|
شباب .. فول اوبشن بسمك اللهم .. والسلام على من اتبع الهدى .. في البداية ... كل عام وانتم بخير بمناسبة حلول السنة الجديدة جعلها الله سنة خير وبركة على الجميع .. ! .. ’ http://www.alrainews.com/images/news...7348225042.jpg • الى متى ؟! هذي الفقره برعاية اختي .. بما انها جالسه جنبي وتشوفني اكتب وتقول الله يعينك على ردود الشباب ... من جد الى متى ؟! .. نطلع في الشارع .. كرش يدور حول المضمار .. نطلع بالمستشفى .. كرش بصالة الانتظار .. نطلع المطار .. كرش فوق الميزان ... ووو والمواقف كثيرة .. ليش كذا ؟! .. من جد ليش .. يعني ما فيه الا كروش .. ليش ما يكون شبابنا اصحاب اجسام مشدوده ورياضية ومنظرها حسن .. بالرغم من كثرة المراكز الرياضية في بلدنا الا اننا نشوف الكروش منتشره كثرة وخصوصا بالمرفقات العامه .. يعني تطلعين لاحد المنتزهات وجالسه وفاتحه اللابتوب تشوفين فيلم حلو والله البطل يخقق .. شوي تلتفتين تلقائيا تشوفين كائن حي منبطح على ضهره ونص فنيلته لصدره وكرش ! .. وحتى حجب الرؤية عنك خخخخخ .. يعني من جد لو نتكلم عن شبابنا وكروشهم ما انتهينا .. الاردى من كذا عند الخطبة .. تشوفين هالتفخ يتشرط ييقول لامه ابيها مثل هيفا والا نانسي والا اليسا < البنات الوحيدات الي يعرفونهم شبابنا .. وشايبنا من اول مثل سعاد عبد الله خخخ .. المهم تشوفينه يا اخيتي يتشرط .. ولا يشوف نفسه المشكلة .. يعني المفروض اننا من حقنا نتشرط انا ما ابي اتزوجك لين ما تضبط وضعك وتوخر هالكيس الدهني الي تشيله معك وين ما كنت .. لا شكل زين ولا شكل يفتح النفس وغير كذا امراض وكوليسترول .. والكلام يطول هنا ... http://www.3srk.com/AyMaNUpLoAdS/22617781.jpg • الشعب الاصلع ! رغم الصلع يا زين احبك انا .. خخخخ .. شباب اعمارهم 20 سنة تشوفينهم يزورون مراكز صحية علشان شعرهم .. يادكتوره شعري يطيح وش السوات .. احد اقاربك اصلع ؟ .. ايه خالي .. وراثه ! .. غير الوراثه فيه اسباب كثيره .. يعني تشوفون الشاب يوصل عمره لـ 29 سنة الحمد لله لقينا شعره وحده براسه .. لا احد يقول لي وحقين الكدش .. معليش كل من خلى شعره شهر ولع فيه مانبيه ... الي نبيه اعتنوا بشعوركم دهنوها نضفوها يوميا لو 3 مرات على الاقل مرتين باليوم .. الهنود الي تضحكون عليهم وش زين شعورهم .. نادرا تلقون هندي اصلع الا اذا كان بوه عرق عربي خخخخخ .. انا ما انكر ان فيه ناس تصلح لهم الصلعه وش زينها عليهم .. وناس والله تنسد النفس .. يتقدم فلان بن علان لبنت فلان .. ويوافقون طبعا الرجال مشخص وكل شي .. وليلة الدخله ينزل الشماغ ... وجع !! وين شعرك ؟ .. هاه والله بدا يتساقط .. ليه ما قلت لي ؟! .. شي عادي .. لا موب عادي عندي .. وتطاققو خخخخ .. " مشهد مضحك " .. لكن جد فيه ناس يتهاوشون علشان هالشي .. يعني يالولد انت بتتزوج بنت الناس اكيد بتسأل عنها .. اقل حقوقها تعرف وش فيك وما فيك .. واقل شي تعرف بوه شعر والا لا .. بالنهاية ... اقل حقوقنا نطالب بشباب بالمواصفات الي نبيها ! .. فول اوبشن .. مثل ما هم يتشرطون .. والله يرزق كل نفر ونفره هنا بالي يرضون فيه .. المفروض انزل الموضوع امس لكن المنتدى كان مغلق للصيانة .. واعتذر عن غيابي الفترة الماضيه لضروف خارجة عن الارادة :d مبروك فوز النصر ( :ba1: ) .. ! ’ واخيراً خخخخ :$ .. ودمتم بحفظ الله ورعايته .. ! |
أعتقد هالموضوع رداً على موضوع ( دوق فليد ) :d بخصوص الكروش فهذه ظاهرة يتمتع بها عشاق ( الكبسات ) صحيح إن أغلب شعوب آسيا يفطرون ويتغدون ويتعشون على ( الرز ) وما شفنا لهم كروش ، بسبب إن رزهم مسلوق. طبعاً ( معصي ) آكل رز مسلوق - حتى أغلب الشعب يقولون لتس معصي :d وطبيعي من حقتس تتشرطين ( هذا عمر بتقابلين وجهاً لوجه ) مو يوم ولا يومين لكن إنتي الخسرانه ، بما إن أغلب الشعب ( مكرش ) :s2: بتخيسين في بيت أهلتس :s2: ( أعتقد إن فيه واحد من الأعضاء الحين يطالع ردي ويتريق ، بما إني ما كملت شهرين زواج وبدت الكرشه تتقدم 3 سم ) لكن أقوله إني بديت خطوات معالجه الوضع قبل ما يتأزم :s2: |
هلا وغلا .. ، اخاف عليك من الحماس :d:ba1: بس خلينا شوي صريحين وبعيدين عن الحمية للجنس الناعم .. مو كل الشباب السعودي كذا :yes: ولا نقدر نقول "الغالبية" ، لكن نقول "البعض" .. وهي المشكلة في هالبعض :s2: تعرفين وش الي يقهرك .. أنو بناتنا مافي احلى ولا أروع و أطهر منهن .. ويجونك شايفين حالهم .. المفروض .. حنا حفيدات وأحفاد الصحابة رضوان الله عليهم .. نكون أرقى وأفضل من التفاهات السطحية الي يسد فيها البعض ثغرات مللهم و فراغهم الروحاني ..:razz: وفي النهاية لا احد ينسى .. ( ما يلفظُ من قولٍ الا لديه رقيبٌ عتيد ) وقوله عز وجل ( يوم تشهدُ عليهم ألسنتهم وأيديهم ) :yes: تحيتي القلبية .. |
هههههههههههههههههههههههههههههههههه ياويلك ويلآآآآهـ ادعي ربك ان المشاغب مايشوف موضوعك ولا يدخل ولا يرد وإنه يتعطل النت عنده ع بال ما يروح موضوعك الارشيف s121s هاللحين هالشباب الحلوين وش زينهم كلهم صايرين كروووش :s5s: وين عايشه انتي :ranting: شوفي مبالغه مبالغه مبالغه انتي تبالغين مررة مرررة s121s يعني كرشه خفيفه شوي بس تعطيك برستيج :wub: بعدين ودي ودي ودي :wub: اطلع فضايحكم :naughty: خصوصا بعد الحمل والولادة :s2: لا تقولين ايه حمل وولادة وما ادري شو s121s بقول شوفي اللبنانيات يحملن ويولدن وهن مازلن رشيقات :smilie47::smilie47::smilie47::smilie47::smilie47::smilie47: أما الصلعه عاد الشكوى ربي خلقنا هيكي مصلعين وخوالنا صلعان :s2: وش مانسوي نحط زيت جوز الهند والا نحط زيت زيتون والا نحط زيت حشيش ماينفعشي s121s بعدين وش حلاتها تلعبين فيها XO يالله سي يو وان شاء الله تطلعين من هالموضوع بدون كسور بس كدمات s121s لكـ مودتي |
إقتباس:
يرجعون يقارنون .. صحيح انا مالي دخل بالمقارنة لأن اصلي مش سعودي لكن مهما كان الكلام هذا كله x في x بليز بدون تعميم ! وبدون مقارنة كمان .. يعني توني كنت اقول خلو قدوتنا الصحابة وأحنا احفادهم .. و كلامنا بنتحاسب عليه يوم القيامة .. وكأني ما قلت شيء :cry: اما عن الكدمات والكسور .. فالمفروض انتو الي ما تتضرروا لأن هذا معسكر بناتي :razz: |
الاختلاف في الرأي لايفسد للود قضية عزيزتي .. ولكن بالنسبة (( لشباب الكروش )) فاعتقد انها مشكلة عند الشباب والبنات ولكن الشباب اكثر .. وهذا نتيجة (( التغذية السيئة )) !! اما بالنسبة (( للصلع )) فاعتقد ان ماللشباب يد فيها لانها (نتيجة عوامل وراثية وهرمونية على حد علمي )) وماللشباب فيها دخل وتلقينها في كل شعوب العالم مو السعودي فقط !! ولكن دعينا ننتقل (( للبنات الحلواااااات الرشيقات )) اللي لو عصرتي بعض منهم تلقين ثلاثة ارباعهن ((كريمات للركب والاكواع والخدود وملحقاتها )) و اذا غسلنا شعورهن (( نلقاها كريمات تنعيم وتلميع )) يعني لاتشكين لنا فنبكي لك !! وسامحوووووووووووونا !! |
السنيورة من ناحية الكرش اغلب الشباب مكررش ولاننسى السحالي بعد يعني اسبابها كثرة المطاعم وتنووع الاكلات الي اغلبها دهنيات وسكريات لكن بيني وبينك حلاتهم بالكررش مو يجيك وااحد صعلووك<<يعني نحييف بقوووه هههههههههههه مع تحياتي للصعاليك بس الحل نسوي برنامج الرابح الاكبر ونجيب ماجد مقبل يشرف على المكرشين بالمجلس العام والدااعم المشااغب مافيه الا هالحل هههههههههههههه |
http://www.alrainews.com/images/news...7348225042.jpg ^ ^ ^ البركه في دجاج دو << دجاج دو ونعم التربيه :laugh: :rose: |
كل شيء وله حل الان السمنة رياضة أو شفط دهون لو كان يأكل حجر هع والصلع كريمات أو زراعة هههههااا وإذا مانفعت باروكة لوووووول واللي مو حلو عمليات تجميل يعني خلاص مالنا عذر مانكون حلوين هههههههههههههههههههاااااااا بارك الله فيك أتمنى لك التوفيق تحيتي قبل مودتي |
خخخخخخخخخخخخخخخخخخخخ احمدو ربكم بس |
يا هلا فيك أختي السنيوره:rose: أول نقطه بموضوعك أختي الكرش:d بالأول والاخير هي اهتمام شخصي من الشخص نفسه بالنسبه لي الحمدلله والله يحسدوني انت ما تسمن:s3s: بس ما اتركهم بحالهم لين يقولو ما شاء الله:smilie47: انا أشوف في أسباب كثيره تخلي الشخص يسمن زياده عن اللزوم أول شي بعد الأكل خاصة الغدى ينبطح جنب السفره وينام:d:d:d وغير الرياضه والمشي طبعا ووو أمور كثيره مهمه بالحياه. والله اني احش بأخواني لما تخرب سياراتهم المشاوير يدقوها مشي ويروح الكرش يخف كثير:s4s: يوم يومين ثلاث عشر الا هم أكثر من أول:s5s: الله يزيدهم ما علينا منهم عندهم حريمهم يتصرفون معهم:d أي شخص مهما كان لو يبي يخف لازم تكون عنده اراده وعزيمه قويه اعرف كذا شخص من أصحابي سجلوا بأنديه رياضيه والحمدلله شهرين بالكثير