اللهم صلي وسلم على سيدنا محمد >> صلوا عليه

اسعد الله اوقاتكم بكل خير يارب ..

والف الف مبرووووووك الفوز على الفتح وعقبال الدوري يارب ..

اييييييييه انا خايف والله خايف .. ولاكن ماني خايف على الدوري او انه بيضيع لاقدر الله ولاكن خايف على باقي الاندية يعني شيء ماهو طبيعي من الزعيم هالموسم شـ سوى بـ الاندية ؟ الي راحت سمعتها والي شالوا مدربينهم والي خمسات واربعات و الي مصخرة والي يحلمون ويتجننون
وعلى ايه على ايه ياللي ؟ ياللي ياللي هواك ياعيني كله دلال ياعيني اي والله ياعيني يالزعيم
وآآآه يا زمان الزعيم وش بقى ماظهر ؟! كل ماقالوا خصومك شبعت ؟ قلت لا عادني مارتويت ..


ياسلاااااااام على الزعيم هالموسم غييييييييييييييير والله غير اللهم لك الحمد يارب رجع زمان الجيل الذهبي جيل البطولات جيل الزعامة جيل القرن والي وصلونا بعد توفيق الله ورجال الزعيم واعضاء شرفه وجمهوره الكبييييييير الى لقب نادي القرن الآسيوي ..


يعني ماشاء الله تبارك الله خلونا نشوف شـ سوى زعيمنا هالموسم ؟?

نجي اول شيء للفرق المنافسة البداية كانت مع الـ اتحاد وعطيناه على عدد حروف اسمه اهداف ..

والشباب وهذا هو يالله لاتبلانا لا جمهور ولا شيء وامس تعادل مع الرائد وصار الفارق 8 نقاط ولاكن ان شاء الله اننا بنهزآه بنهائي فيصل ونعلمه قدره هو ورئيسه الي مدري شـ يبي ؟!


والاهلي رايح جاي فايزين عليه لا وبعد بالثلاثه وبرضو ان شاء الله بنفوز عليه يوم السبت بدور الاربعة بكآس فيصل وبنتآهل للنهائي ان شاء الله ..

اما الفقر او فرقة يحلمون وعدنا معاهم كآس ولي العهد ان شاء الله بس لحد يسحب ويخسر قدام الرائد ..

وباقي الفرق برضو مصخرناها كعادتنا زي الحزم اربعة والفتح خمسة بالذهاب واربعة بالاياب ونجران خمسة والوحدة ثلاثه و و و الخ..


يعني زعيمنا ابداااااااااااااع هالموسم ماله مثيل والله , يذكرنا بـ هلال زمان ولو انه ماهو صاير زيه لا بوقته الجميل ولا بنجومه الذهبيين ولاكن العوض ولا القطيعه زي مايقولون ..


وبصراحة انا خايف على باقي الاندية ومشجعيها
خايف عليهم من الزعيم والله ..




نجي الحين لموقفي مع ابو بندر كعادته ابو بندر معروف انه خلوق وحبوب لبى قلبه والله ..

المهم حصل لي وقابلته الخميس الماضي بالضبط يعني بعد مباراة الاهلي مباشرة المهم قابلته وسلمت عليه وباركت له بالفوز على الاهلي وصورت معاه وبعدها سألته قلت له محمد نبي الدوري وصدارة الهدافين تكفى قال ابشر الدوري ان شاء الله ولاكن لقب الهداف انا اجتهد والله والباقي التوفيق من الله وابشر ان شاء الله ..

بس والله العظيم والشهادة لله بحياتي ماقابلت لاعب مشهور بهذا التواضع والطيبة زيه ماشاء الله تبارك الله يابو بندر ..


خلاصة الكلام والموضوع انه ان شاء الله الدوري هلالي وقبلها كآس فيصل هلالي وكآس ولي العهد هلالي وكآس الملك هلالي وكآس آسيا هلالي وان شاء الله اننا بنروح لدبي الموسم القادم نحلي بكآس اندية العالم ونجيبه ان شاء الله
ماهو ننهزم بالثلاثة في بطولة ودية ونقول احنا عالميين سمعتوا يالفقراوية ..


ولاكن البطولات والله ماتجي كذا بالبركة .. البطولات يبيلها عوامل كثيرة اولا توفيق الله وعمل وتعب كبييييييير ويبيلها دعم من الادارة ووقفة اعضاء الشرف و اخيرا يبيلها وقفة الموج الازرق جن الملاعب بالحضور والمساندة ..

