بسم الله الرحمن الرحيم

والصلاة والسلام على أشرف الانبياء والمرسلين ..

مدخل:

يا نائم الليل مسرور بأوله

إن الحوادث قد يأتين اسحارا

////

من مباراة النصر والجماهير قايمة على الفريق كــل واحــد أخذله لاعب وقــام ينتقده الي أنتقد الزوري والي أنتقد ياسر والي انتقد خيرات والي انتقد ويلي والي انتقد نيفيز والي انتقد الشلهوب والي انتقد لي يونج والي انتقد الدعيع...!

////

انــا أدري ان المباراة ذيك صعب نسيانهــا وخصوصــاً انها جايه من الجــار وهــو من 6 سنوات مافـاز علينـا لكن يا جماعة الخير الفريق اللحين محتاج لـكم أكثر من قبل ليش مانوقف معه ونكون يد وحده بدال مو كل واحد يروح ينتقد لاعب ويحطمه ياشباب الدوري مابي عليه الا 5 جولات والهلال لــو فاز بــ 3 يضمن الدوري ليش مانحضر المباراة الجايه للهلال بدال مو قاعدين بالشبكة وكل واحـد منزل موضوع عن اللاعب الفلاني وهــو قاعــد بالبيت طيب كييف تبي اللاعب يلعب صح وانت مارحت للملعب وشجعته..؟

////

مبارياتنــا الجاية مع3 أندية

1- الرائد

الرائد مبارياته الجايه بــ تكون ياحياة أو موت ( يقعد او يهبط) يعني فريق له طموح وشفنـا كييف لعب قدام الاتحـاد وكان الاحق بالفوز وبعد مباراته مع الشباب طلع رئيس النادي وقال انه مو راضي عن مستوى فريقه يعني ان فريق يقدر يقدم مستوى أفضل من الي قدمه يعني هــو يلعب حتى آخر جولة من نهاية الدوري

2- الحزم

الحزم وماأدراك مالحزم زود على لعبة الجيد ملعبهم السيء والي دايم مايلقة في الهلال صعوبـات يعني في ملعب الحزم أو نجران لازم يكون عندك تكتيك بحت وإنك تلعب على لمسة وحده لــ صغر حجم الملعب والفريق الحزماوي بيلعب مبارياته الجايه بــ حياة أو موت لانه يبي منطقة الدفئ ويبي يدخل في كأس الملك..!

3-الاتفاق

نفسه نفس الرائد مركزه في خطر ويبي يحسن أوضاعة ويبي يشارك في البطولة الآسيوية أو الخليجية يعني مبارتنــا مع ماراح تكون سهله للغاية وراح تكون أصعب مباراة راح نواجههــا ومستواه من حسن لاحسن مع مدربة الجديد ومحترفيه الجدد .


//

البعض بــ يقول ليش ماقلت الشباب أو الاتحاد

انــا أقولك ليش مبارتنــا مع الاتحــاد بتكون تحصيل حاصل للفريقين لان الهلال بيكون حاسم الدوري بإذن الله وهـذي المباراة بــ تكون آخر مباراة بالدوري وبــ يكون الاتحـاد ضمن مركزة بالآسيوية لان راح يقابل الوحده الاهلي النصر وهذولي الي راح ينافسونه على المركز الــثالث والرابع

والشباب مبارتنـا مع راح تكون تحصيل حاصل اذا الهلال فاز بــ 3 المباريات الي قبل مباراة الشباب لان الفارق راح يكون 8 نقاط اذا مافرط بالنقاط الشباب يعني الفارق الحالي جــيـد لكن نطمح ان يكون أكثر عشان نرتاح ...