ثلاث أشهر خفو كثير:yes: أما الي ما يهتم فهذا شي راد له وهو الخسران:s3s: بالنسبه للنقطه الثانيه الصلع أكيد هي خلقه من ربي بس لزوم الواحد يهتم بروحه مهما كان:yes: يا كثر الناس الي عندهم شعور طويله وما يهتموا فيها شكلهم وع:s3s: المهم من الموضوع قناعات الشخص تخليه يحافظ على شخصيته ومظهره بشكل عام وأكيد هي راحه نفسيه قبل أي شي ثاني:smilie47: النقطه الثالثه: الله يبارك فيك وأخيرا ما بغوا بعد مرور سبع سنوات:d يالله الوعد بكأس ولي العهد راح يتعلقون تعليقه ألييييييييييييييمهـ:s4s: موضوع مميز شكرا جزيلا لك:rose: |
***** ههههههههههههههههههههههههههههههههههههههههههههههههههه هي على كروش ولاعلى صلع ولاعلى خشوم وش نقول وش نخلي بس بس مااقول الاخلي الطابق مستور خلق ربي حسن:s5s::razz: انغبن اذا شفت هالاتراك اللي هم اقرب شي ايقالهم موب امريكان واوربيين ذولا خليهم على جنب الله يغنينا:s5s::d اجسام وخصور وطول وشعور تهفهف يمين وشمال واناقة وذوق والاهم هالرومانسية اللي يكبونها كب:s3s::s2: بس مالقاها الاحريمهم مع انهن مايجن ولا ربعنا بس مانقول الا الله يخلف علينا:cry::s3s::s2: *******</B> وبعدين هاللي ردوا فوق ويقولون كروش الحريم ماينقصن عن كروش الرجال:wub::ranting: الحين يامن اللي مانيب قايله البنات من يوم يطلعن وهن اهتمام بأجسامهن ودايت ومادايت واهتمام بأدق شي بتفاصيلها:wub::s5s::d واخرتها تطيحلها على شيف مكرش اصلع خشم مايسوى عليها طول حياتها مضيعه عمرهابالتزين والتضبط:cry::d ومع الصدمه باللي قدامها والتحطيم تنقلب حالتها 180 درجة وهذا من بركاتكم ياكروش :to::s2: *************</B> إقتباس:
س سؤال؟؟:wub:</B> الحين الواحد اذا أعرس ليش يدب وتطلعله كرشه خصوصا </B> اذا صدفت من واحد بالمية وصارمودب بالاساس!!؟؟:naughty::d</B></B> واللي يشوفه بعد العرس يرحمه ويقول هذاشكله ماذاق العيشة ببيت اهله :s2: مع اني لوبحلف امهاتهم مايوقفن يوكلنهم ويبلعنهم ليل نهار واحرص عليهم من انفسهن ياحياتي:cry::d ومع ذلك اجسامهم جحوده ماادري وين يروح هالاكل قبل العرس:to::d الحين واحد من اخواني:smilie47:معصقل معصقل مع انه اكثر واحد امي :smilie47:الله يحفظها تهتم باكله وشربه و تجهزله وجباته قبل الكل بسم الله عليه ومع ذلك مافي امل يسمن:s5s: ودايم قلبها عليه وتقول لوكل الناس سمنو ماسمن******:smilie47: واقولها وسعي صدرتس خليه يتزوج بس وتشوفين كيف جسمه يطق:wub::razz: وياكثر اللي أشوفهم نفس هالحالة بس مااقول الا الله يخلف على اهلكم وامهاتكم بالذات:cry::d ******** سنيورة :smilie47:موضوعتس يهبببببل وصفعة قوية لجنس الرجالة:naughty::d قلت ماينتفوت لازم ارد عليه:wub: مع ان المنتدى رفع ضغطي شوي يفتح وشوي يعلق ماادري شسالفتهم:wub: الموهيم</B> تقبلي مروري سنيورتنا العزيزة:ga: سلامون عليكم:s3s: |
