...
<--- الجاي (الجاي = الشاي = الشاهي = tea اختارو اللي يعجبكم ) <-- ماخذتها من رهام
طيب أنا اليوم وحده ما عندها سالفه مدري شكتب بس فتحت وقعدت اقرا مواضيعكم ياحليلكم
حبيت أكتب موقف صار معي في يوم من الأيام ,,,,,
انا صراحه لي أخو صغير عمره تقريبا بين 12 و 13 فهوودي ,,,, فهوودي هذا موته وقهره أ، أحد يعرف اسم أمه ...,,, اللي هي أمي <-- لا احلفي بالله
المهم ,,, والمعروف عندنا انه الورعان اللي كبر اخوووي قهرهم ان احد يعرف اسم امهم والمسأله تصير أدهى لو عرفوووا اسم أختهم بعد
وجل ما في الامر أنه أذا واحد من العيال حب يحرق دم الثاني قال له أنا اعرف اسم أمك ,,,, اللي اسمها فلانه واعرف اسم اختك بعد ,,, وراح اعلم الربع كلهم فيه
مثال على ذلك
احمد > خالد ,,, خالد <--- بزران ما في سلام بالاول
خالد < هاااا يا وجه العنز وش عندك ؟؟؟؟
أحمد > أنا وجه العنز أفا بس أفااا وليه الحبيب بس الزعل هذا
خالد < أقول بتقلب وجهك ولا ترى بتشووف شي ما شفته ,,
أحمد > طيب أعرف السبب بس ....؟؟
خالد < مهوب انت السبب عاد اقلب وجهك يالله يا ولد شمه
أحمد > اوووووص وجععععععععععععع وش له تجيب سيرة امي عاد هاااا لحد يسمعك بس ..,,,
خالد < لا والله هذا اللي هامك ما تدري ان صويلح الدب وجه الفيل ذاك نشر اسم اختي عند الربع كلهم ولا مسوي نفسك مسكين هاااا ,,,
أحمد > <--- تشعللت عيونه شرار يبي ينتقم من خالد
خالد < وين أحمد وين رايح
أحمد > <-- ما قال غير كذا
يروح احمد ويعرف اسم اخت خالد ويرجع ,,,,
خالد < هلا والله احمد وين رحت ...
أحمد > هلا والله بأخو مريم <-------- اخسسسسسسسسسس عرفها
خالد <---- ينقز على رمة احمد ويقول له عيدها يابن ا للذين وتشوف شي ما شفته
أحمد > أقول وش بتسوي يعني وخر عني لأمعط رقبتك اجيب خبرك
خالد > لا والله وتهدد انت ويا وجهك يا ولد شمه
أحمد > لا بس اوضح لك الامور يعني ان كنت ما تفهم وانت اصلا من متى تفهم فابيك تعرف اني اقدر انشر اسم اختك بعد بين الربع وتشوووف مثل ما سويت باسم امي انت
خالد < يوخر عن احمد ويقول له والمطلوب <-- أقول قلبنا فيلم مصري اشوووف
احمد > أنك ما تناديني باسم أمي ابدن ,,, وبعدين ابي منك ترووح للربع كلهم وتقول لهم ان امي مو اسمها شمه وبعدين ابيك تعزمني على العشا بالاسبوووع مره على الاقل .... , ,,,,,,,,, و,,,,,,,,,,,,,,,ووو,,,,,,,,,,,ووووو,,,,,ووو ,,,,,,,,وو,,,,,,,وو,,,,,,,
وأنا اعتقد ان الفراغ اللي فوق كله مطالب ونيييييييهههههاااااااااي
خالد < ابششششششششششششششر من عيوني الثنتين انت تامر يا ابن الاجواد <--- الحين ابن الاجواد وبعدين وش فيها اسم اخته مدري عنه
,,,,, طبعا هني نشووف ان اسم الاخت او الام يعتبر فضيييييحه بالنسبه للولد بين ربعه ,,,, ومثال ثاني لو جا ولد وعاير واحد ثاني وقال له يالراسب يرد عليه يقول له اقول يل ولد فلانه شف امك سوت لك الرضاعه مالت كل يوم ولا لا وطبعا ما يعرف يقول السوالف هذي غير الراسبين اللي يمكن انتوا منهم <-- منيب منهم ابدن
,,, مره صار قدامي موقف من اخو وحده من صديقاتي أسمعوا وش صااار
كنت عند صديقتي يعني زياره عاديه وفيها شرب جاي ( ملاحظه ارجع للترجمه اعلاه وعلى من يرغب في مزيد من الامور التفسيريه الاتصال علينا بالارقام المدونه التاليه ,,,, صفر صفر صفرين وبعدها زيرو زيرو زيرو زيرووووين وبعدها ثلاث انقط يعني 000 وان كانت الخطوط مشغوله الرجاءالمحاوله في وقت لاحق ) نرجع لموضوعنا ويوم جيت أطلع ولا واحد من العيال واقف يكلم اخو سديقتي وانا وقفت اشوف وش يبي <-- منيب قاااااطه ابدن
الولد يقول لاخو سديقتي :: يا محمد اقول وراك ما تجيب الشريط
محمد : لحظه اقول لأختي تجيبه ,,,,
<-- ويأشر محمد على اخته الصغيره وتجي تناقز قصدي تركض تقول صرصووور شاف له جوتي سبووورت لاحقه
محمد :: أقول روحي قولي لاختي هذيك ....
