هــام وعــاجل لجـمـاهـيـر الـريـاض .. الحـسـم بإيـديـكـم بعد الله
حيــــــــاكم
مبروكين الصدارة يازعماء والله يتمم الباقي على خير ( قولوا آمين جميعاً )
وبإذن الله بإذن الله نحسمها بدري ونحتفل بالبطولة في مباراة الاتفاق بالرياض بحول الله تعالى
ونلعب مع الشباب والاتحاد ( تأدية واجب ) واستعراض زعامة لكن انا عندي طلب ايها الأشاوس الصناديد يامن ارتعدت لهم فرائص الاسود تكفون طالبكم ياعشاق الموج الازرق
عندنا مباراتين هالاسبوع بالرياض
السبت مع الاهلي في دور الاربعة لكأس فيصل
والثلاثاء مع الرائد في مباراة حاسمة لا تقبل غير الفوز للمضي قدماً نحو التتويج بدرع الدوري
تكفون يارجال
نبي نفتتح هالاسبوع بزلزال ونختمه بثورة بركان
ترى الدعوى ماهيب استجداء ولا هي حب خشوم
السالفة ومافيها اثبات أحقيّة ( بطل ) ضد كل مايحاك ضده في الخفاء وتحت الكراسي
مافيه اروع ولا اجمل من انك ( تهجّد ) الحاقدين وتلجمهم بالفوز رغم العراقيل
هم يشتغلون ليل نهار وخذ ياقرارات وايقافات ونقل مباريات واغلاق مدرجات
وفريقنا ( ماجاب خبر ) لهم وباسط نفوذه ويقول للكل بأعلى صوت
انا الزعيم... انا فريق القرن الآسيوي
هالزعيم بدون جمهوره المغوار مايقدر يكمل المشوار
وبدون هدير المدرجات مايقدر يحارب على الجبهات
احضروا .. وساندوا .. واهتفوا .. وشجعوا واستمتعوا بزعامة فريقكم واتركوا لغيركم الضغط والسكر وغرف البالتوك نشوفكم باكر في ملعب الملز <<