|
اقنعوني باجابه..لماذا وكيف ..ومالفائده !! بسم الله الرحمن الرحيم ظهرت شائعه أو بالأحرى مطالبه لاتخفى علينا وهي زيادة عدد فرق الدوري الى 14 وهناك من طلب 16 فريق..حتى مدربنا غريتس طلب ذلك..!! خلونا عقلانيين أحنا ضايعين للأسف بدوري يعتبر من أطول الدوريات في العالم يتخلله توقفات ( للاجازات-ايام الفيفا- المناسبات- تداخل البطولات من كاس فيصل وولي العهد عدا البطولات الخارجيه كأسيويه وخليجيه وربما معسكر للمنتخبات..الخ) فالقائمه تطول ولاتستغرب ان رأيت الدوري في أحد الاعوام قد يتداخل مع الدوري في العام الذي يليه :) المهم: 12 ويالله الخراج والربع حسب ماوصلني مو عاجبهم 14 بل 16 ..فما الفائده فالأمر سيان مع فرق: داخله خارجه و خارجه داخله فماذا سنستفيد من ذلك !! مع الاعتذار للخطط العلميه المدروسه..بل سنزيد الطين بله بل ان الطين سيقول انقذوني نظراً: لاتساع الرقعه الجغرافيه للممللكه توزيع المباريات وفرق الدوري ولخبطه للجدول في حال التوقفات كيف سننتهي من 30 اسبوع ( على اعتبار دورين) هل سيلغى بطولات للتنظيم أم كالعاده بالبركه ويالله سوينا شي..كيف..او ليش..المهم ..طورنا نظام المسابقه وتلك هي مشكلتنا الحقيقيه..!! ثم السؤال الأهم: عندما كنا 10 فرق وصرنا 12 مالذي تغير..!! اذا كان التجديد فقط للتجديد فهو ليس بالجديد فنظام المسابقات لدينا مرهق جداً ولكم تتخيلوا 12 فريق لـ22 مبارأه ستنتهي في اخر شهر مارس اي مايقارب 7 اشهر وماخلصنا فكيف سنخلص لو زاد عدد الانديه ..!! نصيحة محب للأتحاد السعودي: أبقوا على مبنى الشايب أفضل لنا ولكم اذكياء الاتحاد السعودي ولجانه أدرك اجابتهم مسبقاً: لاكتشاف المواهب..وزيادة المنشات ..والاهتمام الاعلامي لذلك أقول لهم: أي مواهب وجل اللاعبين في تلك الانديه هم رجيع او ممن ليست الانديه بحاجتهم ثم لديكم بطولات الناشئين والشباب وكذلك بطوله فيصل.. ارجوكم تنبهوا : عين الشمس لاتغطى الا على عين من رفع كفه وليس على الاخرين . تحت السطر: بعد انفجار قضية الدوخي..مالذي جد حتى يمكنهم تسجيله ولازالت علامات الاستفهام تتواصل !!!!! اعتبروه استطلاع: مؤيد أم معارض |
تبي الصراحه زياده عدد الفرق شئ حلو.. لكن المشكله في التوقفات وهذا هو الشئ الي مخرب دورينا.. |
إقتباس:
كيف ولدينا بطولات خذ وخل: الدوري كاس الملك ولي العهد كاس فيصل بطوله اسيا كاس الخليج للانديه كاس الخليج للمنتخبات كاس اسيا وتصفياتها لو حدثت لنا لاقدر الله كاس العالم وتصفياته ارتباطات المحترفين مع منتخباتهم ؟؟ وغير ذلك كثير |
ياخوي ناقصنا التنظيم والمفروض البطولات تصير ثلاث بطولات وودي الصراحة بزيادة فرق الدوري عشان الدوري يكون احلى لكن مافيه تنظيم واخرب علينا الا معسكرات المنتخب اللي بالاسابيع |
إقتباس:
وماذا سيلغون؟ طبعاً كأس فيصل كل شويه له نظام وبيحطون حرتهم فيه معك بالزياده بس بطريقه عمليه والنظر للاحداث حتى نفتك من التوقفات رعاك المولى |
انا معك وين يزدينوه بنجلس سنه وانا ماخلصنا وغير الارهاق وغيره مشكور وماقصرت |
يزيدونه اذا صار هناك جدول محترم ومنسق وعدم توقف ومن ثم ضغط مباريات مثل الحاصل الان وكذلك يصير كأس فيصل خاص بالأولمبي فقط عندها نفكر بالزياده شكرا لك |
والله زيادة الفرق لابد منه بس مشكلة التوقفات اللي تلوع (( الكبد )) حمدلله والشكر معقولة مو عارفنين يسووون نظام مثل الناس للبطولات لازم تدخل في 4 بطولات كل وحدة في بعض > الحمدلله والشكر على هالعقلية :d |
اذا بنزيد فرق الدوري لازم نلغي بطولة ياكأس فيصل والا كأس ولي العهد هالثنتين مالهن سنع خصوصا فيصل |
ما ينفع نزيد فريق بها الحاله اذا دورينا بيصير دوري محترفين صدق ذاك الوقت نزيد محترفين اما الحين بها الوضع لا والف لا شوووكرا |
كاس ولي العهد اتمنى ان تلغى لانه بصراحهـ مانشوف فالبلدان العالميه سوائن باسبانيا او ايطاليا مسمى كاهـ البطوله المعروف انه دوري قوي وكاس ملكـ هذا رايي تلغى هالبطوله وتزاد الفرق الى 14 +تنظيم رائع ولا يخلونها 12 تسلم لنا يالزعيم (سعد) مواضيعك رووعهــ دمت بخير |
لويزيدون الفرق ابشر بدوري يخلص بعد سنتين من كثر مايتوقف ههه |
ما هي معادله كيميائيه سهله المسأله رزنامت الاتحاد العالمي معروفه ورزنامت الاتحاد الاسيوي والاجازات في السعودية بعد معروفه ينظمون رزنامت الدوري على اساساها ما فيه مشكله ولحد يقلي زحمه ولا غيره انجلتر 3 بطولات محليه وبطولتين خارجيه للانديه حنا مثلهم واذا على دوري ابطال الخليج ولا العرب حنا اللى نتحكم فيها لو يبي اتحادنا ضبطها على اللى يناسب على العموم هي بتزيد الى 16 سواء اللحين او مع خصخصة الانديه عام .....20 |
الأمير سلطان بن فهد يعين أشخاص بالإتحاد السعودي بناء على معرفة وصداقة بدلا من كفاءة هؤلاء النكرات يعملون حسب أهواءهم وميولهم ومصالحهم الشخصية مع فلان وعلان أمثلة على تميز الاتحاد السعودي فيصل عبدالهادي عبدالله الناصر نابت السرحاني وليد بن بدر (مستشار خاص وصاحب نفوذ) وتستمر الحثالة الى مالا نهاية |
الحين بطولة فيصل بن فهد نظامها حلو ان الاولمبي مستقل ويلعبون مثل الدوري على فترة طويلة شوي مو مجرد اسبوعين زي اول رغم ان نظامها الاول كان افضل انها تنلعب قبل الدوري لكن ما يعطون لاعبي الاولمبي فرصة الحين بطولة الملك للأندية المفروض ما تكون ذهاب واياب دور 8 على طول زي نظام ولي العهد بس الفرق انها تكون بعد نهاية الدوري والمفترض بطل الدوري ما يشارك فيها عشان يعطون فرصة للي ما حققو اي بطولة والا وش رايكم؟ |
| الوقت المعتمد في المنتدى بتوقيت جرينتش +3.
الوقت الان » 09:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd