ما هو العرض الذي استخدمتة أكثر(( مكالمات أو رسائل )) ؟ وكم عدد الرسائل التى ارسلتها ؟؟ - نادي الهلال السعودي - شبكة الزعيم

السامــ9ـي كسامــ9ـي · #1 27/12/2009, 12:12 AM

بسم الله الرحمن الرحيم

السلام عليكم ورحمة الله وبركاته , وبعد

الكل شاهد العرض الأقوى من الاتصالات السعودية

سوى المكالمات أو الرسائل ؟؟

انا بالنسبة لي أستفد من الرسائل أكثر .. ليش

لانه مشوار ادق على شخص وتكلمة ..

الرسائل حدد وأرسل للجميع

........

عندي سوالين /

ما هو العرض الأفضل لكل ؟؟
(( مكالمات أو رسائل )) ؟

انا بالنسبة لي الرسائل

وكم عدد الرسائل التى ارسلتها ؟؟

لمده ثلاثة ايام فقط 475 رسالة وكل رساله 3 الى 4 اجزاء وعليكم الحساب

457 × 3 = 1371 رسالة
وسعر الرساله 25, 0 هللة

يعني 342 ريال ههههههههه

عقـل الهلال · #2 27/12/2009, 12:48 AM

الله يجزى الاتصالات السعودية طلعت لي الناس البخيلين واللي مستخسرين فيني 0,25 هلله

بالنسبه لي انا ما استفتدت منه شيء

يمكن قبل ثلاث سنوات يمكن اني باستفيد منه شيء

والي صاروا يرسلون لي بعد العرض ارد عليهم أخسسسوا يالبخلاء احسنت عليكم الاتصالات تتواصلون معاي وترسلون نكت

السامي تيك كير

فارس الناصر · #3 27/12/2009, 12:52 AM

هلا بك أخوي السامي

بالنســـبة لي أنا :

أنا مرة مبسوط من هالعرض

, , , تدري ليــــــش؟

لأن رقمي الحمدلله موبايلي

.. والناس ترسل لي على اساس إني إتصالات

ولا علمتهم إن خطي موبايلي

لدرجة إن واحد فيهم مرسل لي رسالة يقول فيها :

ُ ً ًنفيدكم بأنني غيرت من جلستي
فبعد أن كنت حاط رجل على رجل .. أصبحت الآن ثاني ركبتي اليمينُ ُ ُ .

وكل يوم من هالسوالف .. وأنا عاد قلت له وش رأيك ترسل لي : يومياتك

ويحسب إن هالرسالة ببلاش
لكن أنا إن شاء الله راح ابلغه إن خطي موبايلي ... لكن بعد إنتهاء العرض
خلنا نضحك عليهم شوي.

تقبل مروري

الامل القريب · #4 22/01/2010, 04:47 AM

إقتباس

الرسالة الأصلية كتبت بواسطة فارس الناصر


	هلا بك أخوي السامي بالنســـبة لي أنا : أنا مرة مبسوط من هالعرض , , , تدري ليــــــش؟ لأن رقمي الحمدلله موبايلي .. والناس ترسل لي على اساس إني إتصالات ولا علمتهم إن خطي موبايلي لدرجة إن واحد فيهم مرسل لي رسالة يقول فيها : ُ ً ًنفيدكم بأنني غيرت من جلستي فبعد أن كنت حاط رجل على رجل .. أصبحت الآن ثاني ركبتي اليمينُ ُ ُ . وكل يوم من هالسوالف .. وأنا عاد قلت له وش رأيك ترسل لي : يومياتك ويحسب إن هالرسالة ببلاش لكن أنا إن شاء الله راح ابلغه إن خطي موبايلي ... لكن بعد إنتهاء العرض خلنا نضحك عليهم شوي. تقبل مروري

هههههههههههههههه
شكلك مطيري والله

Boss 300 · #5 27/12/2009, 01:15 AM

رغم ان عندي شريحة موبايلي الا اني استفد كثير من العرض
بالرسائل التي توصلني عن كل شيء حتى على العطسة او الكحة

وان شاء الله اذا انتهى العرض ابشرهم ان عندي موبايلي

لـــولي** · #6 27/12/2009, 01:54 AM

انا صراااحه ماستفدة من العرض لان جوالي بطاقه

بس جانيييييييي رسايل بالللللهبل لدرجة حطيت جوالي صامت من الازعااااااااج

تقبل مروري

Hilalih 4ever · #7 27/12/2009, 02:03 AM

^^^^^^^^^^^^^^^^
تسمعون بانذاله

إقتباس


	الله يجزى الاتصالات السعودية طلعت لي الناس البخيلين واللي مستخسرين فيني 0,25 هلله