ولله الحمد كل هالعوامل موجودة بـ استثناء العامل الاخير عامل الجمهور خصوصا جمهور الرياض مع اني من الرياض والله ولاكن والله مقصرين بالحضور نبي حضور اكثر تكفون اضغطوا على نفسكم هذي المرحلة وخلونا نرتاح بعدين ونفرح بالذهب ان شاء الله ..


وان شاء الله اننا بنهاية الموسم بنجي ونبارك لبعض بكل بطولات الموسم ان شاء الله قولوا آمين تكفون ..


وموعدنا يوم السبت نصف نهائي كآس فيصل مع الاهلي
وايضا يوم الثلاثاء مع الرائد في الجولة 17 من الدوري
وكل المبارتين في الرياض ..


وان شاء الله ان الله يسر راح احضرها كلها مع ان عندي اختبارات واشغال كثيره والله ولاكن كل شيء يهون عشان الزعيم والله ..

وآسف على الاطالة ..
وعلى دروب الخير والمحبة والمنصات نلتقي ان شاء الله ..





في امان الله ..





اخوكم فهد

ياخيي الاحترام واجب يا المصلح تراى الاهلي وغيره ماتتوقع شو يصلحون لك لكن ياحبيبي احترم الخصم وخلك بالهلال ومالك شغل بغيره يحلمون والا مايحلمونهدي هاه

بإذن الله الدوري هلالي ..
ومافيه خوف بحول الله تعآلـى ..

يسلموووووا مشكور وماقصرت وانشاء الله الدوري هلالي

ربنا لك الحمد الحمد لله وجعلها دوم بس فية ملاحظة الاتحاد خمسة ماقلتهاا هههه

باذن الله الدوري هلالي ,’

والله يخلي لنا ابو بندر ’,

لي الشرف أني ارد على موضوعكــ ,,,


هذآ هلآل زمآن هذآ هلآل جيريتس هذآ هلآل ابو فيصل ,,,

جمهوره في كل مكآن ,,, في الشمآل وفي الجنوب وفي الشرقيه وفي الغربيه ,,

أمآآآآ بالنسبه للهدآف الشلهوب او نيفيز اهم شي يكون هلالي مع اني اتمنى الشلهووووب >> هع هع ,,,

وبآلتوفيق بالدوري و كأس فيصل وولي العهد وكأس آآآسيآآآآآ ,,,

وانا بعد عندي أختبارات الله يوفقنآآ في الاختبارات ,,,



::: تقبل مروري :::

لانفرط بالفرحه وناجل افراحنا الكبيرة الى بعدين

وخلونا شوي واصل احترام المنافسين حتى ننهيها معهم ونخلص عالدوري ان شالله

يعطيك العاافيه ..

والدوري بإذن الله هــــــــــــــلآلي ..

بس أبي أفهههمـ .. لي الصفحه كبيره مع إن مافيه صوره كبيره ؟؟!!

تــح ــيـــآتي ..

زي ماقاله عيسئ الحربين آخوووي

اتمنى التوفيق للهلال دائما وابدا اين ما حل وارتحل ولكم مني اطيب التحايا


اتمنى التوفيق للهلال دائما وابدا اين ما حل وارتحل ولكم مني اطيب التحايا


اتمنى التوفيق للهلال دائما وابدا اين ما حل وارتحل ولكم مني اطيب التحايا

يااارب نحقق النسبة الاكبر من بطولاة الموسم ونستمتع بصيفية ولا احلى منها مع موسم القنص في كاس العالم 2010

إقتباس الرسالة الأصلية كتبت بواسطة عاشق الغامدي؟؟ ياخيي الاحترام واجب يا المصلح تراى الاهلي وغيره ماتتوقع شو يصلحون لك لكن ياحبيبي احترم الخصم وخلك بالهلال ومالك شغل بغيره يحلمون والا مايحلمونهدي هاه

ههههههههههههههههههههههههههههههه اول الضحايا


آآآآآكوي يحلموووووووووووووووووون


انا محترم الاندية الثانية ولاكن مايمنع اننا نفرح عليهم ونوقفهم عند حدهم وهم فعلا يحلمون يعني مااخترعت شيء من عندي


وانت الي هدي انا رآآآآيق على الآخر يالمصلح




تحياتي

يااااااااااخي

ممكن بس تفكن من السطور الطويله

؟!

شكرا

الحمد لله .. الزعيم الان بأفضل حالاته مستوى واهداف
يارب دووووم هالفن والصداره
والشلهوب .. مايحتاج نتكلم عن اخلاقه .. الله يحفظه ..
وأتمنى ان الشلهوب يكون هداف الدوري
ويستاهل ابو بندر