو تسأل اي لاعب من لاعبي الاولمبي عن لعب عناصر خبرة معاهم او بداله بيكون مؤيد لهالشي لانه تعب على ماوصل للنهائي فحرام عالاخير تضيع البطوله بس ان شالله الزعيم بيكون له كلمه والله يوفقنا يارب |
أتمنى لو يلعب الغامدي كظهير أيمن ... وعزيز والغنام كمحاور ومبارتنا مع الرائد يلعب كمحاور يكفينا رادوي ... وأتمنى يشارك الغامدي والمحياني وهوساوي و الغنام و عزيز .. والله الزوري ماشاء الله عليه فرق أمس يوم دخل للمباراة .. وبإذن الله جايين من الشرقية لعيوووون الزعيـــــم .. |
لا تكفون خلو ياسر يقعد نبي نفس لاعبين مباراة الاهلي بس ونامي بس يتغير |
\ المباراة يالغالي في الدرة ( استاد الملك فهد الدولي ) ونتمنى من الجمهور الهلالي الحضور وبقووووة لدعم الزعيم كذلك لإرضاء رجال ولاعبي الهلال ومحبيه خصوصاً الأمير نواف بن سعد اللي كان زعلان من الحضور الجماهيري لمباراة الأهلي اما عن التشكيلة ارى بأننا نلعب بنفس تشكيلة الأهلي افضل فـ ( الدوري ) تنتظرنا لقاءات حسم فيه وهو الهدف الأسمى لنا كهلالين اما كأس فيصل فالشباب فيهم الخير والبركة بعد تطعيمهم بلاعبي الخبرة احتياط الفريق الأول وياليت نركز على لقاء الرائد يوم الثلاثاء القادم في ملعب الملز فهذه مباراة هامة للغاية .. فالحضور الحضور ياشعب الهلال s13s تحيتي ، |
اجل ماتبي مجامله !!!! وين الشلهوب هداف الدوري!!! ومين جايب ياسر: اسوأ لاعب في الهلال!!! الشباب راح يلعب بالاول وكلنا نذكر ابداع؟؟؟ ياسر في مباراه الشباب والفرض اللي يتفنن في تضيعها!!! العابد افضل من ياسر بمرااااااااااحل بس جمهور ياسر يبغاه عشان ايش؟ مهاجم هو الاسوأ هداف الشلهوب افضل بمرااااااحل معروفه عشان اذا جاب هدف وهو شبه مستحيل لان العاده اهدافه على الفرق الضعيفه فقط يقول ياسر جاب البطوله!!! واذا ما سجل كالعاده يقولون ياسر يسحب المدافعين ويخلى الوسط يسجل!!! اكبر نكته سمعتها هالموسم !!! المحياني والعابد لازم ياخذون فرصتهم لكن حتى في الاولمبي لازم ياسر !!!! لازال التطبيل مستمرا |
نتمنى ذلك بالتوفيق للزعيم |
انا من وجهة نضري ما احد يلعب من لاعبي الخبرة لان الفريق الاولمبي قايم بالمطلوب |
اهم شيء مبارات الرائد الثلاثاء الملعب ياشباب |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd