* أنباء مصدرها قناة الـ art في برنامج الجولة تفيد بنقل مبارات الهلال القادمة مع الفتح إلى الرياض بعد قيام جمهور الفتح برمي عبوات وقوارير مياه في مباراة اليوم مع الشباب فهل تفعلها لجنة الانضباط وتنصف الهلال لأول مرة في تاريخها

الهاءات الثمنطعش >> أخس يالروقي

*عزيز يتم إبعاده إذا ماكان عنده عذر مقبول وأقول للأمير عبدالرحمن بن مساعد ماقاله كليب لأخيه الزير سالم ( لاتســــــــامح )

* أكثر من يستحق التصويت في جائزة زين وأكثر لاعب ( فدائي ) وصاحب مستوى ثابت أسامة هوساوي لم يحصل على جائزة !! تصدقون !

أول ماتشوف لقطة أسامة المولد وهو يدف ( فيقاروا ) ويكسر ساق السهلاوي . تحس إنك تشاهد قناة ( الجزيرة ) الإخبارية ومقاطع من العنف الدائر في ( أنغولا ) او الإضطرابات الحاصله في ( إيران ) .. ماتصدق إنها مباراة وثلاث نقاط !

الغريبه أسامة يهدي اللاعب أحمد حديد يوم إنطرد ويطالبه بالخروج بهدوء وروح رياضيه .. وبعدها بثواني وإلا يسوي جريمة تصنف في نظام العقوبات ( جنحه ) مهيب لعبه

* شجعت النصر اليوم أمام الإتحاد خصوصا وإن الفرق بيننا وبين الإتحاد الحين 9 نقاط .. تلوموني بتشجيع الجار

* وليد الفراج ومع إحترامي له وضع في موقف يحسد عليه إذ لايمكن أن يكون الإعلامي ومنتج قنوات تجارية ( ربحية ) بعمل القاضي أو على الأقل أن يكون العقاب في يده خصوصا وإن كان المخرج ( صديقة ) او يبحث عن رضى الفراج .. المفروض من لجنة الإنظباط الإعتماد على كاميرات خاصة وموظفين ليس لهم علاقة بالقناة ..

* إسمعوا كلام ( جريتس ) بزيادة عدد فرق اندية الدوري ... هذا ماقاله في المؤتمر الصحفي اليوم ..تراه هو أبخص وأحس ان الدوري بيكون أكثر ( شعلله )

* يحي الشهري ... لاعب إتفاقي صغير ( حرّيـــــــــــــــف ) ودنا نشوفه بالهلال .. لاعب من النوع ( الموذي ) ماشاء الله عليه .. تابعوووه ( يحى الشهراني .. مش حتئدر تغمض عينيك )

* الجمهور مطالب بحضور كل مباراة للهلال حتى يحصل على الدوري .. اتمنى حضوركم ياجماعة .. انا ترى مداوم

* حفل إعتزال نواف التمياط كان بحق يليق بحجم هذا اللاعب الخلوق والموهوب .. أتمنى ان يكون حفل إعتزال ( الدعيع ) و ( الشلهوب ) في المستقبل يوازي هذا الحفل او أحلى .. ولاتسالوني ليه بس هالأثنين ! > فيه أسباب الشاطر يعرفها


* للحين يمدينا نحصل على كل بطولات الموسم .. بطولة فيصل والدوري .. تقريباً قطعنا شوط كبير .. وباقي البطولات نستعد لها بقوه ...


أخوكم الصغير ابو طلال