مخرج:

يا نائم الليل مسرور بأوله

إن الحوادث قد يأتين اسحارا


شلهوب ميسي

عزيزي تاكد النقد الهادف من الجمهور الهلالي من محبه لاغير ,,

وفعلا الهزيمه عاده تكون لقاح لمراجعه الحسابات ,,

وبأذن الله المباريات الثلاث بتوفيق الله وبدعمنا كجمهور تحقق لنا مانصبو اليه ,,

الف شكر لك عزيزي ,,

كل الود ,,

ياجماعه والله عطيتم النصر اكبر من حجمه بفوزه الاخير

تراه فايز 2-1 صح انها معجزه وبطوله بالنسبه للنصراويين

بس استفدنا منها كثير وهي رجوع الروح للاعبين وعودة حصد النقاط من جديد

بالتوفيق للهلال في قادم الجولات ..!

بالتوفيق للزعيييييييييييييييييييييييييييييييييييييييييييم وانت صادق مابقي الا وقت الحصااااااااد

موضوع مهم

النقد مطلوب لكن التجريح باللاعب لا والف لا ،، وانت وضحت الصوره كامله بخصوص هالشي


مبارياتنا القادمه واقصد الثلاث المباريات الجايه ماهي سهله ابد ، ومثل ماوقفنا مع الهلال في بداية
الموسم بنوقف معه اللحين وبإذن الله بنحقق مبتغانا .


شكرا شلهوب ميسي

إقتباس الرسالة الأصلية كتبت بواسطة قصيمي&&رايداوي بالتوفيق للهلال في قادم الجولات ..!

إقتباس الرسالة الأصلية كتبت بواسطة دنيا زرقاء بالتوفيق للزعيييييييييييييييييييييييييييييييييييييييييييم وانت صادق مابقي الا وقت الحصااااااااد

عوآآفي على مرورك..! نورت

إقتباس الرسالة الأصلية كتبت بواسطة صريح الكلمه عزيزي تاكد النقد الهادف من الجمهور الهلالي من محبه لاغير ,, وفعلا الهزيمه عاده تكون لقاح لمراجعه الحسابات ,, وبأذن الله المباريات الثلاث بتوفيق الله وبدعمنا كجمهور تحقق لنا مانصبو اليه ,, الف شكر لك عزيزي ,, يالغالي أغلبية النــقــد يكون تجريح من نقد وأغلبية الجماهير يجرحون بالمسكين(الزوري) ويــاسر لا هــذا الي مانبيه أصلاً مانبي انتقاد وانتم جاايين تنتقدون لاعب وتخلون لاعب مع انهم ماقدموا المستوى.! نورت يالصريح..! كل الود ,,

إقتباس الرسالة الأصلية كتبت بواسطة طيار هلالي حبيبي لاعبين الهلال بالذات لاعبين محترفين يستفيدون من الإنتقادات والدليل شف كل مباراه نلعبها ونفوز ويكون فيه كم لاعب ماهو بمستواه وبتحصل الجمهور ينتقدون هالاعب وبالمباراه الثانيه يساهم بالفوز ومباراه النصر أنتقدنا الفريق كامل وشفتهم لعبوا قدام الأهلي للفوز وبس وبطريقه السهل الممتنع انا عندي قناعة أن لاعبين الهلال ينهزمون من فريق ضعيف جدا وبعد الهزيمه يجيهم النقد من كل مكان وبعدها لو يلعبون قدام فريق كبير جدا صدقني يهزمونه لأنه يقدرون يتغلبون على النقد بالإستفاده منه همسه في إذن الدعيع وياسر تكفون أجتهدوا وقدمولنا مستوياتكم الي نعرفها عنكم مابقى الا ثلاث مباريات وناخذ الدوري

طيب يالغالي تــراهــم بشر ويتجرحون من الانتقــاد القوي والي ماله داعي وشــف نامي المسكين صحيح انه مايقدم مستوى لكن مانسوي فيه كــذا..!

نورت..!

