طريقه ابتزاز جديده في المجمعات السعوديه== ارجو الحرص
بسم الله الرحمن الرحيم
بسم الله والصلاه والسلام على رسول الله نبينا محمد بن عبدالله ... اما بعد
هذه حادثه حدثت لي في احد مجمعات الرياض المسماه بهيبر بنده احسست بعدنها ان المرئه في مجتمعنا السعودي مصدقه في كل شي تقوله ، اليوم كنت مع عائلتي اتسوق في مجمع هيبر بنده كما تعوت في كل يوم خميس اقظيه مع عائلتي بحكم اني لا اقظي معهم الا فتره الصيف والاجازات بحكم دراستي في الخارج وفقنا الله جميعاً فقمت بشحن جوالي من مكتب موبايلي المعتمد وظللت انتضر تفعيل الشحن ولم يصلني فقمت بالاتصال بمركز خدمات موبايلي حتى اني فتحت الخط بسبيكر على خدمه العملاء، حتى اسمع صوت السبيكر جلست امام المحل الذي يدخل فيه عائلتي وما هي الا بره وياتيني رجل الامن يقول لي اثباتك فقلت له ولماذا فقال امش معي لو سمحت للمكتب وتعرف قلت يا حبيبي عائلتي هنا قال واذا صار قلت لن امشي من مكاني حتى يعرفو اني ذهبت وسوف اذهب معك فقال لي انت تغازل قلت يا ولد كيف هذا هل بدر مني ما يثبت ذالك ؟ ،ومازال خط التلفون فاتح على خدمه العملاء موبايلي ،قال لي هذه المرئه تقول انك قمت بمغازلتها فقلت اين هي فضهرت لي تلك المرئه التي لا اعرف جنسيتها بسبب عيناها الخضراوات وكريم الاساس الذي حول عينيها ومتنقبه ودموع التماسيح تنثر من بين عينيها فقلت لي اترضى ان احد يغازل اهلك وفي صوتها بكاء الكاذب والله فقلت بالعاميه (مالك دخل في اهلي ولاكن اتقي الله في نفسك لا تبلين العالم ) فقالت لي انت تدق على تلفوني وترسل رسائل فقلت اها اذاً اعطينا الرقم حتى نرا انه ليس انا وانك تبليني فقامت بالانسحاب تدريجياً وانا اقول لحرس الامن كيف تتهمني وبهذه الحظه وهي تخرج عائلتي فقلت تعالي لامي قالت ماذا فقلت انا اغازل قالت :: وشو :: ما عهدنا عليك هذا الشي وقالت لحارس الامن وكل من اتاكم يشتكي تصدقونه فقلت له لنذهب لشرطه لنكتب محضراذا كنت انا مخطي فسوف اخذ جزائي واذا كانت تتبلاني فوالله لن ادعها الا بتعهد خطي انها لا تعود لذالك حتى لا تتبلا احد غيري لاني احسست ان الموضوع مدبر من قبلها والله اعلم فبحثنا عن المرئه بعد كلمه الشرطه وهي تنسحب من المحادثه فقلت لحارس الامن الحق بها فذهب حارس الامن على عجاله فلم يجدها فقلت له اخذت اسمها فقال لا والله فقلت كيف تاخذ باقوالها ولم تاخذ منها اي شي ولاكن والمفروض في هذه الامور ان ياخذ بمحظر فاحسسنا ان الموضوع فيه مامره حركه ابتزاز جديده لكي تسحبني للمكتب وتقول سوف اسكت بالمبلغ الفلاني لاني استخدمت بطاقه الصراف وسبب كلامي هذا لانها عندما قالت ترضا احد يغازل اهلك اشارت بيدها على مكان المحل الذي فيه اهلي استنتج انها كانت تتابعني من زمن وسبب كلامي هذا انها كانت تنضر في وجهي وتوجه اصابع الاتهام بثقه يحسبها الشخص انه هذا الشخص الذي غازلها وانا والله برئ ولاكن احسست بشي في قلبي من الظلم فاعان الله المظلومين .