ا
البنت مقاطعه :: أي اخت فيهم وش تقول انت ؟؟ <-- ذكيه يعني تبي تفهم
محمد :: لا والله تبيني اقول اسم اختي وجعععععععععععععع روحي يا نوف احسن لج (لج = لتس = لكي للمؤنث المفرد انا بكتب ولا بترجم مدري )
<--- لا ما قال اسم اخته الصغيره ابدن
بالله عليكم ذكاء يد شد ش الضحر مو هييييييييييييييييييييييييييييييييييييييييييييييك
ولا الموقف اللي صار لي مع اخووووي فهوودي الحين بقوله اعتبرو الكلام اللي فوق كله مقدمه بسسسسسسسسسسسس
مره من المرات وفي يوم من الايام وسالف العصر والاوان <--- اقول تراني بطفي النور واجيب شمعه الظاهر قلبت جده هني
المهم نرجع لسالفتنا (هو انا اصلا قلتها لحد الحين ) المهم ,,, تواعدت أنا وسديقاتي أنا نلتقي بمنتزه الشعب ..... ,,, وطبعا رحت وقلت لأمي اني بروح وهي اصرت يومها انها تروح معي وانا ما حبيت أناقشها بعد تحرمني من الطلعه اليوم هذا ,,,, طلعت أنا وأمي واخواني الاثنين سعودي وفهودي ,,,,
يوم وصلت خليت امي تقعد مع أمهات سديقاتي بما انها تعرفهم عن طريق التليفون وقلت لها أنا بروح اشوف سديقاتي وينهم ,,,, ,, ويوم جيت أرح ولا امي تناديني وتقول يا مطفوقه امشي اخذي اخوانج معاج ( اخوانتس معاتس = اخوانك معاكي وربي خووش مترجمه انا هااااع )
أمي :::
أنا لا لا لا لا لا لا لا ,,,, لييييييييييه وش ابي فيهم أنا
أمي ::: أجل وش له جاااييين يقعدون معي
أنا :::: يمااااااا أنا جايه ابي اقابل سديقاتي واقعد معهم تبيني اسحب اخواني معي شنو للبيع هم ولا وشوووووووو
أمي :: لا والله تعالي اضربيني بعد
أنا ::::
أمي ::: طيب اخذي فهد وخلي سعد اتدبر أمره يالله
أنا :: طيب طيب أمري لله ,,,
أمشششششششش أنت ويا خشتك تقول عنز متوحمه بصابووونه <-- واسحبه من قميصه
وأنا افكر الحين اشوف سديقاتي شنو بيقولون لي اوووف والله فشله مع اخوي هذا ,, بس ما علينا امرنا لله اشوىىى ما قالت سعد ولا كنت رحت وطي ,,, يعني بالاخير اقتنعت بالامر الواقع ورضيت فيه ...
ولما كنت أنا وأخوي نمشي ,,, ولا صووووت واحد ينادي
فهد يا فهــــــــــــــــــــــــــــد يا ولد عمشه <--- يعني نقول هذا اسم امي ههههههههههههههه
وأنا احس ان اخوي انقص وجهه ,, ولما التفت وراي وشفت اللي ينادي تدورن من شفت
شفت واحد الخالق الناطق ليوكوزوناااا ,,,, <-- اكيد تعرفووونه انا شفت واحد يشبهه هني اللي برستيج ( هههههه اقول برستيج لا تقرا الكلام اللي قبل شوي )
ويوم سالت اخوي تعرف الدلخ ذا ,, رد قال ايييه هذا عبوووود الدب ,,, ما خلى احد ما قال له اسم امي
ومشيت انا واخوي وتجاهلنا الولد ,,,
واحنا نمشي
ونمشي
وفجأه
ولا يوقف اخوووي ويقووووول رنيموووووووووه,,,
أنا < وشوووووووو
فهوودي > لقيتها
أنا >وش اللي لقيتها ,,؟؟؟
فهوودي > لا خليني اروح يم عبود الدووب يالله ,,,,
أنا > منيب فاضيه يالله بسرعه
فهوودي > أمانه وربي اخليج تروحين وما اطلب منج اي شي ورااح اروح اقعد عند امي امانه ,,,
أنا >> قل والله
فهودي > هااا والله
أنا >> طيب <----- طيبه وربي
وأنا اللي أزخ اخوي قدامي وابي اروح معه ,,
فهودي < هاا وش تبين ؟؟؟ وش تبين جايه معي
أنا < لا عيوني رجلي على رجلك ....؟؟
فهودي < طيب طيب بس أٌقول لا تفعصين رجلي هااا .....