ياخي أنا لومكانهم ماعد ارسلت لك

بانسبه لي استفدت من العرضين

ياخي خلنا نحلل شوي ذا الألوف إلي دفعنا لهم في ذا الشهر

القويز · #8 27/12/2009, 02:52 AM

بالنسبه لي ماستفدت من ولا خدمه منهم

مع ان خطي اتصالات

بريماكس · #9 27/12/2009, 03:08 AM

صدق صدق ماتوفرون شئ انتم وماتنعطون وجه هههههههههههههههههههههههههههههههههههههههههههههههههه

اجل 400 رسلله نعنبوا بليسك لو ترسل وانت نائم ماوصلت للرقم هذا

عموماً انا استفدت من الرسائل اكثر من المكالمات

جتني رسائل اغلبه نكت وحلووووووووووه والله

ليتك اخوي طارح رساله اعجبتك عشان الجميع يشارك برساله

انا من ضمن الرسائل رساله من اخوي اضحكتني كثير

يقولك

فيه واحد فاز بمليون .. قال لزوجته وأغمى عليه وماتت !

قال ياسبحان الله الحظ لجاء جاء جميع

هذي ثانيه ..

واحد منوم بالعنايه المركزه ليش ؟؟؟؟

قلتوا ليش

مانب مكمل خلاص

امزح امزح

يقولك له يومين من بدا العرص وهو قاعد يرسل

في الأخير طلع جواله مو بايلي هههههههههههههههههههههههههههههههههههههه

مشكور عالموضوع والله يهنيكم بالعرض واهم شئ استغلوها بالفائده ونشر الخير

^ العنود ^ · #10 27/12/2009, 03:34 AM

العرض حلووو

>>>> قولي والله

جتني نكت كثيره ومستانسه عليها ,,,بس اذا خلص العرض قلت ان جوالي موبايلي

يقول لك عاجل :

تم بحمدالله وصول الحجاج السودانين الى مزدلفه

وفي حملات استغفار حلوه بعد ,,

اذا عجبني شي ثاني حلوو قلته لكم

ملك الزعامه9 · #11 27/12/2009, 03:41 AM

انا ماستفدة من العرض لان جوالي بطافه

الشيهـانه · #12 27/12/2009, 04:25 AM

انا مستانسة ع عرض الرسايل
خصوصا الرسايل اللي تجيني

ومن زود هبال الناس يرسلون عشوائي
رسايل بالهبل الله يزعجهم ماشافوا نعمه

********

عاد ماخذينها استهبال اناوزميلاتي<<الله يستر ماتطيح بروسنا اذاجت الفواتير

كل وحدة تكتب كل اللي يصير معها باليوم
وكل سكنة وحركة تسويهاوترسلها لكل اللي بالقائمة
لدرجة وحدة كاتبه

انا الحين مديت يدي الكريمة باخذ فنجال القهوة من يد امي

ولارسالة دخلت الان الساعة العاشرة بحمدالله

********
وفي نكته موتتني ضحك من اللي وصلوني
سعودي رايح مصر
وانسرق بوكه 
راح للعسكري قاله
البوء انباء

مسوي يتكلم مصري

****
عوافي عالموضوع

الفيلسسوفه · #13 27/12/2009, 10:18 AM

عرض الرسايل احلى من الاتصالات

ارسالت كثير وجاتني رسايل نكت وسوالف

والله يستر من الفواتير

تشلساوي2050 · #14 27/12/2009, 11:45 AM

السلام عليكم
الكل سمع وشاف عررض الاتصالات
وهي الرسائل المجانيه
والكل شاااف الشعب السعودي كيف بالرسايل
الجوال 24ساعه رسايل
المهم
فيه رسائل نكت وفيه دعاء وفيه استهبال وفيه وسائط وفيه .......
المهم نبي كل من يدخل يسدح لنا رساله
ونبي التفاعل الزييين

انا ابدى اول واحد

----------
خكري واقف ورى الامام قال : استقيموا واعتدلوا
قاله الخكري : اوكيه حياتي جاهزين ههههه
---------

تشلساوي2050 · #15 27/12/2009, 11:49 AM