أول شي مشكوووورة على التسفيل و النقد اللاذع...:s2: بالنسبة للكرش... هو أعتقد إهمال من الشباب لأنفسهم لأن ما فيه أحد يستحق التعب و التخسيس علشانه... يعني لو واحد من هالكروش يجي عندي يمين بالله يصير يوسين بولت من المناظر اللي يشوفها...:d بالنسبة للصلع... الصلع معروف مرض وراثي و الإنسان ما يتحكم فيه يعني حكمة الله و ماله علاج خصوصاً إذا كان وراثي... في النهاية الشكل مو اللي يحكم الإنسان و أهم شي الشخصية و الأخلاق و كم من أصلع و دب فاق براد بيت أخلاقاً و حلماً و كرماً...:s2: تحياتـ ي ـــ |
الحمد لله مامعي مشاكل من ناحية الكرش , وشعري ولله الحمد يهفهف :d:smilie47: بس من حق اللي عنده كرش والأصلع أنهم يتشرطون :d مسكين تلقينه مغتث من هالدنيا :cry: وطايح شعره من التعب والغثا :cry: يبي إذا تزوج يشوف وجه يرد الروح :d:rose: عندي تعليق على نقطه ... إقتباس:
بعدين منتيب صاحيه , بررررد .. أنتي ماتدرين أن الشتاء يدخل ويطلع ما اتروش :d:rose: بصراحه بعض الأوقات أجلس مع نفسي , وأقول ليه الواحد أو الوحده يتشرطون وشو له يتعب عمره ويدور وحده زينه !! أو هي وشو له تبي زوجها يكون مزيون !! طيب أنت يالواحد تزوجت وحده زينه , وبعدين وش الفايده !! :d يعني ماتكمل الرومنسيه والحب والحاجات هذي الا إذا صاروا مزايين :d , ما أقول الا أذهبوا إلى التل جميعاً :d يعني الأخلاق أهم من هالأمور << كلام واحد شين :d:rose: لاحد يهتم في عمره :) , ترى مايعيش في ذا الديره الا الطمل [ الطمل = الوصخ :razz: ] صح .. أبشركم عطلت :d , ودعواتكم لي مابقى الا ترم أن شاء الله واتخرج :d:smilie47::smilie47: وأعدكم بشات بعد التخرج , حتى لو اتوقف :razz::ba1::ba1: السنيورة لاهنتي :rose: |
http://www.alrainews.com/images/news...7348225042.jpg وهـ ياناس يازينها ودي اقبصها ^_* الكـــــــرش: السراحه ودي اناقش موضوع الكرش لكن المنتدى مايسمح واغلبكم مبزره^^ يعني ودي ابين لكم اضرار الكرش انا مالي دخل انا تشوه منظره او لا شوفو عبدالله الجمعان بعد قلبي سمن ومازال قمر بعيني^^ بس فيه اضرار للكرش وخاصه للمتزوجين بس الكرش لها فوائد اذا انتي حملتي وولدتي وجبتي بنوته زي القمر وابوها ماهنا ميزانيه زي العالم والناس يلعب بنته ع كرشته وشفت كثير على هالمنوال يلعبون بناتهم على كروشهم ويمكن يلعبتس انتي بعد لازم نستفيد من كل شي وبعدين ممكن تخلون الي بيلعب بفلوس وتجارون بكرشته اما الصلــــــع: هذي مااقدر اتكلم قدر الله وماشاءفعل من جد مالها حل اذا الولد تزوج بدري حيكون فيه شعر لانه ماحيجي عمره 30 الا بدى يطيح واذا تزوج متأخر تتحمل الي خذته طاح الشعر يا عبيد^^ ياعمري على عبداللطيف الغنام من يوم بزر قبل يبلغ وشعره طايح مسيكين وبس تحياتي |
| الوقت المعتمد في المنتدى بتوقيت جرينتش +3.
الوقت الان » 07:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd