|
رفع عدد أندية الممتاز لـ 16 ناديا الموسم المقبل لجنة تطوير الدوري توصي برفع عدد الفرق لـ16 الموسم المقبل حمد الصغير - على القطان - الخبر اوصت لجنة تطوير الدوري السعودي التى يقودها المدير الاداري الانجليزي ريكباري والمدير الفني الفرنسي جيرارد اوليه برفع اندية الدرجة الممتازة الى 16 فريقا من خلال الغاء الهبوط في الموسم الحالي ورفع اربع فرق من دوري الدرجة الاولى الى الممتاز بعد ان قامت بدراسة متعمقة والحصول على استفتاء للاندية الـ12 الموجودة في الدوري الممتازحاليا. ولن تعتمد التوصية الا بعد الموافقة عليها من قبل رئيس هيئة دوري المحترفين الامير نواف بن فيصل الذي بدوره سيرفعها للرئيس العام لرعاية الشباب لاعتمادها في حال موافقة سموه عليها . يذكر ان زيادة عدد الفرق الى 16 فريقا تتردد موسميا الا ان الفارق في هذه المرة انها جاءت نتيجة توصية من قبل لجنة تطوير الدوري السعودي وهذا ما يزيد احتمالية تطبيقها فعليا الا ان ذلك لن يعلن قبل ختام منافسات دوري زين الحالي حفاظا على اثارته . |
ياااااااااااااااارب مايرفعونها الى 16 نادي بالعربي فريق نجران ما اطيقه ابد اتمنى يهبط ولا يوقف الا في دوري مناطق |
تصدق اتمنى ذلك بس اللخبطه اللي صايره عندنا والتأجيلات بتكثر على كذا |
مب ناجح هالقرار الا اذا الغوا بطولة اندية الخليج لأنها مخربه جدولة الدوري ومسويه قلق على غير فايده |
16 ..؟ ممكن اذا كانت الجدولة مرتبة مثل الدوريات العالميـة :) |
من زمان هالكلام المفروض وقتها يصير الدوري حماس يعطيك العافيه |
قرار ممتاز وخاصة ان بطولة العرب الغتها الاندية من قواميسها وبطولة الخليج ما تضر لأن اللي بيشارك فيها ما يشارك ببطولة ثانية بعدين موسم تجريبي ونشوف بس المشكلة هي بطولة الملك اللي اخر الدوري مدري كيف المفروض بطولة ولي العهد هي كاس الملك وبطولة زي بطولة المصيف تحت مسمى بطولة المصيف على كاس ولي العهد والي يقول نجران ياخي المفروض احنا اكبر من كذا |
نتمنى .. حتى يزيد قوه / الدوري .. |
والله بــيكون اكثر حماس ويمديك تعوض اذا خسرت مباراة او مباراتين مو زي اللحين اذا تعادلت مرتين تحس ان الدوري طار من يدينك بعدين 22 جولة قليلة مرره و لا تلاحظون ان الدوري الاسباني برشلونة الآن متعادل 4 مرات وهــو الاول وفي الدوري الانجليزي تشيلسي خسران 3 مرات ومتعادل 4 مرات وهــو الاول وفي الدوري الايطالي الانتر خسران مرتين ومتعادل مره وهـو الاول والسبب ان الدوري طويل مرره وحتى لــو خسرت مباراة تدري ان الي ينافسك بيخسر لان مافي نادي عنده نفس 40 مباراة واصلا هم رافعينه رافعينه لان من شروط الاتحاد الاسيوي ان الاندية لازم تتعدى الـــ14 نادي..! وبالتوفيق لنادي القرن |
عز الله دمروا الدوووووري وبقوه بعد الا كانهم بيلغون الزحمه اللي عندنا بدون فايده مثل بطوله فلان وبطولة علان خلوها دوري وبالنهايه كاس الملك ويكفي زحمه |
بيرفعون عدد اندية الدوري شي ممتاز لاكن اتوقع انهم رفعوة عشان النصر مايهبط |
اتمنى حتى في حالة تطبيق القرار ان يهبط الاخيرين من الدوري الممتاز ويصعد ستة من الدرجة الاولى حتى لا يفقد دوري زين حماسته لهذا الموسم |
ما ازيد شي عن كلام الاخ شلهوب ميسي،،، |
الحين نص الأفرقه مستواها يجيب الهم وما عندهم رعاه ولا ملاعب فما بالكم لو زادت 4 انديه ؟! قرار فاشل وراح يأثر على مستوى الدوري 12 فريق والجدول مخبص اجل لو 16 فريق وش يبي يصير الجدول ؟ والأنديه تعاني الآن من الجدول و البطولات المتداخله زيادة على كذا عندنا 4 بطولات ! , اذا زادت الأنديه فـ يجب الغاء بطوله الأمير فيصل وبطوله ولي العهد اذا كان فيه نيه لرفع عدد الأنديه فيجب رفع مستوى هذي الأنديه وبناء ملاعب لها ودعمها مادياً وتوفير الرعاه للأفرقه الصغيرة عشان يصير فيه تنافس |
قرار سليم بس يجب ان يكون ايام المباراة مثبته |
الخبر صحيح اليوم اعلن على جريدة الرياض انه راح يرفع الى 16 نادي في الدوري الممتاز ومافيه اي نادي راح يهبط السنه هذي |
ياااااااااااااااارب مايرفعونها الى 16 نادي بالعربي فريق نجران ما اطيقه ابد اتمنى يهبط ولا يوقف الا في دوري مناطق |
والله اذا كــآنــوآ يـبـي يـظـبـطــون مــلآعــب الـفــرق الـضـعـيـفـه مـثـل مـلآعــب نـجـرآن والـحـزم ...} ولا الـفـكــرهـ رآآئـعــه ..} |
أتوقع قرار من صالح الدوري لاكن المشكله مثل ماذكر أحد الاعضاء ان فيه كم نادي ماله راعي فما بالك لو الموسم الجاي زدت 4 أنديه .؟! ونتمنى كأس ولي العهد 16 من الممتاز + 12 من الأولى + 4 من الثانيه = 32 فريق وكلها زيادة مباراة وحده الي هي دور 32 وبقاء كأس فيصل زي نظامه الحالي لأنه ما يأثر على الدوري نشوف فرق تلعب اليوم وخلال أقل من 24 او 48 ساعة تلعب مبارة بالدوري وحذف كأس ملك وجعلة من مباراة واحده الي هي ( كأس السوبر ) بمسمى بعض الدول وتكون بين الفائز بالدوري × الفائز بكاس ولي العهد هذا الي ودنا فيه |
الحين ماقدروا ينظمون 12 تبيهم ينظمون 16 |
تصدق اتمنى ذلك بس اللخبطه اللي صايره عندنا والتأجيلات بتكثر على كذا |
انشاء الله كلامك صحيح 16 عدد ممتاز |
عز الله الدوري تخبّص , ماقدروا يمسكون 12 نآدي يسوون 16 ؟! |
بالعكس شي حلوووو واهم شي ينظمون الجدول محنا فاضين كل شوي تأجيل |
| الوقت المعتمد في المنتدى بتوقيت جرينتش +3.
الوقت الان » 07:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd