شباب محتاج اجوبتكم
 

هلا والله شباب انا انشالله ناوي ادرس برا بس محتار اني اروح لندن ولا امريكا وش تنصحوني
وممكن تقولولي الجامعات برا وش تطلب مني يعني زي النسبة والقدرات والتحصيلي وشكرا

والله يالغالي امريكا افضل من ناحيه المعيشه لأن لندن غاليه

اول شي جب قبول معهد لغه انجليزيه

واذا ارسلولك الأوراق فيه ورقه اسمها I-20

منها تطلع الفيزه وقبول الجامعه

والأوراق حقت المعهد سهله
- معك ثنوي >>>> ((( صوره من شهاده الثنوي - صوره من الجواز - صوره تثبت ان في حسابك 60,000 ريال سعودي اذا كنت رايح اول شي على حسابك )))
- معك جامعه >>> ((( نفس الي قبل بس بدل صوره من شهاده الثنوي تصير صوره من شهاده الجامعه والسجل الإكاديمي )))

هذي كل الأوراق المطلوبه

اتمنى افدتك .................

خالد - دنفر ,,..,,..,,..,,

ان شاء الله اخوي خالد يكون افادك


لكن بالنسبه لي اذا بتروح جامعه انصحك بجامعة تورنتو في كندا من كل شي مناسبه المعيشه متوسطه والجامعه قويه

والشعب من احسن ما يكون من حيث التعامل ومن كل ناحيه والبلد امان وانت ابوها وسمها

والله يوفقك

شكرا عل مروركم يعطيكم العافية بس ممكن تقولولي كم لازم اجيب في القدرات والتحصيلي ونسبة الدراسة

حبيبي ما لها دخل القدرات والتحصيلي الى اذا كنت تبي تدخل بالبرنامج


لكن اغلب الشعب يجي على حسابه واذا بدا يدرس جاب ورقه من المدرسه انه طالب عندهم

ويرسل اوراقه للملحقيه هنا وهم يلحقونه بالبعثه

إن شاء الله فادوك الشبـاب
(:))