العبره والفائده من ما حصل
1- المرئه في المجتمع السعودي مصدقه في كل شئ واكبر دليل انها اشارت لي وقال لي اثباتك وهو في الاساس لم يتحقق من هويتها ولا الرقم الذي اتصل عليها
2- هناك حركات ابتزاز تحدث في المجمتع السعودي بسبب ان الشعب يتعاطف مع المرئه وهي في بعض الاحيان تستغل هذا التعاطف
3- الحذر من فتح البلوتوث في التسوق
---------------------------------------------
العجيب في الامر والمحزن اذا كنت فرضاً غازلتها وذالك عن طريق ارسال البلوتوث فلماذا تفتحين البلوتوث ؟؟؟
واذا كنت رميت ورقه عليها اين هذه الورقه والهيبر مليئه بالكمرات ؟؟ لم يتحققون منها لماذا
حراس الامن عندنا يحتاجون لتثقيف ودورات في القوانين وان مثل هذه الامور لا تحدث الا بفتح محضر والتحقق من هويه المدعي قبل رمي التهم واكبر دليل هروبها من المكان عندما سمعت كلمه كم الرقم الذي اتاك وكلمه فتح محضر لا احد يقول انها خافت على نفسها من الضيحه لان هذا فخر للمرئه ان احد قام بمغازلتها وقامت بتاديبه
---------------
على العموم انا رجل كبير في السن والشيب يملا جوانب شعري ولست بذاكل الشخص الوسيم وشكلي لا يوحي باني ابحث عن مغازله على فكره نسيت اقول لكم ان جوالي ايفون يعني ما فيه بلوتوث ارسله لها هههههههههههههههههههههههههههه والله ثم والله انه ليس معي قلم وليس معي ورقها فيها رقمي هههههه
الموضوع خطير جداً والله اني في لحظه من الحظات خفت اني انزل للمطعم علشان اطلب العشاء لهلي اخاف احد يتبلاني ولا يقول اني اغازل
هل وصل بنا الحال في السعوديه لهذه الدرجه ؟؟؟؟
++ نسيت اقول ان رجل الامن نفسه الي طلب اثباتي كان يراني مع عائلتي حتى اني سالته كنت تراني قال نعم قال هل رئيت مني شئ قال لا والله ما شفت عليك الريبه ++
الموضوع خطير جداً والله اني في لحظه من الحظات خفت اني انزل للمطعم علشان اطلب العشاء لهلي اخاف احد يتبلاني ولا يقول اني اغازل
إقتباس
الرسالة الأصلية كتبت بواسطة هلالي في استراليا
هل وصل بنا الحال في السعوديه لهذه الدرجه ؟؟؟؟ ++ نسيت اقول ان رجل الامن نفسه الي طلب اثباتي كان يراني مع عائلتي حتى اني سالته كنت تراني قال نعم قال هل رئيت مني شئ قال لا والله ما شفت عليك الريبه ++
هنا مربط الفرس مسوي خطة هو وأم السعف والليف
اللوم الاول والأخير عليك أخوي وعلى كل من يمر عليه هالموقف مرور الكرااااام والله لو منك ماأخلي ذاك اليوم يعدي على خير , قول ليه ؟؟ آهاااااا قلت ليه >> لأن الموضوع مو هوشة بينك وبين زميلك بالعمل وتنحل / الموضوع فيه سمعه وحط تحتها عشر طعش خط ,, وأنا سمعتي مو لعبه عند ام العيون الاهلاوية >>إذا أهلك ماشاء الله وثقوا فيك , في غيرك ممكن تخرج زوجته من المحل وتشوف الموقف ويحدث مالا يحمد عقباه>>هما يقولونها كذا؟ وغير كذا إنت عارف مثل هالأمور الشيطان مو بس شاطر إلا دافور أقصد الزوجة بتشك وتوسوس والله ماتنلام الموقف مو سهل بالذات لما تشوف زوجها مشى الموضوع , غرضة مايبغى يسوي فلم وأكشن بس هي مسكينة تفكيرها بيروح لبيعييييييييييييييد ,,