أنا >> امش قدامي خلصني
فهووودي < هلا والله عبوووود هلا والله ,,, شلونك شخبارك وينك يالقاطع ما نشووفك مع الربع ....
عبوود < هلا فيك انت هااااا وينك ما عاد اشووفك تلعب مع الربع وينك مستحي من اسم امك اللي اعرفه هاااا ... <--- ويهز رقبته يعني يهزا اخوي
فهوودي < لا أفا والله ليه بس الكلام ذا لا والله بس الايام اللي طافت وراي أشغال تعرف انا وراي امور وش كثرها <--- ههههههههههه اي اشغال يا كافي بس
عبوود < أشغال اييي هييييين بس
فهوودي < ما علينا تصدق ,,,,,,
عبوود< وشو
فهوودي < أنا اعرف أسوي سحر
عبود < قل والله
فهودي< اييه والله ....
عبووود < اقول اقلب وجهك يا ولد عمشه شايفني مخفه تضحك علي انت ويا وجهك ذا
فهوووودي < والله اقولك انت شف اقعد وانا اسوي فيك السحر وانت احكم .. أخليك تنسى كل شي حتى اسمك تنسى وربي .,. وأخليك ما تعرف اسم اي احد تعرفه
عبوود < طيب يالله وش عندك سو السحر ....
ويقعد أخوي يسوي حركات على الولد ويقول كلام مدري من وين جابه ,,, حترووش بترووش وهبرك ادبرك وكلام مثل هذا وهذاك قاعد يهز راسه يعني الحمد لله والشكر وربي مسخره
أنا >> <--- هذا شكلي طول الوقت تقول هندي في مسلسل مدبلج
فهوودي < غمض عيووووونك ,,
عبوود < طيب
فهوودي < هبرك ادبرك ... أنسىىىىى اسم أهلك كلهم ...
عبوووود < بس هذا هو ,,
فهووودي < بسرعه اقول قول وش اسم امك
عبووود < هه هه هه هه ما سويت شي ما نسيت اسم امي امي اسمهاااا خزنه وش عندك هاااا ,,,
فهوودي < ايواااااا ايواااا يا ولد خزنه انت ايواااا ههاهاهاهاهاههههههاهاهاهاهاهاهاهاهههههههاهاهاهاهاهه
ههههاهاهاهاهاهاهاههههههههههههههههااااااااااااااااا
اي واخيرا عرفت اسم امك يالدلخ الدب ولد خزنه هههههههههههههههه
ويقوم أخوي يناقز فوق الطاوله اللي هناك ويرقص له كم رقصه ويطق طقطقه ووناسه مالها حدووود عنده ويقعد يغني والناس تشووفه وانا ما ادري وش اسوي له مندمجه بالموقف والولد الدب واقف ما استوعب الموقف طلع اخوي لعب بعقله وضحك عليه اخسسسسسسس عليه ذكاااء ادري ما جابه من بعيد من ا خته نوير اللي هي انا ,,,,
ويوقف عبوود< ويقول يؤيؤيؤيؤيؤيؤيؤيؤيؤيؤيؤيؤيؤ أصلن أصلن هذا مو اسم امي هذا اسم اختي حنان انا اناديها خزنه ,,,, <--- قسمن غبي
فهوودي < لا وبعد اسم اختك حناااان ,,,,, والله وناسه وربي ما اخلي احد ما اقوله عن خزنه وحنان ,,, ايواااا ايواااا ايواااا ايووااااا عاشوووووووا <-- قلب طقاقه اشوووووف اخووي الله يستر بس
وأنا اللي أسحب أخوي وانزله من فوق الطاوله بعد ما تجمعوا الناس على رقصه ووناسته وطقطته وصفقاااااته وتصفير حاااد يحسبووون أن أحد من ا لمغنين موجود ,,,,
وأشوف الا عبوووود المسكين متحطم وطاح على الارض يضرب راسه ويقول انا غبي انا غبي
وبعد ما رحت عند صديقاتي ,,, وتمشينا واستانسنا لحد ما قلنا بس رجعنا البيت ولا أشوف أخوي ماسك التليفون على كل ربعه يعلمهم بالاسماء اللي عرفه اليووووم ,,,, ما خلا ولا واحد من ربعه يمكن ما قال له
وهذي طريقة اخووي في أنه يعرف اسم ام خوياااه وخواتهم ,,, مو ذكي ادري طالع لأخته ماشالله عليه
الله يستر بس لا تحسدونه اذكروو الله تراني منيب ناقصه ينحسد
مجنونة تفحيط
الوضع العادي
