نادي الهلال السعودي - شبكة الزعيم - الموقع الرسمي

السلام عليكم

هذي قصه واقعيه حصلت في ليلة الدخله

شاب راح يخطب وحده وتمت الموافقة على الخطبة ومن ثم الزواج المهم الزبدة وش اللي صار ليلة الدخلة بعد ما دخل صاحبنا شقته مع زوجته؟؟؟؟

جواله يدق ويقوم خوينا يرد على الجوال ويدور الحوار التالي

الزوج : ألووووو

المتصل : السلام عليكم ورحمة الله وبركاته . وش حالك يا (فلان) و ألف ألف مبروك

الزوج : وعليكم السلام وينكم يا نذل ما حضرتوا الحفل يا تعبان

المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.والحين حنا راجعين للديرة.((طبعاً الديرة تبعد حوالي 300كم ))

الزوج : المهم تعشيتوا

المتصل : لا والله

الزوج : كم عددكم؟

المتصل : عشرة

الزوج : أقولك (حرام طلاق عشاكم الليلة عندي) قل تم

المتصل : يا ابن الحلال ما يصير (غيير بدل).

الزوج : يالله أنا أنتظركم مع السلامه

وقفل الخط ،،،،،،،،،،،،،،،،،،،

الزوجه المسكينه ماهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع.((على بالها بيجيب عشاء جاهز )) :D: :D:

بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء

لزملاي في العمل جايين من بعيد ولا تعشوا . في أثناء الحوار.ويضرب الباب . قال يالله وصلوا نبي الهمة
وراح عند الضيوف يقهويهم.

المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم ،،،،،،،،،،،،

المسكينه متضايقه .

و المفاجأة؟؟

؟؟؟؟؟؟؟؟؟؟

أن زوجها يدخل عليها ويرمي لها بــ(50000 )

خمسين ألف قال هذا حقك قالت وش حقه

قال الرهان اللي بيني وبين زملاي العشرة على كل واحد (5000 )بأنك

تطبخين ليلة الدخلة وش يكون ردة فعلك يا موافقه ولا لا وأنتي من كسب الرهان وتمت ليلتهم على خير و أصبحى

أسعد زوجين.

وسلامتكم،، ،،