واحـد اثـنـيـن ثـلاثـه .. ابـرة الـخـيـاطـة .. ويـن رايـح يـاسـوسـو ؟؟ - نادي الهلال السعودي - شبكة الزعيم

Fahad Al Sudais · #1 02/01/2010, 07:54 PM

حيــــــــاكم

فراوله مغمسه بشوكولاته

بنوته كيوت شفايفها توت

لا إرادياَ اتحوّل الى خروف

وتبدأ سعابيلي تقوطر تقل شلالات نياجرا

وتصير عيوني حمراء.. والأوردة والشرايين تتفجر ببراكين اللذة الدموية الساخنة

وارسم لكل وحده من هالصبايا صوره في بالي

ومايحتاج اتعمّق اكثر في نوعية الصور علشان ما اخدش الذوق العام

وما احد يلومني ذيك الساعة على خرفنتي المحمودة

قدامي بنت قاعدة تعرض نفسها للغزل بشكل افتراضي

وترمي نفسها بكل غباء الى احضان عتاولة الخرفان اللي ضاقت بهم منتدياتنا

هذا مع يقيني التام انهن كلهن مراهقات والوحده منهن ماتعدت الـ 17

مستحيل اقتنع ان وحده كبيره وعاقله وعمرها 23 تسمي نفسها ( كيوت وشفايفي توت )

اليوزر مثل العباة بالضبط

يا إنه يكون ( مخصر ) ويجذب الانتباه

او إنه يكون ( على الراس ) ويحفظ لصاحبته حشيمتها وحيائها

.

.

اسلوب جديد للخرفنة 2010

اختباء الخروف تحت عباءة الوازع الديني والغيرة الشرعية

طبعاً أغلبية بناتنا ( اذا مو كلهن ) يعجبهن الشاب التقي المحافظ

وهالخروف يدغدغ مشاعر الصبايا من هالزاوية اللي تعتبر نقطة ضعف

يدخل الخروف للمنتدى ويشوف له موضوع لأحد الاعضاء يناقش قضية شرعية

وتلقى في نفس الموضوع ردود غاضبة او غير راضية لعدد من العضوات

هنا الخروف يلعب لعبته

... ويشيل سيفه ويدخل لساحة القتال :

الا الدين يا حيوان

الا الدين يا كلب

الا الدين يا اعمى القلب والبصيرة... ما اسمح لك

وبين عشية وضحاها يتحول الخروف الى خليفة صلاح الدين الايوبي

ويصير مثار اعجاب كل بنات المنتدى

ويبدأ يوزع إيميله عليهن علشان ( يفتي لهن ) في امور دينهن ودنياهن

جزاه الله خيراً وقدّس الله سرّه

.

.

القرع لمّا استوى قال للخيار ( يا لوبياء )

حصني مبارك ( كالعادة ) جاء يسابق الساعة يوم صدرت ميزانيتنا

وهو اصلاً عارف تاريخ صدورها قبلنا حنا يالسعوديين

ومثلكم خابرين ابو الحصاني.... اكثر واحد يهبش هبشات UP SIZE

يقولون والعهده على الراوي الخنفشاري..

ان ابو الحصاني لمّا درى ان حصة قطاع التعليم من الميزانية تحدّدت بـ 137 مليار

قال عطوني هالـ 37 الطارفه وتسدّكم 100 يا بتوع البترول

وكانت حجّته ان هالـ 37 هي ( ديون معدومة ) للمدرسين المصاريا الخصوصيين

وأيضاً لمّا درى ان حصة الشؤون الصحية 61 مليار

قال عطوني هالـ 1 المفصَّخ وانا ارسل لكم 300 دكتور جراحة مع 100 ممرضة فوق البيعة

ابوالشباب كالعادة اخذ نصيبه من الكعكة

ورفع مرئياته للمشاريع القادمة والخطط الخمسية السياحية في القاهرة

و ( ربنا مايحرمناش منك يا اسد العروبة )... خش عليّا بالملايين

وقبل مايمشي توسّط لاثنين من الشباب مساكين وضعوف خاسوا بالحجز وطلّعهم

وحنّا يالمواطنين الى الحين نحتري تفعيل ( صندوق معالجة الفقر )

ونحتري الرز ( يرخص )

.