إقتباس الرسالة الأصلية كتبت بواسطة مـــنـــادي الهلالي ياجماعه والله عطيتم النصر اكبر من حجمه بفوزه الاخير تراه فايز 2-1 صح انها معجزه وبطوله بالنسبه للنصراويين بس استفدنا منها كثير وهي رجوع الروح للاعبين وعودة حصد النقاط من جديد

يالغالي ماعطينــا النصر أكبر من حجمه بس هــذي المباراة الوحيده الي خسرنــاهــا وعشان كــذا الكل يتكلم عنهــا..! نورت

إقتباس الرسالة الأصلية كتبت بواسطة 20 الكاسر ياسر 20 موضوع مهم النقد مطلوب لكن التجريح باللاعب لا والف لا ،، وانت وضحت الصوره كامله بخصوص هالشي مبارياتنا القادمه واقصد الثلاث المباريات الجايه ماهي سهله ابد ، ومثل ماوقفنا مع الهلال في بداية الموسم بنوقف معه اللحين وبإذن الله بنحقق مبتغانا . شكرا شلهوب ميسي

نورت يالكاســر فاهــمني ماشاء الله عليك

للأسف يا شلهوب حنا جيدين في الانتقاد بس...واحيانا تدخل المنتدى تقول ماشاءالله كل هالاعضاء مدربين على مستوى عالمي...

أما النقد وهو المطلوب والموجه والمصحح وليس الانتقاد فلا تجده الا عند قلة قليلة تدرك ان مصلحة الهلال ومسيرة نجاحه فوق كل اعتبار..

محبوا الانتقاد تجدهم هنا يحترقون ويطلقون سهامهم بكل اتجاه للاعبين ...لكن في الملعب ما عندك احد...الا اذا ضمنت لهم ان الفريق بيفوز علشان ينبسطون بالملعب واذا انهزم الفريق قاطعوه..

هذه الفئة المفروض ما يلتفت لها ولا تعطى حتى أهمية..والتركيز والأهمية لمن يوجهون نقدهم وليس انتقادهم من اجل مصلحة الفريق اولا وأخيرا...والحمد لله فيه من جمهور الهلال الواعي ما يثلج الصدر.

تحياتي

إقتباس الرسالة الأصلية كتبت بواسطة خالد بنو هلال للأسف يا شلهوب حنا جيدين في الانتقاد بس...واحيانا تدخل المنتدى تقول ماشاءالله كل هالاعضاء مدربين على مستوى عالمي... أما النقد وهو المطلوب والموجه والمصحح وليس الانتقاد فلا تجده الا عند قلة قليلة تدرك ان مصلحة الهلال ومسيرة نجاحه فوق كل اعتبار.. محبوا الانتقاد تجدهم هنا يحترقون ويطلقون سهامهم بكل اتجاه للاعبين ...لكن في الملعب ما عندك احد...الا اذا ضمنت لهم ان الفريق بيفوز علشان ينبسطون بالملعب واذا انهزم الفريق قاطعوه.. هذه الفئة المفروض ما يلتفت لها ولا تعطى حتى أهمية..والتركيز والأهمية لمن يوجهون نقدهم وليس انتقادهم من اجل مصلحة الفريق اولا وأخيرا...والحمد لله فيه من جمهور الهلال الواعي ما يثلج الصدر. تحياتي

صدقت ياخالــد مرره اذا دخلت الشبكة تطلع على طول بــ سبب المواضيع البايخه والي ماله سنع

ومرره اذا دخلت الشبكة ودك ماتطلع منهـا بــ سبب المواضيع الي تفتح النفس

في إنتقاد هادف وفي انتقاد ماله معنى الانتقاد الهادف انك تكتب موضوع عــتب يعني الشلهوب طايح مستواه وانــا بكتب موضوع عنه:


أخباركم يازعماء طيبين........

انتم شايفين مستوى الشلهوب صـح مستواه يعني جــيد بس نبي يكون أفضل ليش مانرفع من معنوياته و...و...و... عشان يرجع زي قبل


^_________^

عرفت كييف يالغالي..!

نورت..!!