** ** ** ** **
بعض البنات على شاكلت اللي شفتها بالسوق غرضهم معروف التخريب فقط لا غير ,, >> دام أم العيون الأهلاوية آشرت على المحل اللي فيه أهلك معناها مسويه كونان على غفلة مراقبتك وحاطة ببالها تبغى تخرب ,, >>ماتعرف إن بيجي يوم وربي يبليها ويذوقوها من نفس الكاس ,, >> ماتعرف إن الرسول قال ( لعن الله من خبب بين امرأة وزوجها ) خبب يعني حرض حرش ,, عد واغلط كم واحد يحرض خوية على زوجته ونفس الشيء ينطبق على البنات ,,
** ** ** ** **
الله يسعد قلبك إنت اهتميت باللي صار وواضح إنك تضايقت ومنزل موضوع >>بعضهم يطير من الوناسة إذا صار له هالموقف حتى لو كان متزوج ماعليه يغازل ويصاحب
إذا الواحد عنده كيلو حب وكيلو غزل يروح يعطيه زوجته مايعطيه وحده تافهه لا راحت ولا جات مصيرها تعطيه شلوتي وتدور غيره >>يووو عصبت
** ** ** ** **
لو المجتمع يتعاطف مع المرأة ماكان شفت المعلقات عددهم بازدياد !! ماكان شفت وضع الأرامل من سيء لأسوء !! ماكان شفت بنات يتزوجوا بدون رضاهم وكثير منهم مهرها مو لها ماتتهنا فييييييييه !! والقائمة تطول ,, والمحاكم تشهد ,, >>متعوب عليها هالجملة >> بلاش التعميم سواء للرجل او للمرأة ,, أنا بنت وشايفة وضع اللي حولي من البنات سواء بالجامعة أو خارجها ,,
** ** ** ** **
قسم بالله مع الاختبارات أحس إني صايره خطيييييرة مع ذا الردود والألوان خخخ
شباب الوضع مزري اليوم قصيت السالفه على بعض الاخوان صارت السالفه صايره معهم وفي نفس المواقع الي هي المجعات ومن ناس من الجنسيات الشاميه والفلسطينيه خصوصاً
ارجو من رجال الامن في الهيبرات التدخل
وانا اقول للي يقصون لي السالفه ليه ما تبلغون يقولون يا رجال الحمد لله راحت بخيرها وشرها
اكثر من اربع مواقف بنفس الطريقه الي تلحقه للمواقف الارضيه والي طفل يساله في دورات المياه عن مكينه تجفيف الهواء بطريقه غريبه
المفروض ان الشباب يحرصووون من ههلامور والتدخل الفوري والسريع من رجال الامن ويكون هناك اجرات رادعه والمستغرب منه انهم جميعاً من الجنسيات الشاميه بناء على كل ما سمعت في مجلس الجمعه اليوم
فقط اثبات هويه حتى حتى رقم التلفون لا ينفع وحنا نعرف سوالف جوالات السوى الي في الشوارع تباع تشهر شي يثبت هويتها وياكد ادعائها لان الوضع يبات يكون عمليه ابتزاز ماليه والله اعلم هذا اقرب شي
على كلام احد الاخوان يقول لو صار لي الموقف لا قدر الله سوف ادفع لها حتى ارتاح منها ومن مشاكلها
عاد تصدق ماعاد بطب السوق
دامك انت موب مزيون وازعجوك البنات
انا وش راح يسوون فيني < ههههههه
انتبه لا تطلع ألا وانت قاري أذكارك ترى العين حق
ـــــــــــــــــــــــــــ
اخوي كاتب الموضوع/ اولا: الله يعطيك العافيه .. ثانيا: حبيت أقولك ان فيه عينه من الناس يُسمُّون بـ(الملحجه) ويتواجدون بكل مكان الواحد المفروض يتحاشاهم ويقول المثل فيه ناس احشمهم وناس احشم نفسك منهم