.

رومانسيات صخراويات

اقتبس النور من وجنتيك وميضاً ... والحلا كله تصفطينه تحت اباطتس

يا من هام بك عشقاً وانتحب عويلاً ... ورمى بثقل قدميه تحت جزماتس

وقال لك والفحيح يتعالى زفيراً ... عطينا وجه والا ترى باسحب عباتس

ماعدت أطيق الصبر هكذا تنكيلاً ... يرحم امتس ترى دوّختينا بغلاتس

عودي الى عنقي واضربيه تعزيراً ... نعن ابو حيتس يازينتس ياحلاتس

عذبة انتي.. حسناءٌ جملة وتفصيلاً ... فديييت ام امتس وفديت شباصاتس

عقـل الهلال · #2 02/01/2010, 08:32 PM

أحسن توقيت صخ صخ وقت المباراة والناس لاهيه يمديني اتفلسف ع كيفي بما اني اووولي

شفايف توت وما ادري وشو. عاد ليتها لها من اسمها نصيب كان نقول تهون نتصبر لين نضفر, زي مافيه عيال لعابين ويتصيدون فالأكيد بوهـ بنات بعد يتصيدون ونكات ماتليق الا بملكات الجمال

اللي ماعنده ضمير ولا غيرة يقدر يتشكل بأي شكل وتحت أي ستار لإصطياد فريسته لا وبفن ودقة متناهيه ومتابعه للنفسية وياربي رباهـ .

أما البيه ترا غيروهـ بعد يعطى ويصرف عليه ولا حصلنا منه الا الجحود ع الاقل هذا فيه رجاء أشووى يجي ويتشكر ودول كهربهم ومويتهم علينا وأخرتها تحالف مع الروافض وكلهم على جبهات اسرائيل

رومانسيات ماركة صخرة أهم شيء تكون حاطه مزيل رائحة لامنها صفطت الحلا تحت ابطها

يعطيك العافيه صخ صخ .. وعسى بعض البنيوات ينتبهن لبعض المصائد

لكـ مودتي

الســفيرة · #3 02/01/2010, 08:32 PM

لاحول ولاقوة الا بالله

معقولة تفكرون بشكل البنت من يوزرها !!!

الحمدلله والشكر

لي عودة في وقت لاحق باذن الله

The-Blues · #4 02/01/2010, 08:53 PM

حــــــــــــققققققـــــــز

بعد مباااره اعتزاال نواااف

لأجــل الوعــد!! · #5 02/01/2010, 09:23 PM

ياعليــــــــــــــك توقيت مدري وش يبي<تحسد عليــــه>s2:

موضوعك ختيـــــــر

...
حجـــــــــــــــــــــــــــــــــــز...
لمتابعة المباراة ولي عودة للتعليق.

ــــــــــــــــــــــــــــــــــــــــــــــــــــــــــــــــــــــــ
عدنا.

موضوع اليوزرات اللي بالمنتديات
أنا أشوف عادي من خلال الطرح وما تكتب تبان صاحبة اليوزر مو من يوزرها احكم عليها
مع اني مااحب مثل هاليوزرات

..

اما بنت كيوت والشفايف توت

تلاقيها من جنبها

بس أنا ابفهم اللي باالأســـواق خصوصا وهم المقصد يعني تجيك حاطه بلوتوثها مثلا قمر راكبة همر

ولا مثلا جميلة وعيوني كحيــــلة

وفاتحتة ليش طيب

أنتي جاية تتسوقين ولا يعني بلتثوني ولا رقموني ولا افهموو تروني حلوة وجميلة

وأغلب الألقاب اللي مثل كذا تلاقيـــها من جنبـــــــــــها وياما تحت البراقع ضفادع

ســــــلام

ஜ ₣ ฮ เ ṥ λ Ŀ ஜ · #6 02/01/2010, 10:48 PM

من زمان ياصـخرتنا

هـ الفـئه من الشـباب متواجدهـ وبـكـثره الله لايبلانا

يـابنات تراني حلو مـآآآآآآآآآآرهـ :$ << عيني عينك وبدون لف ودوران ولا ياصخره

عوافي

قرقاص · #7 02/01/2010, 10:58 PM

هلا وغلا باحلى صخرة في المنتدى

اول ماقريت موضوك حسبتك تتكلم عن أكلات توت وفراولة وشوكلاته

مادريت ان السالفه فيها نون ومايعلمون

بعض اليوزرات مو شرط تكون لبنوتات وان كانت اخر دلع خصوصا لما تروح مكان ومزدحم والعائلات مفصولين عن الشباب ، فبعض الخرفان يسوي نفسه نعجه على خروف مثله ويجر والديه باليوزر في اول شي ويحط اسمه عسوله ولا أموره واختها قموره

وبعدين يبدا يسحب ي الخروف شوي شوي لين ياخذ منه اللي يبي جوال ولا بطاقات شحن سوا

ومقاطع البلوتوث تزخر بهالنوعيات من الخرفان

إقتباس


	مستحيل اقتنع ان وحده كبيره وعاقله وعمرها 23 تسمي نفسها ( كيوت وشفايفي توت )

تهون لو جت على 23 سنة لسا صغيره البلا لما تجيك وحدة معدية الأربعين وماتدخل مع الباب وبنت نعمة وتحط بنوته كيوت وشفايفها توت

عواي يالغالي ولاتحرمنا طلتك

صفحه الماضي · #8 02/01/2010, 11:03 PM

ماتدري يمكن اللي شفايفها توت يطلع برطم حاشي

يعني الواحد يتعب نفسه ويشبكله البنات وفي النهايه يتزوجله من جماعته

يعني ليته متزوجها.

هلالية أبوها أتحادي · #9 02/01/2010, 11:14 PM

تدري اخوي الصخرة ان فيه موضة جديدة هو ان بعض البنات يدخلون الشات مع اخوانهم على اساس التسليه والضحك انا مااصدقت اخوي هالحكي معقولة في اخوان صارت غيرتهم ميته ومااعندهم احساس بالشرف والكرامة ياكثر القصص التي بوقتنا تشيب الراس
اما اليوزرات الي بالمنتديات والي اكيد انه يوزر سخيف وضعته بنت سخيفة جدا فعلا الاغلبيه مراهقة لانها صعبة تطلع من بنات كبار

اما بالنسبة لبابا حسني فهم مثل المنشار هالمصارية تصدق اخوي اني لما كنت بالجامعة كانت تدرسنا مصرية اللغة الانجليزية تدرس بشهادة ماجستير مزورة لا وشهادتها الاساس دبلوم لصانص انجليزي يعني حنا اعلى منها لا والبلا اننا نقول له يااستاذه

ومااكتشفوا التزوير الا عقب عامين

اما الرمانسية مااقدر اعلق اخاف انتقص من جماليتها

تشكرااااااااات اخوي

sugarfall · #10 03/01/2010, 12:13 AM

ماعندي اي تعليق غير النقطة الأولى...
... حبيت أقول أفضل طريقة للتعامل في عالم الأنترنت يعني بالنسبة لي
اسلوبي واحد مع الشباب او البنات لان اللي بيفرق بينهم بيتعب يعني خلي اسلوبك مع صاحب اليوزر حسب مايصدر منه فقط
وشكرا لك بارك الله فيك
أتمنى لك التوفيق
تحيتي قبل مودتي

هلالي بحتي · #11 03/01/2010, 12:18 AM

حجززززززززززززززززز

لي عوده باذن الله

,,,,,,,,,,باك

يالبى قلبك يا صخ صخ

هههههههههههههههههههههه

اووووووه موجودين هالنوعيه
لكن الاغلب ان شاء الله بهم خير

وبعضهم يحب يتنسنس عشان يدخلن معه وعلى قولك اول مايحط ايميله اوما استفسار اوفتيه
ههههههههههه
الابيات حلووووووووووووه

خقق شاعر من طراز نادر
ياليتك قايل لك قصيده باعتزال نو11ف

تسلم يديك الف الف شكــــر تحيتي

maistro2t · #12 03/01/2010, 12:21 AM

هلا و غلا أبو صـآلح عآش من شآف ها اليوزر

إقتباس

الرسالة الأصلية كتبت بواسطة الـصـخـرة


	وقبل مايمشي توسّط لاثنين من الشباب مساكين وضعوف خاسوا بالحجز وطلّعهم وحنّا يالمواطنين الى الحين نحتري تفعيل ( صندوق معالجة الفقر ) ونحتري الرز ( يرخص )

تسلم يمينك متابعين منذو مبطي بس عجّآزين

ينطيك العافيه

شبكتكم ..

ḾŎĤǍṀẠḊ · #13 03/01/2010, 01:56 AM

بعد قرار ايقاف رادوي والساعه 2 باللليل وبعد اعتزال نواف يالبى قلبه

يعني حجززززززززززززز ولنا باك

بس اهم شي صح لسانك ليتك عاد مشارك بمسرح الراحه << كيف الترفيع ض1

باااااااااااك

حيا الله الصخره الا لايكون لك مطعم الصخره وحنى ما ندري

الموهيم نودخل بالموضوع اليوزر بصراحه اوافقك بكل شي الا انها زي العبايه العبايه اذا وزك ابليس وقزيت زين تعرف انت على سنع او لا

اوما اليوزر ما تدري شفايف توت والصدز

اوما حسني والله قد رديت هنا وقلت ان البلا اوب بحسني البلا فينا على الاقل هو جى وظبط هالمصاريا الخباث وطلعهم اوما حنى شف شبابنا الي هناك ومحد طق لهم خبر

واقرب مثال حميدان التركي الله يفك اسره ويرجع لزوجته وعياله

اوما الرومنسيات قايلك فوق لوك مشارك بمسرح الراحه خربت سوق ناقتي

شوكرا صخ صخ

وينك عن الجمهور ترا فيه مواضيع محتاجه تزبيدك هناك

BOY NJD · #14 03/01/2010, 02:02 AM

والله ياحبيبي انت واحد من اثنين ياشين وحقد ولا شين وحقد

لاكن اقول اصبر ومالك الى الاجر..

انا بما اني وسيم مش ذنبي

؟؟ اني احط يوزري على قد جمالي
واحصل لي ((بنوته كيوت شفايفها توت

))..

بدى يتميلح من الحينـ..!!

ام سالفت 23 الي ماتتوقعهااا نعرفلك ابو 35 ثلاثين كانك دور احد بعمرك

لا وراعيت شات..

.......

اما محورك الثاني حق مبارك فأوعاااا تجي حوله
لانك كتبت الموضوع وحصني تواه مختبرني ..
ولا احلى من هذا الاختبار ..

رياضيات ..داخل الاختبار والاسئلة معك

ياسلام ولا كأنك تدرس هندسه ..
فأقول يا سلام على مصر انجبت لنا رقاله ..وهي واقفه على حصني ..بكرى الدور على ابو حريري ....الى اخـ.<--- على طول الي يبلش يصرفه ((الى اخـ.))

..

...

وعلى فكره ترى اخوك مطلوب عند ادارة المجلس

فأذا سألك احد عني قل ماشفته
لاني اخذت اللقب ولا عاد شافوني...سلام