|
محمد وشلة عرابجه ! محمد شاب تم ابتعاثه لإكمال دراسته في الخارج ،، كان محمد طيب السمعة محبوب من الجميع وانسان في حاله ! كان الكاميروني والنمساوي والكولومبي كلهم يحبون محمد لانه حبيييييب وطيب ،، محمد كذلك كان متعاون وبشوش ويعاملهم كويس ! قضى محمد سنوات في الجامعة بدون أي مشاكل او خلافات ،، يمارس هواياته مع زملائه من بقية الدول ويستذكرون دروسهم وعلاقتهم مرره حلوه،، بعد فترة قدم للجامعه شلة طلاب (( عرابجه )) ! واحد اسمه جون والثاني مايكل ومعهم شاب عربي اسمه طوني ! قدموا للدراسه < < ايه هين ! سكنوا في نفس الدور الي ساكن فيه محمد " سكن الجامعة " ،، وكما ذكرت سابقا شلة عرابجه واكيد يحبون الجريات وبايعينها بتراب ! واصلا ابو مايكل هو عميد في الجامعة ! يعني خذ راحتك :yes: كانت نظراتهم لمحمد نظرات حقد وعنصريه لان ملامحه شرقيه وفوق هذا مسلم ! احيانا وهم يلعبون كوره او يتمرنون في الجيم يحاولون الاحتكاك به والتلفظ عليه امام أعين الجميع ! لكن محمد كان يسفهم ولايهتم لحركاتهم ،، في يوم من الايام وفي الصباح خرج محمد من السكن متوجها للكلاس لبداية جدوله الدراسي اليومي ! والشلة اياها كانوا سهرانين وسحب على الدوام كعادتهم ! فـالخبيث جون له فتره وهو يكوك في ربعه مايكل والخبيث طوني ! انهم يدخلون غرفة محمد ويخربونها ويتكّون فيها لما يرجع ويشوفها على هالحال ! من باب انهم يكسرون عينه ويبينون له انهم اقوياء " غرب " وهو مستضعف " شرقي " المشكلة ان محمد يقفل باب الغرفة وهو طالع ،، فقرر مايكل هو وجون انهم يستغلون طوني بما انه عربي واكيد محمد لن يرد له طلب ،، طبعا راح طوني لمحمد وكلمه على اساس يذاكر في غرفته وقت الصباح لان غرفة طوني ازعااااج " غرفته مجاورة لغرفة جون ومايكل " ومحمد بأخلاقه العاليه وافق وسلمه مفتاح الغرفة رجع اخونا محمد في فترة الظهر لغرفته لأخذ قسط من الراحة ،، ووجد الحثاله متسدحين في غرفته ومخربيها واتلفوا الكثير من ممتلكاته ،، محمد غضب من هالحركه وتوجه مسرعا لادارة الجامعة " الله لايبارك فيهم " وشكى لهم الحال ! طبعا كان الرد اووه سوري ومن هالحكي الي ببلاش ووعدوه انهم بيتصرفون معهم ،، بعدها تم استدعاء محمد واستدعاء شلة العرابجة للمثول امام محكمة الجامعه ،، وبعد اخذ اقوالهم جميع واقوال الشهود ،، كانت كل المؤشرات تدل على فصل شلة العرابجه وتغريمهم واجبارهم على الاعتذار العلني لمحمد ،، وفي خطاب مهيب لعميد الجامعه اعلنت الجامعه عن التالي :- فصل الطالب محمد من الجامعه وتغريمه ومطالبته بالاعتذار عن مابدر منه من انتهاك لحقوق زملائه الانسانيه حيث كان محمد يطبق تعاليم دينه من صلاة في وقتها وصوم وتحلي بالاخلاق وتطبيق لأوامر دينه ،، مما سبب للشلة سيئة الذكر ازمه نفسية واستفزاز ادى الى ماقاموا به من عمل مبرر ! محمد وزملائه في الجامعه انصدموا من القرار وانغبنوا على خويهم المظلوم محمد ! لكن سكتوا لأنهم ضعوف وما باليد حيله ،، طبعا محمد سحب ملفه من الجامعه ورجع لديرته ولازالت الجامعه تشهر به في الاعلام على انه انسان ارهابي آذى وجرح وانتهك انسانية زملائه ،، ولازال محمد ودولته وكل مسلم مطالبين بالاعتذار عن مابدر منه ،، وإلا بنفصخكم بالمطارات ونجيكم لدياركم نستعمرها مثل اول ،، هااااه يامسلمين تعتذرون ولا كيف ؟ خاتمة ،، مسكين يامسلم مأكول مذموم :( |
هذا حالنا بكل المجالات ! الله يستر وش بيصير بعدين ! هم يستهزئون بنا و حنا نقلدهم ! عجباً ! |
صدق هالقصه ولا من راسك^^ تراي صدقت يعطيك العافيه |
قصة جميلة تبين حال المسلم.. شكرا لك أخي الغالي.. أم متعب ..وش رايك تسوين لنا شاهي طال عمرك وتخلين أمور النقد الأدبي والسردي للقصة لي أنا مع كاتب الموضوع..؟!!<<أووووخس يا عباس العقاد وطه حسيييييين..هههههههههه أمزح.. ..سيناتور.. |
هذا حآآل العرب خاصة في اغلب دول العالم للاسف.,ْ الله يصلح الحأل وينصر الاسلام والمسلمين يآآرب., شكراً خبووو.,, |
الله يعين المسلمين في كل مكان اصبحت جميع جرائم العالم تلصق في المسلمين وهذا بسبب سكوتنا عن جميع الاتهامات التي تطلق ضدنا واعلامنا اللي يثبت هذا الفكره مثل قناة العربيه وبرنامجها صناعة الموت فاذا كنتم تلاحظون ان جميع حلقات صناعة الموت عن المسلمين ولم تاتي بذكر صناعة الموت الامريكيه ولو لمره واحده |
عليكم السلااااااااااااااام ... ليتنى ماااقريت المووووضوووع ... قسما بالله ضااااااق صددددددددددددددددددددددددددددددرى .. |
والله قصه تجيب الضغط من جد حالنا زي كذا واردى يعطيك العافيه يالغلا ع النقل المتميز ومدري هل القصه حقيقيه ؟ |
للتوضيح .. القصة خيالية للتشبيهـ ،، |
لو ندافع عن حقوقنآ لآخر لحظة ،، ونتمسك بشرع الله ،، كآن ما يصير من هالكلآم ولا 1 % .. |
المسلم الحين مو قوي زي أول ... النبي صلى الله عليه وسلم قال(( بدأ الإسلام غريباُ وسيعود غريباً كما بدأ )) .... أول فيه تمسك وفيه أخوه وفيه وفيه ... لكن الحين كل واحد مصلحته في مصلحة ساعدك مافيه دبر حالك .... |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd